|
|
 |
| (GMT+08:00)
2006-01-31 14:46:31
|
 |
|
ບຸນກຸດຈີນ-ງານມະໂຫລານຂອງທົ່ວປວງຊົນໃນການບໍລິໂພກ
cri
|
ການປະຢັດມັດທະຍັດແມ່ນຄຸນສົມບັດອັນດີງາມຂອງປະຊາຊາດຈີນທີ່ມີມາແຕ່ຫຼາຍພັນປີ,ມາຮອດສັງຄົມປັດຈຸບັນ,ການຝາກເງິນໃຫ້ຫຼາຍ,ໃຊ້ເງິນໜ້ອຍກໍ່ແມ່ນຂໍ້ບັນຍັດຂອງຊາວຈີນຫຼາຍຄົນ.ແຕ່ທຸກສິ່ງທຸກຢ່າງລ້ວນແຕ່ມີຂໍ້ຍົກເວັ້ນ,ໃນໄລຍະຄົງທີ່ທຸກໆປີ,ຊາວຈີນຈະລືມຄຸນສົມບັດອັນຈົບງາມເຫຼົ່ານີ້ຊົ່ວຄາວ,ແລ້ວໄປບໍລິໂພກຕາມລຳພັງໃຈ.ໄລຍະທີ່ເຮັດໃຫ້ຄົນຮູ້ສຶກເພີ່ງພໍໃຈທີ່ສຸດກໍ່ແມ່ນບຸນກຸດຈີນ.
ການຮ່ວມພາເຂົ້າພ້ອມກັນກັບຄອບຄົວໃນຕອນຄ່ຳວັນສິ້ນປີຕາມຈັນທະຄະຕິ,ແມ່ນປະເພນີຂອງ ຊາວຈີນໃນການຫຼິ້ນບຸນກຸດຈີນ.ໃນເມື່ອກ່ອນ,ຊາວຈີນສ່ວນຫຼາຍແມ່ນກິນອາຫານຄ່ຳທີ່ສຳຄັນກວ່າໝູ່ໃນປີໜຶ່ງຢູ່ໃນເຮືອນ,ປັດຈຸບັນຄຽງຄູ່ກັບລາຍໄດ້ແລະຄວາມຕ້ອງການດ້ານບໍລິໂພກຍົກສູງຂຶ້ນ,ມີຄົນນັບມື້ນັບຫຼາຍໄດ້ພາກັນໄປກິນເຂົ້າຢູ່ນອກເຮືອນ.ແຕ່ກ່ອນເມື່ອຮອດບຸນກຸດຈີນ,ພັດຕາຄານແລະໂຮງແຮມຕ່າງໆກໍ່ປິດປະຕູແລ້ວ,ປັດຈຸບັນພັດຈະເລີນຂຶ້ນນຳຄູ່ປີ.ຢູ່ພັດຕາຄານຍີ່ຫໍ້ເກົ່າຫຼາຍແຫ່ງຂອງເມືອງໃຫຍ່ຄືປັກກິ່ງ,ຊຽງໄຮ້,ຈຸງກິ່ງ,ແລະກວາງໂຈ່ວເປັນຕົ້ນ,ທີ່ນັ່ງກໍ່ໄດ້ຖືກຈອງເຕັມເມື່ອສອງເດືອນກ່ອນ.ຮ້ານເປັດຢ້າງຊວນຈູ້ເຕີທີ່ມີຊື່ສຽງດົ່ງດັງພາຍໃນປະເທດແລະຕ່າງປະເທດກໍ່ຄືກັນ.ນາງລິວກຸ້ຍຟ່າງ ຜູ້ຮັບຜິດຊອບທີ່ກ່ຽວຂ້ອງຂອງກຸ່ມບໍລິສັດຊວນຈູ້ເຕີຄາດວ່າ,ໃນໄລຍະບຸນກຸດຈີນປີນີ້,ມຸນຄ່າທຸລະກິດຂອງພັດຕາຄານ ຈະສ້າງສະຖິຕິໃໝ່ອີກ.
ແຕ່ມື້ຂຶ້ນ1ຄ່ຳຮອດ7ຄ່ຳ,ຫ້ອງດ່ຽວໄດ້ຖືກຈອງໝົດແລ້ວ,ປີກາຍນີ້ໃນບຸນກຸດຈີນປີກາຍນີ້,ລາຍໄດ້ທຸລະກິດຂອງກຸ່ມບໍລິສັດຊວນຈູ້ເຕີຢູ່ປັກກິ່ງມີເຖິງ10ລ້ານຢວນ,ພວກເຮົາຫວັງວ່າປີນີ້ຈະດີກວ່າປີກາຍນີ້.
ໃນຄະນະດຽວກັນ,ຮ້ານອາຫານກິນໄວຂອງຝ່າຍຕາເວັນຕົກທີ່ລົງທຶນຢູ່ຈີນກໍ່ພາກັນໃຊ້ມາດ ຕະການຕ່າງໆຍາດແຍ່ງໂອກາດການຄ້າດ້ານກິນດື່ມໃນຍາມບຸນກຸດຈີນ,ຮ້ານອາຫານແມັກໂດນັດໄດ້ຈັດການເຄື່ອນໄຫວແຖມບັດລົດລາຄາເພື່ອຊຸກຍູ້ການຈຳໜ່າຍ,KFCພັດໄດ້ແຂວນເຄື່ອງເອ້ດັ້ງເດີມສຳລັບປີໃໝ່ຂອງຈີນເຊັ່ນຂອດຈີນເປັນຕົ້ນ.ຄາດວ່າໃນຍາມບຸນກຸດຈີນປີນີ້,ລາຍໄດ້ຂອງຂະແໜງການກິນດື່ມຂອງຈີນມີຫວັງຈະລື່ນກາຍ200ລ້ານຢວນ.
ນອກນີ້,ວິສາຫະກິດຂາຍຍ່ອຍທີ່ຕ່າງປະເທດລົງທຶນຢູ່ຈີນກໍ່ເຫັນໄປໃນແງ່ດີຕໍ່ໂອກາດການຄ້າໃນຍາມບຸນກຸດຈີນ,ພາກັນໃຊ້ພາຫະນະຊຸກຍູ້ການຈຳໜ່າຍທີ່ມີສີສັນພິເສດຂອງຈີນ,ເພື່ອຫາຜົນກຳໄລສ່ວນໜຶ່ງໃນຕະຫຼາດບໍລິໂພກໃນຍາມບຸນກຸດຈີນ.ຮ້ານຊຸບເປີມາເກັດຝ່າຍຕາເວັນຕົກຄືວອນມັດ,ກາເຣີຟົວເປັນຕົ້ນກໍເຂົ້າບ້ານຕາຫຼິ່ວຕ້ອງຫຼິ່ວຕາຕາມ,ປະດັບຕົກແຕ່ງໃໝ່,ບາງຮ້ານແຂວນໂຄມໄຟ,ບາງຮ້ານຕິດຮູບປີໃໝ່,ແລະໄດ້ວາງຕູ້ຂາຍສິນຄ້າສະຫຼອງບຸນກຸດຈີນເຊັ່ນຂະໜົມ,ຢາສູບ,ເຫຼົ້າແລະຊິ້ນເອືອບເປັນຕົ້ນຢູ່ບ່ອນເດັ່ນ,ເພື່ອດຶງດູດລູກຄ້າ.
ໂດຍບໍ່ຕ້ອງສົງໄສເລີຍວ່າ,ຍາມພັກ7ມື້ໃນໄລຍະບຸນກຸດຈີນໄດ້ອຳນວຍໂອກາດດີໃຫ້ຊາວຈີນໄປທ່ອງທ່ຽວຢູ່ນອກພາຍຫຼັງຂຸ້ນນຳວຽກປີໜຶ່ງແລ້ວ.ໃນຍາມບຸນກຸດຈີນ,ບ່ອນທ່ອງທ່ຽວທີ່ຫຼາຍຄົນນິຍົມທີ່ສຸດແມ່ນຮົງກົງ,ມາກາວແລະເຂດອາຊີອາຄະເນທີ່ຂ້ອນຂ້າງໃກ້.ທ່ານຈ່າງຊົ້ວ ຜູ້ຈັດການຊັ້ນສູງຂອງພະແນກເຜີຍແຜ່ຕະຫຼາດຂອງບໍລິສັດທ່ອງທ່ຽວສາກົນຈີນເຫັນໃນແງ່ດີຫຼາຍຕໍ່ທຸລະການທ່ອງທ່ຽວແດນນອກໃນຍາມບຸນກຸດຈີນ.ທ່ານເວົ້າວ່າ,
ແຕ່ກ່ອນ,ເມື່ອຮອດບຸນກຸດຈີນຄົນທັງໝົດໃນຄອບຄົວຕ້ອງເຕົ້າໂຮມກັນງັນກັນໝົດຄືນວັນສິ້ນປີ,ແຕ່ປັດຈຸບັນ,ທັດສະນະດັ້ງເດີມດັ່ງກ່າວພວມປ່ຽນແປງເທື່ອລະກ້າວ.ຫຼາຍຄົນໄປທ່ຽວນອກໃນຍາມບຸນກຸດຈີນ,ຈົນກະທັ້ງໃນວັນສິ້ນປີ.ບຸນກຸດຈີນໄດ້ກາຍເປັນໄລຍະທ່ອງທ່ຽວທີ່ຈະເລີນດ້ານ,ແນ່ນອນແລ້ວຈະມີປະສິດທິຜົນສູງ.
ຕາມສະຖິຕິ,ແຂກທ່ອງທ່ຽວແດນນອກຕົ້ນຕໍໂຮມສູນຢູ່ສອງຕົວເມືອງໃຫຍ່ຂອງຈີນຄືປັກກິ່ງແລະຊຽງໄຮ້.ປີກາຍນີ້,ຜູ້ໄປທ່ຽວຕ່າງປະເທດຂອງປັກກິ່ງມີເຖິງ3ໝື່ນ2ພັນຄົນ,ຂອງເມືອງຊຽງໄຮ້ມີ2ໝື່ນ8ພັນຄົນ.ບຸກຄົນວົງການທ່ອງທ່ຽວຄາດຄະເນວ່າ,ຈຳນວນຄົນທີ່ໄປທ່ຽວຕ່າງປະເທດໃນຍາມບຸນກຸດຈີນປີນີ້ອາດຈະສ້າງສະຖິຕິໃໝ່.
ບຸນກຸດຈີນບຸນເກົ່າແກ່ຂອງຈີນກໍມີເນື້ອໃນວັດທະນະທຳອັນເລິກເຊິ່ງຕະຫຼອດມາ.ປັດຈຸບັນ, ຄົນທັງຫຼາຍໄດ້ເອົາໃຈໃສ່ນຳຄຸນຄ່າດ້ານເສດຖະກິດນັບມື້ນັບຫຼາຍ.ທ່ານກ່າວເຕີປູ້ແມ່ນສາດສະ ດາຈານຂອງວິທະຍາໄລເສດຖະກິດມະຫາວິທະຍາໄລປະຊາຊົນຈີນ,ທ່ານບອກນັກຂ່າວວ່າ,ການບໍລິໂພກໃນຍາມບຸນກຸດຈີນໄດ້ຊັກນຳໃຫ້ເສດຖະກິດເຕີບໂຕໃນລະດັບໃດໜຶ່ງ.
ການບໍລິໂພກສິນຄ້າແລະການບໍລິໂພກການບໍລິການລ້ວນແຕ່ຈະເພີ່ມຂຶ້ນຢ່າງຫຼວງຫຼາຍໃນຍາມບຸນກຸດຈີນ,ຈະມີບົດບາດຊັກນຳຢ່າງແຂງແຮງຕໍ່ທົ່ວຕະຫຼາດ.ນອກນີ້ການບໍລິໂພກສິນຄ້າໄດ້ປ່ຽນເປັນການບໍລິໂພກການບໍລິການ,ນີ້ແມ່ນການປ່ຽນແປງໃຫຍ່ອັນໜຶ່ງໃນຍາມບຸນກຸດຈີນປີນີ້,ທັງນີໄດ້ສ່ອງແສງໃຫ້ເຫັນວ່າ,ລະດັບຊີວິດການເປັນຢູ່ຂອງປະຊາຊົນຍົກສູງຂຶ້ນແລ້ວ.ຮ້ານຄ້າຕ່າງໆຄວນນຳໃຊ້ທ່ວງທ່າປ່ຽນແປງມາບຸກເບີກຕະຫຼາດໃນຍາມບຸນກຸດຈີນໃຫ້ລົງສູ່ລວງເລິກກວ່າເກົ່າ.
ທ່ານກ່າວເຕີປູ້ອະທິບາຍວ່າ,ການບໍລິໂພກໃນຍາມບຸນກຸດຈີນຍົກສູງຂຶ້ນຢ່າງບໍ່ຢຸດຢັ້ງຕົ້ນ ຕໍແມ່ນຍ້ອນເສດຖະກິດຈີນເຕີບໂຕຢ່າງວ່ອງໄວ.ໃນຫຼາຍປີມານີ້,ຈັງຫວະເຕີບໂຕຂອງເສດຖະ ກິດຈີນແມ່ນ9%ຂຶ້ນຕໍ່ປີ,ປະຊາຊົນໃນຕົວເມືອງແລະຊົນນະບົດໄດ້ມີລາຍໄດ້ເພີ່ມຂຶ້ນຫຼາຍສົມ ຄວນ,ເງິນອອມສິນຂອງປະຊາຊົນໄດ້ເພີ່ມຂຶ້ນຢ່າງໜັກແໜ້ນ.ການທ່ອງທ່ຽວ,ການກິນດື່ມ,ໂທລະຄົມ,ຄົມມະນາຄົມແລະຂະແໜງການອື່ນໆກໍ່ໄດ້ຮັບຜົນປະໂຫຍດຈາກບຸນກຸດຈີນ,ມວນຊົນໃຊ້ຈ່າຍຢ່າງເບີກບານມ່ວນຊື່ນ,ຮ້ານຄ້າຕ່າງໆກໍ່ໄດ້ຮັບຜົນກຳໄລຢ່າງຫຼວງຫຼາຍ.ຕາມການຄາດຄະເນທີ່ບໍ່ຄົບຖ້ວນ,ປັດຈຸບັນຂະໜາດຕະຫຼາດບໍລິໂພກໃນບຸນກຸດຈີນໄດ້ສູງເຖິງຫຼາຍສິບຕື້ຢວນແລ້ວ.
ທ່ານສາດສະດາຈານກ່າວເຕີປູ້ຊີ້ອອກວ່າ,ຍ້ອນລະດັບລາຍໄດ້ຕ່າງກັນ,ໃນສະເພາະໜ້ານີ້,ຮູບການບໍລິໂພກຂອງຕົວເມືອງແລະຊົນນະບົດຈີນໃນຍາມບຸນກຸດຈີນຍັງມີຄວາມຕ່າງກັນຫຼາຍຢູ່,ການບໍລິໂພກຂອງຄອບຄົວຕົວເມືອງໃນຍາມບຸນກຸດຈີນໄດ້ຂ້າມຜ່ານໄປສູ່ການບໍລິໂພກການບໍລິການຄືການທ່ອງທ່ຽວເປັນຕົ້ນ,ແຕ່ຄອບຄົວຊົນນະບົດສ່ວນຫຼາຍທີ່ສຸດຍັງໂຮມສູນຢູ່ໃນການຊື້ສິນຄ້າ.ເມື່ອພິຈາລະນາເຖິງສະພາບທີ່ຈີນມີຊາວກະສິກອນເກືອບ900ລ້ານຄົນແລ້ວເຫັນວ່າ,ຕະ ຫຼາດບໍລິໂພກໃນຍາມບຸນກຸດຈີນໃນອະນາຄົດຍັງມີກຳລັງບົ່ມຊ້ອນອັນມະຫາສານໃນການພັດທະ ນາ.
|
|
|
