|
|
 |
| (GMT+08:00)
2006-01-30 17:45:49
|
|
ພັກປະຊາຊົນກຳປູເຈຍໄດ້ຮັບທີ່ນັ່ງສ່ວນຫຼາຍໃນການເລືອກຕັ້ງສະພາສູງ
cri
Author: cai
ຕາມຂ່າວສານຊີນຮວາ:ຕອນຄ່ຳວັນທີ 29 ມັງກອນ,ຄະນະກຳມະການການເລືອກຕັ້ງທົ່ວປະເທດກຳປູເຈຍໄດ້ປະກາດຜົນການເລືອກຕັ້ງສະພາສູງຄັ້ງທຳອິດຢ່າງເປັນທາງການ,ພັກປະຊາຊົນກຳປູເຈຍໄດ້ຮັບທີ່ນັ່ງ 2 ສ່ວນ 3 ຂຶ້ນໄປໃນສະພາສູງ.
ອີງຕາມຜົນທາງການດັ່ງກ່າວ,ໃນການເລືອກຕັ້ງສະພາສູງກຳປູເຈຍຄັ້ງທຳອິດທີ່ຈັດຂຶ້ນໃນວັນທີ 22 ມັງກອນ,ພັກປະຊາຊົນກຳປູເຈຍທີ່ເປັນພັກຄອງອຳນາດໃຫຍ່ທີໜຶ່ງໄດ້ຮັບ 45 ທີ່ນັ່ງ,ພັກຟູນຊີນເປັກ ພັກຄອງອຳນາດອີກພັກໜຶ່ງໄດ້ຮັບ 10 ທີ່ນັ່ງ.
ອີງຕາມຂໍ້ກຳນົດຂອງລັດຖະທຳມະນູນກຳປູເຈຍ,ສະພາສູງມີສິດພິຈາລະນາຂໍ້ມາດຕາກົດໝາຍທີ່ສະພາແຫ່ງຊາດໄດ້ຜ່ານ,ປະທານສະພາສູງຈະວ່າການແທນປະມຸກລັດໃນເວລາເຈົ້າຊີວິດໄປຕ່າງປະເທດຫຼືໃຊ້ອຳນາດບໍ່ໄດ້ຍ້ອນສາຍເຫດອື່ນ.
|
|
|
