|
ໃນຍາມພັກບຸນກຸດຈີນ ຈຳນວນສົ່ງຂໍ້ຄວາມສັ້ນດ້ວຍໂທລະສັບມືຖືໃນທົ່ວປະເທດຈີນມີຫວັງຈະບັນລຸ 12 ຕື້ຂໍ້
cri
Author: cai
ຕາມຂ່າວສານຊີນຮວາ:ວັນທີ 29 ມັງກອນແມ່ນບຸນກຸດຈີນ ບຸນປະເພນີຂອງຊາວຈີນ.ການສົ່ງຂໍ້ຄວາມສັ້ນອວຍພອນປີໃໝ່ໄດ້ກາຍເປັນຮູບການອວຍພອນປີໃໝ່ທີ່ສຳຄັນກວ່າໝູ່ອັນໜຶ່ງຂອງມວນຊົນໃນຍາມບຸນກຸດຈີນແລ້ວ.ຄາດວ່າ,ໃນຍາມພັກ 7 ມື້ຂອງບຸນກຸດຈີນ,ຈຳນວນສົ່ງຂໍ້ຄວາມສັ້ນດ້ວຍໂທລະສັບມືຖືໃນທົ່ວປະເທດຈີນອາດຈະມີ 12 ຕື້ຂໍ້.
ການສົ່ງຂໍ້ຄວາມສັ້ນແມ່ນຮູບການສົ່ງຂ່າວຄາວທີ່ຜູ້ໃຊ້ໂທລະສັບມືຖືຂອງຈີນມັກໃຊ້ກວ່າໝູ່.ປີ 2005,ຈຳນວນສົ່ງຂໍ້ຄວາມສັ້ນຂອງຈີນແມ່ນ 300 ຕື້ກວ່າຂໍ້,ເປັນ 300 ກວ່າເທົ່າຂອງ 6 ປີກ່ອນ.
ນັບມາຮອດທ້າຍປີ 2005,ຍອດຈຳນວນຜູ້ໃຊ້ໂທລະສັບມືຖືຂອງຈີນໄດ້ລື່ນກາຍ 393 ລ້ານເລກໝາຍ,ອັດຕາໃຊ້ໂທລະສັບມືຖືໄດ້ບັນລຸ 30,3 ເຄື່ອງຕໍ່ 100 ຄົນ.
|
|
