ຕາມ​ຂ່າວສານ​ຊິນ​ຮວາ: ບໍລິສັດ​​ທະນາຄານ​ອຸດສາຫະກຳ​ການ​ຄ້າຈີນ​​ຫຸ້ນ​ສ່ວນຈຳກັດ​ໄດ້​ຕົກ​ລົງ​ຜູ່​ລົງທຶນ​ຍຸດ​ທະ​ສາດ​ຕ່າງປະ​ເທດ​ແລ້ວ, ກຸ່ມ​ໂກນ​ດ໌​ແມນ ​ແຊກ​ສ໌ ລົງທຶນ​ຈະ​ອອກ​ທຶນ 3 ຕື້ 780 ລ້ານ​ໂດ​ລາ​ສະຫະລັດຊື້​ຫຸ້ນ​ທະນາຄານ​ດັ່ງກ່າວ.

ຕອນ​ບ່າຍ​ວັນ​ທີ 27 ມັງກອນ, ກຸ່ມ ​ໂກນ​ດ໌​ແມນ ​ແຊກ​ສ໌​​ລົງທຶນເຊິ່ງລວມທັງ​ກຸ່ມ​ໂກນດ໌​ແມນ ​ແຊກ​ສ໌ ກຸ່ມ​ອາ​ລຽນ​ສ໌ ​ແລະ​ບໍລິສັດ​ອາ​ເມ​ລິ​ກາ​​ເອັກສ໌​ເພຼສ ​ກັບ​ທະນາຄານ​ອຸດ​ສາ​ຫະ​ກຳ​ການ​ຄ້າ​ຈີນໄດ້​ເຊັນ​ສັນຍາ​ກ່ຽວ​ກັບ​ການ​ລົງທຶນ​ແລະ​ການຮ່ວມ​ມື​ດ້ານຍຸດ​ທະ​ສາດ​ຢູ່​ທີ່​ປັກ​ກິ່ງ.

ຕາມ​ແນະນຳ​ວ່າ, ການ​ສຳ​ເລັດ​ການ​ຄ້າລາຍນີ້​ຍັງ​ຕ້ອງ​ໄດ້​ຮັບ​ການ​ອະນຸຍາດຈາກ​ຄະນະ​ກຳ​ມະ​ການ​ຕິດຕາມ​ຄຸ້ມ​ຄອງ​ຂະ​ແໜງ​ການ​ທະນາຄານ​ຈີນ, ຖ້າ​ໄດ້​ຮັບ​ການ​ອະນຸຍາດ, ກໍ່​ຈະ​​ເປັນ​​ໂຄງ​ການ​ລົງທຶນ​ດ້ານຍຸດ​ທະ​ສາດ​ຕ່າງປະ​ເທດທີ່​ໃຫຍ່​ກວ່າ​ໝູ່​ລາຍ​ໜຶ່ງ​ຂອງ​ຂະ​ແໜງ​ການ​ທະ​ນາ​ຄານ​ຈີນຈົນ​ຮອດ​ປັດຈຸບັນ.