|
ໃນຫຼາຍປີມານີ້,ຄຽງຄູ່ກັບການພັດທະນາຂອງອິນເຕີເນັດ,ງານລາຕີສະຫຼອງບຸນກຸດຈີນທີ່ເວັບໄຊຈັດຂຶ້ນແລະຊາວເນັດເຂົ້າຮ່ວມໂດຍກົງນັ້ນ,ພວມກາຍເປັນແຟຊັ່ນໃໝ່ຂອງຄົນຈີນໃນການສົ່ງທ້າຍປີເກົ່າຕ້ອນຮັບປີໃໝ່ເທື່ອລະກ້າວ.ຕໍ່ໄປເຊີນຟັງບົດລາຍງານຂ່າວທີ່ກ່ຽວຂ້ອງ:
ທ່ານພວມຟັງຢູ່ນີ້ແມ່ນ ອັດສຽງຂອງລາຍການເຊີດສິງໂຕ ເຊິ່ງເປັນລາຍການເປີດສາກຂອງງານລາຕີຊາວຈີນທົ່ວໂລກສະຫຼອງບຸນກຸດຈີນປີ2006"ທາງອິນເຕີເນັດ,ໃນທ່າມກາງສຽງເພງມ່ວນໆ," ສິງໂຕໃຫຍ່"ສີຄຳຄູ່ໜຶ່ງຖືກເຊີດອອກມາຢ່າງກະຢໍກະຢ້ອງ,ໄດ້ເປີດສາກງານລາຕີ.ວັນທີ26ມັງກອນ,ງານລາຕີທີ່ເວັບໄຊຫຼາຍແຫ່ງຮ່ວມກັນຈັດຂຶ້ນນັ້ນກໍ່ໄດ້ຖ່າຍທອດສົດທາງອິນເຕີເນັດແລ້ວ,ຊາວຈີນທົ່ວໂລກມີສຽງສະທ້ອນຄືນຢ່າງຄຶກຄື້ນ,ເຖິງວ່າ,ປະຈຸບັນຍັງບໍ່ໄດ້ນັບຈຳນວນການກົດເວັບໄຊກໍ່ຕາມ,ແຕ່ຂໍ້ຄວາມແລະໂທລະສັບຂອງຊາວເນັດຈຳນວນຫຼວງຫຼາຍກໍ່ໄດ້ຢັ້ງຢືນຂໍ້ນີ້ແລ້ວ.ທ່ານນາງຈູ່ສຽວອ້ຽນ ຜູ້ຮັບຜິດຊອບເວັບໄຊຊີນາ（sina）ເຊິ່ງເປັນຝ່າຍຈັດງານຝ່າຍໜຶ່ງເວົ້າວ່າ,
"ເວັນໄຊບໍ່ຖືກຈຳກັດໂດຍເວລາເທສະ,ສາມາດສະໜອງຂໍ້ມູນຂ່າວສານດ້ານບັນເທິງຍິ່ງຫຼາຍໃຫ້ຊາວເນັດອັນໄພສານ.ໂດຍສະເພາະແມ່ນຊາວຈີນພົ້ນທະເລ,ລາງເທື່ອພວກເຂົາເຈົ້າ ຮັບເບິ່ງລາຍການບຸນກຸດຈີນຈາກໂທລະພາບພາຍໃນປະເທດຈີນບໍ່ໄດ້,ຍ້ອນແນວນີ້,ພວກເຮົາຈີ່ງສະໜອງງານລາຕີອັນມ່ວມຊື່ນຊຸດໜຶ່ງ ໃຫ້ຊາວຈີນພົ້ນທະເລແລະຊາວຈີນພາຍໃນປະເທດ."
ຕາມສະເໜີໃຫ້ຮູ້ວ່າ,ງານລາຕີດັ່ງກ່າວໄດ້ສ່ອງແສງໃຫ້ເຫັນທ່າແຮງເຂົ້າຮ່ວມນຳກັນຂອງອິນເຕີເນັດຢ່າງເຕັມສ່ວນ,ມີຫຼາຍລາຍການລ້ວນແຕ່ແມ່ນຊາວເນັດສ້າງຂຶ້ນເອງ,ຄືລະຄອນສັ້ນ ການເວົ້າຊວນຫົວ ການຮ້ອງເພງແລະກາຍຍະສິນເປັນຕົ້ນ.ຊາວເນັດໄດ້ປ່ອນບັດຕໍ່ລາຍການເຫຼົ່ານີ້,ຕົກລົງຈະຈົ່ງໄວ້ຫຼືຄັດອອກ.
ທີ່ຈິງແລ້ວ,ເມື່ອ 2 ປີກ່ອນ,"ງານລາຕີສະຫຼອງບຸນກຸດຈີນທາງອິນເຕີເນັດ"ກໍ່ໄດ້ປະກົດຕົວຂຶ້ນແລ້ວ.ພຽງແຕ່ວ່າ,ງານລາຕີທາງອິນເຕີເນັດປີ 2006 ມີຂະໜາດໃຫຍ່ເທົ່ານັ້ນ.ຕາມຊາບວ່າ,ປະຈຸບັນ,ຢ່າງໜ້ອຍໄດ້ມີງານລາຕີສະຫຼອງບຸນກຸດຈີນທາງອິນເຕີເນັດທີ່ມີລັກສະນະຕ່າງກັນ 3 ຊຸດປະກົດຕົວກ່ອນຫຼືຫຼັງຄືນວັນສິ້ນປີ."ງານລາຕີສະຫຼອງບຸນກຸດຈີນດ້ວຍຮູບກາຕູນປີ 2006"ທີ່ຈັດໂດຍສະມາຄົມອິນເຕີເນັດຈີນນັ້ນກໍ່ແມ່ນລາຍການຊຸດໜຶ່ງ.ສິ່ງທີ່ຕ່າງກັບງານລາຕີອື່ນໆນັ້ນແມ່ນ,ລາຍການເຫຼົ່ານີ້ລ້ວນແຕ່ແມ່ນສະແດງດ້ວຍຮູບແຟຼສກາຕູນ,ເຮັດໃຫ້ຜູ້ຊົມໄດ້ຊົມເບິ່ງສະເໜທີ່ມີເອກະລັກພິເສດຂອງອິນເຕີເນັດແລະກາຕູນຢ່າງເຕັມສ່ວນ.
ທ່ານນາງຊູ່ນຢົງເກີ ຜູ້ຮັບຜິດຊອບທີ່ກ່ຽວຂ້ອງຂອງສະມາຄົມອິນເຕີເນັດຈີນເວົ້າວ່າ,ແຕ່ປີ 2004 ເປັນຕົ້ນມາ,ສະມາຄົມອິນເຕີເນັດຈີນກໍ່ໄດ້ເລີ່ມຈັດງານລາຕີສະຫຼອງບຸນກຸດຈີນດ້ວຍຮູບກາຕູນແລ້ວ.ທ່ານນາງເວົ້າວ່າ:
ງານລາຕີສະຫຼອງບຸນກຸດຈີນທາງໂທລະພາບໄດ້ຈັດຂຶ້ນຢູ່ຈີນ 20 ກວ່າປີແລ້ວ, ໄດ້ຈົ່ງພາບພົບອັນເລິກເຊິ່ງທີ່ສຸດໄວ້ໃນຄວາມຊົງຈຳຂອງປະຊາຊົນ, ມີຜົນສະທ້ອນອັນໃຫຍ່ຫຼວງ. ລັດກໍໄດ້ເອົາໃຈໃສ່ທີ່ສຸດນຳອຸດສາຫະກຳກາຕູນ, ໄດ້ກາຍເປັນພາກສ່ວນຈຸດໜັກຂອງການພັດທະນາເສດຖະກິດແຫ່ງຊາດແລ້ວ. ສະນັ້ນ, ບໍ່ວ່າແມ່ນເພື່ອຕອບສະໜອງກັບຄວາມຕ້ອງການຂອງປະຊາຊົນທີ່ມີຕໍ່ວັດທະນຳທຳດ້ານຈິດໃຈແລະການລື້ນລືງ, ຫຼືແມ່ນເພື່ອຊຸກຍູ້ໃຫ້ອຸດສາຫະກຳກາຕູນແລະອິນເຕີເນັດພັດທະນາຢ່າງປອດໃສ, ງານລາຕີສະຫຼອງບຸນກຸດຈີນດ້ວຍກາຕູນລ້ວນແຕ່ແມ່ນໂອກາດທີ່ດີທີ່ສຸດ.
ທ່ານມາເວີຍກົ່ງ ບັນນາທິການໃຫຍ່ຂອງເວັບໄຊCRI online ເວົ້າວ່າ:
ງານລາຕີສະຫຼອງບຸນກຸດຈີນທາງອິນເຕີເນັດແມ່ນການທົດລອງໃໝ່ຊະນິດໜຶ່ງທີ່ນຳໃຊ້ພາຫະນະສື່ມວນຊົນໃໝ່, ເຖິງວ່າເບິ່ງຈາກດ້ານຮູບການແລະເນື້ອໃນເທິງອິນເຕີເນັດແລ້ວເຫັນວ່າ, ມັນຍັງງ່າຍດາຍແລະບໍ່ອຸດົມສົມບູນປານໃດກໍ່ຕາມ, ແຕ່ມັນແມ່ນການທົດລອງໃໝ່ຊະນິດໜຶ່ງ, ຄວນເວົ້າໄດ້ວ່າມັນມີຄວາມໝາຍຫຼາຍ.
ທ່ານເວົ້າວ່າ, ຮູບການແລະວິທີການສະແດງໃນງານລາຕີສະຫຼອງບຸນກຸດຈີນເທິງອິນເຕີເນັດຫຼືທາງໂທລະພາບລ້ວນແຕ່ໄດ້ສະແດງໃຫ້ເຫັນການປ່ຽນແປງອັນເລິກເຊິ່ງໃນສັງຄົມ. ນີ້ແມ່ນການປ່ຽນແປງໃໝ່ຍ້ອນເສດຖະກິດຈີນເຕີບໂຕຢ່າງວ່ອງໄວແລະສັງຄົມປ່ຽນແປງຢ່າງໄວພະລັນໃນ 20 ກວ່າປີມານີ້, ມັນບໍ່ພຽງແຕ່ໄດ້ສ່ອງແສງໃຫ້ເຫັນການປະຕິຮູບດ້ານເຕັກນິກທໍ່ນັ້ນ, ຫາກຍັງສ່ອງແສງໃຫ້ເຫັນການປ່ຽນແປງດ້ານຈິດໃຈຂອງປະຊາຊົນຈີນອີກດ້ວຍ.
|
