|
ຕາມຂ່າວCRI: ໃນໂອກາດບຸນກຸດຈີນ ບຸນປະເພນີຈີນໃກ້ຈະວຽນມາເຖິງ, ວັນທີ 27 ມັງກອນນີ້, ສູນກາງພັກກອມມູນິດຈີນແລະລັດຖະບານຈີນໄດ້ຈັດງານອວຍພອນບຸນກຸດຈີນຢູ່ທີ່ປັກກິ່ງ. ຜູ່ນຳແລະຜູ່ຊົງຄຸນວຸດທິວົງການຕ່າງໆຂອງຈີນ 4000 ກວ່າຄົນໄດ້ເຕົ້າໂຮມກັນສະຫຼອງບຸນກຸດຈີນ.
ໃນງານອວຍພອນ, ທ່ານຫູຈິນທາວ ປະທານປະເທດຈີນໄດ້ຕາງໜ້າສູນກາງພັກກອມມູນິດຈີນແລະລັດຖະບານຈີນ ສະແດງຄວາມອວຍພອນຕໍ່ປະຊາຊົນຈີນບັນດາເຜົ່າ ພີ່ນ້ອງຮ່ວມຊາດຮົງກົງ ມາກາວ ໄຕ້ຫວັນ ແລະຊາວຈີນພົ້ນທະເລ, ແລະສະແດງຄວາມຂອບໃຈຢ່າງຈິງໃຈຕໍ່ເພື່ອນມິດຕ່າງປະເທດທີ່ເອົາໃຈໃສ່ແລະສະໜັບສະໜູນການສ້າງສາທັນສະໄໝຂອງຈີນ.
ທ່ານເວີນເຈຍປາວ ນາຍົກລັດຖະມົນຕີຈີນໄດ້ກ່າວຄຳປາໄສວ່າ, ປີນີ້ແມ່ນປີທຳອິດແຫ່ງແຜນການ 5 ປີຂອງຈີນຄັ້ງໃໝ່, ຈີນຈະຈັດຕັ້ງປະຕິບັດພັດທະນະທັດວິທະຍາສາດຢ່າງຮອບດ້ານ, ເລັ່ງລັດປະຕິຮູບໄຂປະຕູສູ່ພາຍນອກແລະປະດິດສ້າງໃໝ່ໂດຍເປັນເຈົ້າຕົນເອງ, ຊຸກຍູ້ການປັບປຸງອົງປະກອບເສດຖະກິດແລະຫັນປ່ຽນຮູບແບບເຕີບໂຕ, ຖືການແກ້ໄຂບັນຫາທີ່ພົວພັນກັບຜົນປະໂຫຍດຕິດຕົວຂອງມວນຊົນໄວ້ຢູ່ຖານະພົ້ນເດັ່ນ, ເພີ່ມທະວີການສ້າງສາເສດຖະກິດ ການເມືອງ ວັດທະນະທຳແລະສັງຄົມທີ່ກົມກຽວກັນ.
|
