|
|
 |
| (GMT+08:00)
2006-01-29 17:03:43
|
 |
|
ອົງການຮາມາສຫວັງຮ່ວມມືກັບບັນດາຝ່າຍປາເລັສຕີນ ອິສລະແອນວາງນະໂຍບາຍຕໍ່ອົງການຮາມາສ
cri
Author: da
ຕາມຂ່າວCRI: ວັນທີ 28 ມັງກອນ,ທ່ານຮາເລັດ ມາສຮາອານ ຜູ້ນຳການເມືອງຂອງອົງການຮາມາສ ຂະບວນການຕໍ່ຕ້ານອິສລາມປາເລັສຕີນເວົ້າວ່າ,ອົງການຮາມາສຫວັງຮ່ວມມືກັບບັນດາຝ່າຍປາເລັສຕີນ,ເພື່ອບັນລຸເປົ້າໝາຍປະຕິຮູບອົງການສິດອຳນາດແຫ່ງຊາດປາເລັສຕີນ ຕໍ່ຕ້ານອິສລະແອນແລະສ້າງບ້ານແປງເມືອງ.ໃນຂະນະດຽວກັນ,ທ່ານໂອເມີດ ຜູ້ວ່າການແທນນາຍົກລັດຖະມົນຕີອິສລະແອນກໍ່ໄດ້ວາງນະໂຍບາຍຕໍ່ອົງການຮາມາສ.
ຢູ່ດາມາສ ນະຄອນຫຼວງຊີເຣຍ ທ່ານມາສຮາອານກ່າວວ່າ,ອົງການຮາມາສຈະຈັດຕັ້ງກອງທັບເພື່ອປ້ອງກັນປະຊາຊົນປາເລັສຕີນ,ຕໍ່ຕ້ານການຮຸກຮານຂອງອິສລະແອນ.ອົງການຮາມາສຈະບໍ່ຮັບຮອງການຍຶດຄອງປາເລັສຕີນຂອງອິສລະແອນ,ແຕ່ກໍຮູ້ດີວ່າ ເລື່ອງນີ້ຈະແກ້ໄຂໃນບາດດຽວບໍ່ໄດ້.
ມື້ດຽວກັນ,ທ່ານໂອເມີດເວົ້າວ່າ,ນະໂຍບາຍຕໍ່ອົງການຮາມາສຂອງອິສລະແອນຈະໂຄລົບ 3 ຫຼັກການຢ່າງເຄັ່ງຄັດ,ຄື:ອົງການຮາມາສຕ້ອງປົດອາວຸດ,ຕ້ອງຍົກເລີກຂໍ້ບັນຍັດທາງສາສະໜາທີ່ໝາຍຢາກທັບມ້າງອິສລະແອນ,ແລະຮັບເອົາສັນຍາທັງໝົດທີ່ປາເລັສຕີນກັບອິສລະແອນເຊັນກັນ.ທ່ານໂມຟາສ໌ ລັດຖະມົນຕີກະຊວງປ້ອງກັນປະເທດຂອງຄະນະລັດຖະບານຮັກສາການຂອງອິສລະແອນກ່າວວ່າ,ບໍ່ວ່າອົງການຮາມາສຈະຢູ່ໃນຖານະໃດໆພາຍໃນລັດຖະບານປາເລັສຕີນປົກຄອງຕົນເອງໃນອະນາຄົດ,ອິສລະແອນກໍ່ບໍ່ຫ່ອນຈະປັດປ່າຍການລອບຄາດຕະກຳຜູ້ນຳອົງການດັ່ງກ່າວ.ອິສລະແອນບໍ່ເຈຕະນາໃຫ້ການຮັບຮອງທີ່ຊອບກົດໝາຍໃດໆແກ່ອົງການຮາມາສ.
|
|
|
