|
ກອງປະຊຸມສີ່ຝ່າຍກ່ຽວກັບບັນຫາຕາເວັນອອກກາງຮຽກຮ້ອງໃຫ້ອົງການຮາມາສຮັບຮອງອີດສຣາແອນແລະປະລະກຳລັງຮຸນແຮງ
cri
ຕາມຂ່າວCRI,ວັນທີ30ມັງກອນ,ພາຍຫຼັງເຈົ້າໜ້າທີ່ສີ່ຝ່າຍກ່ຽວກັບບັນຫາຕາເວັນອອກກາງຄືອາເມລິກາ,ສະຫະພາບເອີລົບ,ຣັດເຊຍແລະອົງການສະຫະປະຊາຊາດຈັດການພົບປະເຈລະຈາກັນຢູ່ລອນດອນແລ້ວອອກຖະແຫຼງການ,ຮຽກຮ້ອງໃຫ້ອົງການຮາມາສຈົ່ງຮັບຮອງອິດສຣາແອນ,ແລະປະລະກຳລັງຮຸນແຮງ.
ໃນງານຖະແຫຼງຂ່າວຫຼັງກອງປະຊຸມ,ທ່ານອານນານ ເລຂາທິການໃຫຍ່ອົງການສະຫະປະຊາຊາດໄດ້ອ່ານຖະແຫຼງການສະບັບນີ້.ທ່ານເວົ້າວ່າ,ບັນດາຝ່າຍທີ່ປະກອບລັດຖະບານປາເລັສຕິນໃນອະນາຄົດນັ້ນຕ້ອງປະລະກຳລັງຮຸນແຮງ,ຮັບຮອງອິດສຣາແອນ,ແລະຮັບຮອງເອົາສັນຍາສັນຕິພາບທີ່ໄດ້ເຊັນກັນໃນເມື່ອກ່ອນ.
ອົງການຮາມາສໄດ້ປະຕິເສດບໍ່ຮັບເອົາຄຳຮຽກຮ້ອງຂອງກອງປະຊຸມດັ່ງກ່າວ,ມື້ດຽວກັນ,ໂຄສົກອົງການຮາມາສກ່າວວ່າ,ສີ່ຝ່າຍກ່ຽວກັບບັນຫາຕາເວັນອອກກາງຄວນຮຽກຮ້ອງໃຫ້ອິດສຣາແອນສິ້ນສຸດການຍຶດຄອງແລະຮຸກຮານປາເລັສຕິນ,ຫາກບໍ່ຄວນໃຫ້ຜູ້ປະສົບເຄາະຮ້າຍຮັບຮອງການຍຶດຄອງຂອງອິດສຣາແອນ.
ມື້ດຽວກັນ,ກອງປະຊຸມລັດຖະມົນຕີການຕ່າງປະເທດສະຫະພາບເອີລົບທີ່ຈັດຂຶ້ນຢູ່ບຼຸແຊນໄດ້ຜ່ານຮັບຮອງມະຕິ,ມະຕິກ່າວລື້ມວ່າສະຫະພາບເອີລົບເດັດດ່ຽວສະໜັບສະໜູນການແກ້ໄຂການປະທະກັນລະຫວ່າງປາເລັສຕິນກັບອິດສຣາແອນໂດຍຜ່ານຈາກການເຈລະຈາ,ແລະຫວັງໃຫ້ອິດສຣາແອນປະຕິບັດພັນທະຂອງຕົນໃນແຜນການ ສັນ ຕິພາບຕາເວັນອອກ,ສ້າງເງື່ອນໄຂເພື່ອໃຫ້ບັນລຸສັນຕິພາບ.
|
|
