|
|
 |
| (GMT+08:00)
2006-01-31 16:41:39
|
 |
|
ສື່ມວນຊົນສ.ເກົາຫຼີກ່າວຕິຕຽນຖ້ອຍຄວາມທີ່ໄຮ້ສາລະຂອງລັດຖະມົນຕີການຕ່າງປະເທດຍີ່ປຸ່ນ
cri
ຕາມຂ່າວCRI,ໜັງສືພິມເກົາຫຼີທາມສ໌ສະບັບວັນທີ31ມັງກອນພິມບົດນຳພາດຫົວເລື້ອງວ່າ ການທ້າທາຍໃໝ່ຂອງໂຕກຽວ,ກ່າວຕິຕຽນຖ້ອຍຄວາມທີ່ໄຮ້ສາລະທີ່ວ່າເຈົ້າຈັກກະພັດຍີ່ປຸ່ນຄວນນະມັດສະການວັດຢາຊຶຄຸນີຢ່າງເປັນທາງການທີ່ທ່ານທາໂຣ ອາໂຊ ລັດຖະມົນຕີການຕ່າງປະເທດຍີ່ປຸ່ນໄດ້ກ່າວໃນຫວ່າງກ່ອນນີ້.
ບົດນຳຊີ້ອອກວ່າ,ຄືດັ່ງສື່ມວນຊົນຍີ່ປຸ່ນຊີ້ອອກນັ້ນ,ຖ້ອຍຄວາມຂອງທ່ານທາໂຣ ອາໂຊຈະເຮັດໃຫ້ການຂັດສີກັນລະຫວ່າງຍີ່ປຸ່ນກັບສ.ເກົາຫຼີ,ຍີ່ປຸ່ນກັບຈີນເລື່ອນຂັ້ນອີກ,ເຮັດໃຫ້ການພົວພັນສ.ເກົາຫຼີກັບຍີ່ປຸ່ນແລະຈີນກັບຍີ່ປຸ່ນຊຸດຮ້າຍລົງຕື່ມອີກ.
ບົດນຳຂຽນວ່າ,ທ່ານໂຄຢີຈູມີ ຈູນີຊີໂລ ນາຍົກລັດຖະມົນຕີຍີ່ປຸ່ນແລະຜູ້ນຳອື່ນໆຂອງຍີ່ປຸ່ນໄດ້ທ້າທາຍກັບສ.ເກົາຫຼີແລະຈີນໃນບັນຫານະມັດສະການວັດຢາຊຶຄູນີໂດຍຕະຫຼອດ.ໃນວັດຢາຊຶຄູນີໄດ້ຕັ້ງປ້າຍບູຊາອາຊະຍາກອນສົງຄາມຂັ້ນກ.ໃນສົງຄາມໂລກຄັ້ງທີ2,ຊາວເກົາຫຼີແລະຊາວຈີນລ້ວນແຕ່ຖືມັນເປັນສັນຍາລັກຂອງລັດທິລັດຖະທະຫານຍີ່ປຸ່ນ,ຜູ້ນຳຍີ່ປຸ່ນຄວນຢຸດຕິການນະມັດສະການໂດຍຄຳນຶງເຖິງອາລົມຈິດຂອງປະຊາຊົນສ.ເກົາຫຼີແລະປະຊາຊົນຈີນ,ນີ້ແມ່ນກ້າວທຳອິດທີ່ປົວແປງການພົວພັນສ.ເກົາຫຼີຍີ່ປຸ່ນແລະການພົວພັນຈີນຍີ່ປຸ່ນ.
|
|
|
