|
ທະນາຄານໂລກຍິນດີພ້ອມກັນກັບອົງການປົກຄອງທ້ອງຖິ່ນຂອງຈີນສ້າງສະພາບແວດລ້ອມການລົງທຶນອັນດີງາມເພື່ອຊຸກຍູ້ພາກຕາເວັນອອກສຽງເໜືອຂອງຈີນຟື້ນຟູຄວາມ ຈະເລີນຮຸ່ງເຮືອງ
cri
ຕາມຂ່າວສານຊີນຮວາ,ຫວ່າງກ່ອນນີ້,ເຈົ້າໜ້າທີ່ທະນາຄານໂລກກ່າວວ່າ,ທະນາ ຄານໂລກຍິນດີພ້ອມກັນກັບອົງການປົກຄອງທ້ອງຖິ່ນຂອງຈີນສ້າງສະພາບແວດລ້ອມການລົງທຶນອັນດີງາມເພື່ອຊຸກຍູ້ໃຫ້ພາກຕາເວັນອອກສຽງເໜືອຂອງຈີນຟື້ນຟູຄວາມຈະເລີນຮຸ່ງເຮືອງ.
ຫວ່າງກ່ອນນີ້,ໃນກອງປະຊຸມເທື່ອໜຶ່ງທີ່ຈັດຂຶ້ນຢູ່ເມືອງຮາບິນ ພາກຕາເວັນອອກສຽງເໜືອຂອງຈີນ,ທ່ານເດວິດ ໂດລາ ຫົວໜ້າກົມຈີນແຫ່ງທະນາຄານໂລກກ່າວວ່າ,ໂດຍຜ່ານຈາກການສຳຫຼວດຄົ້ນຄວ້າ,ທະນາຄານໂລກປະກົດເຫັນວ່າ,ອັດຕາອອກແຮງງານຜະລິດຜົນ,GDPສະເລ່ຍຕາມຫົວຄົນແລະການລົງທຶນໂດຍກົງຢູ່ຕ່າງປະເທດຂອງພາກຕາເວັນອອກສຽງເໜືອໄດ້ຫຼ້າຫຼັງກວ່າເຂດແຄມທະເລຂອງຈີນຢ່າງຫຼວງຫຼາຍ,ກຳລັງຊີວິດຂອງວິສາຫະກິດຂະໜາດນ້ອຍແລະກາງບໍ່ພຽງພໍ.
ທະນາຄານໂລກສະເໜີໃຫ້,ລັດຖະບານຈີນຍົກເລີກອຸປະສັກດ້ານມາດຖານອະ ນຸຍາດເຂົ້າຕະຫຼາດຕໍ່ຜູ້ລົງທຶນຕ່າງປະເທດໃນດ້ານອຸດສາຫະກຳ,ການຂົນສົ່ງ,ການບໍລິການຈໍລະຈອນສິນຄ້າຕື່ມອີກ.ນອກນິ້,ໂດຍແນໃສ່ບັນຫາທີ່ວິສາຫະກິດຂະໜາດນ້ອຍແລະກາງລະດົມທຶນຍາກ,ທະນາຄານໂລກຍັງສະເໜີໃຫ້ດຳເນີນການປະຕິຮູບໃນຂົງເຂດການທະນາຄານ.
|
|
