|
|
 |
| (GMT+08:00)
2006-01-28 17:55:08
|
 |
|
ບຸກຄົນຊື່ດັງຂອງຮົງກົງແລະມາກາວຍ້ອງຍໍເຈດຈຳນົງຕໍ່ໄຕ້ຫວັນ8ຂໍ້ຂອງ ທ່ານຈ່າງເຈີມິນ
cri
ຕາມຂ່າວສານຊີນຮວາ,ຫວ່າງມໍ່ໆນີ້,ຢູ່ສະຖານທີ່ຕ່າງໆ,ບຸກຄົນຊື່ດັງຂອງຮົງກົງແລະມາກາວໄດ້ວິຈານຕໍ່ເຈດຈຳນົງຕໍ່ໄຕ້ຫວັນ8ຂໍ້ທີ່ທ່ານຈ່າງເຈີມີນ ອະດີດຜູ້ນຳຈີນສະເໜີອອກມາໃນ11ປີກ່ອນ,ເຫັນວ່າເຈດຈຳນົງເຫຼົ່ານີ້ແມ່ນການບັນລະຍາຍຮອບດ້ານຕໍ່ທິດທາງໂຮມເຂົ້າດ້ວຍສັນຕິວິທີ,ປະເທດດຽວ,ສອງລະບອບ,ໄດ້ຕາງໜ້າຄວາມປາຖະໜາຮ່ວມຂອງປະຊາຊົນຈີນທຸກຖ້ວນໜ້າ,ຮອດປັດຈຸບັນກໍ່ຍັງມີຄວາມໝາຍຕົວຈິງ.
ທ່ານຕົງຈ້ຽນຮວາ ຮອງປະທານສະພາປຶກສາການເມືອງປະຊາຊົນແຫ່ງຊາດຈີນ ອະດີດຜູ້ວ່າການເຂດບໍລິຫານພິເສດຮົງກົງເວົ້າວ່າ,ຫຼັກການປະເທດຈີນດຽວໃນຖານເປັນພື້ນຖານແລະປະຖົມປັດໄຈໃນການຂະຫຍາຍການພົວ ພັນສອງຝັ່ງຊ່ອງແຄບແລະໂຮມປະເທດຊາດເຂົ້າເປັນເອກະພາບກັນໂດຍສັນຕິ,ແມ່ນໄດ້ປະຕິບັດຢ່າງສະເໝີຕົ້ນສະເໝີປາຍ,ແລະກໍ່ບໍ່ຫ່ອນຈະປ່ຽນແປງ.
ທ່ານມາວ້ານສີ ຮອງປະທານສະພາປຶກສາການເມືອງປະຊາຊົນແຫ່ງຊາດຈີນ ບຸກຄົນຊື່ດັງຂອງມາກາວເຫັນວ່າ,ເຈດຈຳນົງ8ຂໍ້ຂອງທ່ານຈ່າງເຈີມີນໄດ້ເສີມຂະຫຍາຍບົດບາດອັນສຳຄັນໃນການຂະຫຍາຍການພົວພັນສອງຝັ່ງຊ່ອງແຄບແລະຊຸກຍູ້ພາລະກິດໂຮມປະເທດເຂົ້າເປັນເອກະພາບກັນ,ແລະມີຄວາມໝາຍຕົວຈິງຢ່າງແຂງແຮງ.
ວັນທີ27ມັງກອນ,ຜູ້ຕາງໜ້າຊາວຈີນຕ່າງດ້າວຢູ່ແມັກຊິກ40ກວ່າຄົນກໍ່ໄດ້ຈັດງານສົນທະນາຢູ່ແມັກຊິກໂກ ນະຄອນຫຼວງແມັກຊິກ,ລະລຶກທ່ານຈ່າງເຈີມິນ ອະດີດຜູ້ນຳຈີນປະກາດຄຳປາໄສທີ່ພາດຫົວເລື່ອງວ່າ ສືບຕໍ່ພະຍາຍາມສູ້ຊົນເພື່ອຊຸກຍູ້ພາກລະກິດໂຮມປະເທດຊາດເຂົ້າເປັນເອກະພາບກັນ ຄົບຮອບ11ປີ.
|
|
|
