|
|
 |
| (GMT+08:00)
2006-01-28 17:41:45
|
 |
|
ປະຊາຄົມໂລກຮຽກຮ້ອງໃຫ້ອົງການຮາມາສຜ່ານຈາກວິຖີທາງການເມືອງມາແກ້ໄຂບັນຫາປາເລັສຕິນອິສຣາແອນ
cri
ຕາມຂ່າວCRI,ຕອນຄ່ຳວັນທີ26ມັງກອນ,ພາຍຫຼັງຄະນະກຳມະການເລືອກຕັ້ງຂັ້ນ
ສູນກາງຂອງປາເລັສຕິນໄດ້ປະກາດຜົນສະຖິຕິເບື້ອງຕົ້ນກ່ຽວກັບຂະບວນການຕໍ່
ຕ້ານອິສລາມປາເລັສຕິນຄືອົງການຮາມາສໄດ້ຮັບໄຊຊະນະໃນການເລືອກຕັ້ງຄະ
ນະກຳມະການນິຕິບັນຍັດແລ້ວ,ວັນທີ27ມັງກອນ,ປະຊາຄົມໂລກໄດ້ພາກັນກ່າວວ່າ
ຮັບເອົາໝາກຜົນດັ່ງກ່າວ,ແລະຮຽກຮ້ອງໃຫ້ອົງການຮາມາສວາງອາວຸດ,ຜ່ານຈາກ
ວິຖີທາງການເມືອງມາແກ້ໄຂບັນຫາປາເລັສຕິນອິສຣາແອນ.
ທ່ານບຸສປະທານາທິບໍດີອາເມລິກາກ່າວວ່າ,ຖ້າວ່າອົງການຮາມາສບໍ່ປະລະກຳລັງ
ອາວຸດແລະການຂົ່ມຂູ່ຕໍ່ອິສຣາແອນ,ອາເມລິກາກໍຈະຍົກເລີກການຊ່ອຍເຫຼືອດ້ານ
ເສດຖະກິດຕໍ່ປາເລັສຕິນ.
ໂຄສົກຂອງທ່ານເບຼ ນາຍົກລັດຖະມົນຕີອັງກິດກ່າວວ່າ,ລັດຖະບານອັງກິດຈະອີງ
ຕາມຂໍ້ນີ້ມາຕົກລົງວ່າຈະສືບຕໍ່ໃຫ້ການຊ່ອຍເຫຼືອແກ່ລັດຖະບານປາເລັສຕິນຫຼືບໍ່?
ທູດພິເສດບັນຫາຕາເວັນອອກກາງຂອງກະຊວງການຕ່າງປະເທດຣັດເຊຍກ່າວ
ວ່າ,ຣັດເຊຍກຽມຮ່ວມມືກັບປະເທດທີ່ສະໜັບສະໜູນແຜນການແຜນທີ່ເສັ້ນທາງສັນ ຕິພາບຕາເວັນອອກກາງແລະບໍ່ຄັດຄ້ານການຊົງຕົວຢູ່ຂອງອິສຣາແອນ.
ໃນເວລາໂທລະສັບໄປຍັງທ່ານອັບບັສປະທານອົງການອຳນາດແຫ່ງຊາດປາເລັສຕິນ,
ທ່ານມູບາລັກປະທານາທິບໍດີເອຢິບກ່າວວ່າ,ຂະບວນການປົດປ່ອຍຊາດປາເລັສຕິນຄື
ອົງການອານຟາຕາຄວນຮ່ວມກັນສູ້ຊົນກັບອົງການຮາມາສເພື່ອຊຸກຍູ້ສັນຕິພາບແລະ
ສ້າງຕັ້ງປະເທດປາເລັສຕິນ.
ສົມເດັດອັບດູນລາ ເຈົ້າຊີວິດຊອກດານີລັດຊະການທີສອງກ່າວວ່າ,ການສ້າງຕັ້ງປະ ເທດປາເລັສຕິນທີ່ຊົງຕົວນຳກັນກັບອິສຣາແອນແມ່ນວິຖີທາງພຽງເສັ້ນດຽວຂອງພາກ
ພື້ນແຫ່ງນີ້ເພື່ອບັນລຸສັນຕິພາບແລະສິ້ນສຸດກຳລັງຮຸນແຮງແລະລັດທິຫົວຈັດ.
|
|
|
