ຕາມ​ຂ່າວໜັງສື​ພິມ​ເຢັນ​ມິນ​ຢື້​ປ້າວ​ສະບັບ​ພົ້ນທະ​ເລຂອງ​ຈີນ: "ເວທີ​ປາ​ໄສຍຸດ​ທະ​ສາດ​ພັດ​ທະ​ນາ​ຊົນນະບົດ​ເປັນ​ຕົວ​ເມືອງ​ຈີນໃນ​ສະຕະວັດ​ທີ 21" ຈະ​ຈັດ​ຂຶ້ນຢູ່​ທີ່​ປັກ​ກິ່ງ​ແຕ່​ວັນ​ທີ 17 ຮອດ​ວັນ​ທີ 19 ​ກຸມພາ, ນັກ​ການ​ເມືອງ​ສຳຄັນ ຜູ່​ຊ່ຽວຊານ ​ເຈົ້າ​ຄອງນະຄອນ​ແລະ​ນັກທຸລະກິດ​ທີ່​ມີ​ຊື່​ສຽງ​ຂອງ​ຈີນ​ແລະ​ຕ່າງປະ​ເທດປະມານ 150 ທ່ານ​ຈະ​ພ້ອມ​ກັນ​ຊອກ​ຄົ້ນ​ເສັ້ນທາງ​ພັດທະນາ​ຊົນ​ນະ​ບົດ​ເປັນ​ຕົວ​ເມືອງຈີນ​ຢ່າງປອດ​ໃສ.

​ເວທີປາ​ໄສດັ່ງກ່າວ​ແມ່ນ​ໜັງສື​ພິມ​ເຢັນ​ມິນ​ຢື້​ປ້າວ​ສະບັບ​ພົ້ນທະ​ເລ​ຂອງ​ຈີນ​ ແລະ​ສະ​ຖາ​ບັນ​ຄົ້ນ​ຄວ້າ​ຍຸດ​ທະ​ສາດ​ແລະ​ຄຸ້ມ​ຄອງຂອງ​ຈີນ​ເປັນເຈົ້າພາບຮ່ວມ. ​ເວທີ​ປາ​ໄສຈະ​ເຈາະຈົງຄົ້ນ​ຄວ້າ​ຈຸດ​ຮ້ອນ​ແລະ​ຂໍ້​ຫຍຸ້ງຍາກ​ຂອງ​ການ​ສ້າງສາ​ຊົນນະບົດ​ເປັນ​ຕົວ​ເມືອງ​ຂອງ​ຈີນ ການ​ເລືອກ​ເອົາ​​ເບົ້າ​ແບບ​ແລະຊ່າງທາງ​ສ້າງ​ຊົນນະບົດເປັນ​ຕົວ​ເມືອງ​ຂອງ​ຈີນ​, ປະສົມ​ປະສານ​ກັບ​ຄວາມ​ຕົວ​ຈິງ​ແລະ​ບົດ​ຮຽນ​ທາງ​ລົບ​ຂອງ​ຈີນ​ແລະ​ຕ່າງປະ​ເທດ, ​ເພື່ອ​ສະ​ເໜີ​ແຜນການ​ແກ້​ໄຂ​ທີ່​ມີ​ລັກສະນະ​ສ້າງສັນ.

ຄຽງ​ຄູ່​ກັບ​​ເສດຖະກິດໄດ້​ພັດທະນາ​ຢ່າງ​ວ່ອງ​ໄວ​, ອັດຕາ​ສ້າງຊົນນະບົດ​ເປັນ​ຕົວ​ເມືອງ​ຂອງ​ຈີນ​ໄດ້​ຍົກ​ສູງ​ຂຶ້ນຢ່າງ​ບໍ່​ຢຸດ​ຢັ້ງ. ຕາມ​ຄາດ​ຄະ​ເນ​ວ່າ, ຮອດ​ປີ 2020, ອັດຕາ​ສ້າງຊົນນະບົດ​ເປັນ​ຕົວ​ເມືອງ​ຂອງ​ຈີນ​ຈະ​ບັນລຸປະມານ 50%, ຮອດ​ປີ 2050 ອາດ​ຈະ​ບັນລຸ​ເຖິງ 70%.