|
ຄະນະກຳມະການການເລືອກຕັ້ງຂອງປາເລັສຕີນປະກາດຜົນເບື້ອງຕົ້ນຂອງການເລືອກຕັ້ງຄະນະກຳມະການນິຕິບັນຍັດປາເລັສຕີນ
cri
Author: cai
ຕາມຂ່າວCRI:ວັນທີ 26 ມັງກອນ,ຄະນະກຳມະການການເລືອກຕັ້ງຂັ້ນສູນກາງຂອງປາເລັສຕີນໄດ້ປະກາດຜົນເບື້ອງຕົ້ນຂອງການເລືອກຕັ້ງຄະນະກຳມະການນິຕິບັນຍັດປາເລັສຕີນ,ຂະບວນການຕໍ່ຕ້ານອິສລາມຂອງປາເລັສຕີນ(ຄືອົງການຮາມາສ)ໄດ້ຮັບ 76 ທີ່ນັ່ງໃນທັງໝົດ 132 ທີ່ນັ່ງ,ໄດ້ຮັບໄຊຊະນະໃນການເລືອກຕັ້ງດ້ວຍທ່າແຮງເດັດຖານ.ຕາມໄດ້ຊາບ,ຜົນທາງການສຸດທ້າຍຈະປະກາດຢູ່ໃນເວັບໄຊຂອງຄະນະກຳມະການການເລືອກຕັ້ງຂັ້ນສູນກາງຂອງປາເລັສຕີນພາຍໃນ 1 ຫາ 2 ມື້ຂ້າງໜ້ານີ້.
ຫຼັງຈາກນັ້ນ,ໃນງານຊຸມນຸມນັກຂ່າວ,ທ່ານອັບບາສ ປະທານອົງການອຳນາດແຫ່ງຊາດປາເລັສຕີນກ່າວລື້ມວ່າ,ທ່ານຈະຍຶດໝັ້ນນະໂຍບາຍແກ້ໄຂການປະທະກັນລະຫວ່າງປາເລັສຕີນກັບອິສຣາແອນດ້ວຍສັນຕິວິທີ.ພ້ອມກັນນັ້ນ,ທ່ານຊີ້ອອກວ່າ,ເປົ້າໝາຍຫຼັກຂອງລັດຖະບານຊຸດໃໝ່ຂອງປາເລັສຕີນແມ່ນສິ້ນສຸດການຍຶດຄອງຂອງອິສຣາແອນ,ສ້າງປະເທດປະເລັສຕີນທີ່ຖືເຢລຸຊະເລັມຕາເວັນອອກເປັນນະຄອນຫຼວງ.
ໃນມື້ດຽວກັນ,ທ່ານຄຸລາຍ ນາຍົກລັດຖະມົນຕີລັດຖະບານປົກຄອງຕົນເອງຂອງປາເລັສຕີນໄດ້ປະກາດວ່າ,ສະມາຊິກຄະນະລັດຖະບານລາອອກຈາກຕຳແໜ່ງ.
ມື້ດຽວກັນ,ຢູ່ເຢລຸຊະເລັມ,ທ່ານໂອເມີດ ຜູ້ວ່າການແທນນາຍົກລັດຖະມົນຕີຂອງອິສຣາແອນໄດ້ນັ່ງເປັນປະທານຈັດກອງປະຊຸມດ່ວນຂອງຄະນະລັດຖະບານອິສຣາແອນ,ຕົກລົງບໍ່ເຈລະຈາກັບອົງການຮາມາສກ່ອນອົງການດັ່ງກ່າວປົດອາວຸດແລະຮັບຮອງອິສຣາແອນ.
|
|
