|
ທ່ານນາງໄລສກ່າວວ່າອາເມລິກາບໍ່ຫ່ອນຈະຊ່ວຍເຫຼືອລັດຖະບານປາເລັສຕີນທີ່ອົງການຮາມາສຄວບຄຸມ
cri
ຕາມຂ່າວCRI,ວັນທີ29ມັງກອນ,ທ່ານນາງໄລສ ລັດຖະມົນຕີການຕ່າງປະເທດອາເມລິກາກ່າວວ່າ,ອາເມລິກາບໍຫ່ອນຈະສະໜອງການຊ່ວຍເຫຼືອດ້ານການເງິນໃດໆໃຫ້ແກ່ລັດຖະບານປາເລັສຕີນທີ່ຢູ່ໃຕ້ການຄວບຄຸມຂອງອົງການຮາມາສທີ່ໄດ້ຮັບໄຊຊະນະໃນການເລືອກຕັ້ງຄະນະກຳມະການນິຕິບັນຍັດປາເລັສຕີນ,ພ້ອມກັນນັ້ນອາເມລິກາກໍຮຽກຮ້ອງໃຫ້ປະເທດອື່ນໆຊຶ່ງລວມທັງປະເທດອາຣັບກໍຢຸດຕິການຊ່ວຍເຫຼືອອົງການຮາມາສ.
ໃນກາງທາງໄປເຂົ້າຮ່ວມກອງປະຊຸມບັນຫາຕາເວັນອອກກາງທີ່ຈະຈັດຂຶ້ນຢູ່ລອນດອນ,ທ່ານນາງໄລສກ່າວວ່າ,ລັດຖະບານບຸສພຽງແຕ່ເຄົາລົບຄຳໝັ້ນສັນຍາທີ່ຊ່ວຍເຫຼືອ ລັດຖະບານປາເລັສຕີນທີ່ຢູ່ໃຕ້ການນຳພາຂອງທ່ານອັບບາສເທົ່ານັ້ນ,ອາເມລິກາບໍຫ່ອນຈະສະໜອງເງິນທຶນໃຫ້ແກ່ອົງການຈັດຕັ້ງທີ່ເປີດປ່າວວ່າຈະດັບສູນອິດສຣາແອນ.
ນອກນີ້,ຕາມຂ່າວແຈ້ງວ່າ,ວັນທີ29ມັງກອນ,ຢູ່ເຢລູສະເລມ,ທ່ານນາງເມີເຄິນ ນາຍົກລັດຖະມົນຕີເຢຍລະມັນທີ່ພວມຢ້ຽມຢາມອິດສຣາແອນກ່າວວ່າ,ທະແນມແຕ່ອົງການຮາມາສປະຕິເສດບໍ່ປະລະກຳລັງອາວຸດ,ແລະບໍ່ຮັບຮອງສິດຄົງຕົວຂອງອິດສຣາແອນ,ສະຫະພາບເອີລົບກໍ່ບໍ່ຫ່ອນຈະສະໜອງການຊ່ວຍເຫຼືອທາງເສດຖະກິດໂດຍກົງໃຫ້ແກ່ລັດຖະບານປາເລັສຕີນ.
ມື້ດຽວກັນ,ທ່ານຈາຮານ ຜູ້ນຳຂອງອົງການຮາມາສຢູ່ກາຊາກ່າວວ່າ,ອົງການຮາມາສຍຶດໝັ້ມຫຼັກໝັ້ນທີ່ບໍ່ຮັບຮອງອິດສຣາແອນ,ແຕ່ມີຄວາມອາດສາມາດຢຸດຍິງກັບອິດສຣາແອນຢ່າງຍາວນານ.
|
|
