|
ທ່ານຫູຈີນທາວເວົ້າວ່າ, ຈີນຈະໃຊ້ມາດຕະການຕື່ມອີກເພື່ອເຮັດວຽກງານກະສິກຳ, ຊົນນະບົດແລະຊາວກະສິກອນໃຫ້ດີ
cri
Author: min
ຕາມໜັງສືພິມເຢີນມິນຢື້ປ້າວ: ທ່ານຫູຈີນທາວ ເລຂາທິການໃຫຍ່ສູນກາງພັກກອມມູນິດຈີນເວົ້າວ່າ, ຈີນຈະໃຊ້ມາດຕະການຕື່ມອີກເພື່ອເຮັດວຽກງານກະສິກຳ, ຊົນນະບົດແລະຊາວກະສິກອນໃຫ້ດີ.
ຫວ່າງມໍ່ໆນີ້, ໃນເວລາເປັນປະທານຈັດກອງປະຊຸມກົມການເມືອງສູນກາງພັກກອມມູນິດຈີນເທື່ອໜຶ່ງຢູ່ປັກກິ່ງ, ທ່ານຫູຈີນທາວເວົ້າວ່າ, ຈີນຢາກສ້າງສັງຄົມມີຢູ່ມີກິນຍັງມີສ່ວນເຫຼືອຮອບດ້ານ, ໜ້າທີ່ລຳບາກໜັກໜາກວ່າໝູ່ແມ່ນຢູ່ໃນຊົນນະບົດ, ບັນດາຂະແໜງການທີ່ກ່ຽວຂ້ອງຕ້ອງລົງເລິກກຳກົດເກນແລະຈຸດພິເສດຂອງການພັດທະນາກະສິກຳແລະຊົນນະບົດ, ອີງຕາມທິດທາງ"ໃຫ້ຫຼາຍ, ເກັບໜ້ອຍ, ຜ່ອນຄາຍ", ຕັ້ງໜ້າສະໜັບສະໜູນການພັດທະນາຂອງກະສິກຳແລະຊົນນະບົດ, ເຮັດວຽກຕົວຈິງໃຫ້ຊາວກະສິກອນ.
ການແກ້ໄຂບັນຫາກະສິກຳ, ຊົນນະບົດແລະຊາວກະສິກອນໃຫ້ດີແມ່ນຈຸດໜັກກວ່າໝູ່ໃນວຽກງານຂອງພັກແລະລັດຖະບານຈີນ. ວັນທີ 1 ມັງກອນປີນີ້, ຈີນໄດ້ຍົກເລີກອາກອນກະສິກຳ, ນີ້ຈະຜ່ອນຄາຍພາລະຂອງຊາວກະສິກອນຈີນປະມານ 50 ຕື້ຢວນຕໍ່ປີ.
|
|
