|
|
 |
| (GMT+08:00)
2006-01-31 18:18:24
|
 |
|
ລອນດອນສະຫຼອງປີໃໝ່ດັ້ງເດີມຂອງຈີນ
cri
Author: dabin
|
ເພື່ອສະເຫຼີມສະຫຼອງປີໃໝ່ທາງຈັນທະຄະຕິຂອງຈີນວຽນມາເຖິງ,ຫວ່າງກ່ອນນີ້ບໍ່ດົນ ອົງການປົກຄອງນະຄອນລອນດອນໄດ້ຈັດພິທີສະຫຼອງວັດທະນະທຳຈີນທີ່ມີຊື່ວ່າ"ຈີນຢູ່ລອນດອນ ປີ2006"ທີ່ມີຂະໜາດໃຫຍ່ກວ່າໝູ່ທີ່ບໍ່ເຄີຍມີມາກ່ອນຢູ່ອັງກິດ. ໃນວັນທີ 29 ມັງກອນ,ການເຄື່ອນໄຫວຄົນທັງຫຼາຍສະເຫຼີມສະຫຼອງບຸນກຸດຈີນໄດ້ເກີດມີກະແສສູງ.
ວັນທີ 29 ມັງກອນແມ່ນມື້ທຳອິດຂອງປີໃໝ່ທາງຈັນທະຄະຕິຈີນ.ຄຽງຄູ່ກັບສຽງຄ້ອງສຽງກອງດັງກ້ອງກັງວານ,ພາຍໃຕ້ການນຳພາຂອງການເຊີດມັງກອນໃຫຍ່ສອງໂຕ,ຂະບວນແຫ່ແຕ່ງໜ້າສີສະຫຼອງບຸນກຸດຈີນຂະໜາດໃຫຍ່ໂຕມະໂຫລານໄດ້ອອກເດີນທາງຈາກຖະໜົນຄົນຈີນ,ໄປສະໜາມຫຼວງທຼາຟາກາຢູ່ໃຈກາງເມືອງລອນດອນ.ການແຫ່ຂະບວນແຕ່ງໜ້າສີແມ່ນກະແສສູງຂອງການເຄື່ອນໄຫວທີ່ຄົນທ້ອງຖິ່ນສະຫຼອງບຸນກຸດຈີນປີຈໍ,ທັງແມ່ນຈຸດຮຸ່ງໃນການເຄື່ອນໄຫວ"ຈີນຢູ່ລອນດອນປີ2006".
ຢູ່ສະໜາມຫຼວງທຼາຟາກາ,ນົກກາງແກທີ່ບິນເຕັມທ້ອງຟ້າພ້ອມກັບວ່າວ ໝາກໂປ່ງແດງໂຄມໄຟແດງ ປະກອບເປັນຮູບພາບທີ່ສະຫງ່າລາສີ.ການສະແດງຢູ່ສະໜາມຫຼວງມີເນື້ອໃນຫຼາຍຮູບຫຼາຍແບບ,ຄືການເຊີດສິງໂຕ ການເຊີດມັງກອນ ກາຍຍະສິນ ກັງຟູຈີນແລະງີ້ວປັກກິ່ງເປັນຕົ້ນ. ທ່ານລີເວັນສະໂຕນ ເຈົ້າຄອງນະຄອນລອນດອນທີ່ຕັ້ງເດີນທາງມາເຂົ້າຮ່ວມໂດຍຈຳເພາະໄດ້ເວົ້າວ່າ:
"ຂໍໃຫ້ລ້ຳລວຍ.ຂ້າພະເຈົ້າຫວັງວ່າ ພວກຂ້າພະເຈົ້າຈະສາມາດທຳຄວາມພະຍາຍາມຫຼາຍກວ່າເກົ່າ ໃຫ້ລອນດອນກັບປັກກິ່ງຕິດຕໍ່ພົວພັນກັນ. ໃນເດືອນເມສາປີນີ້,ຂ້າພະເຈົ້າຈະພາຄະນະຜູ້ແທນໄປຢ້ຽມຢາມປັກກິ່ງແລະຊຽງໄຮ້ຢ່າງມີກຽດ,ເພີ່ມທະວີການຮ່ວມມືດ້ານເສດຖະກິດ ການທ່ອງທ່ຽວແລະການສຶກສາລະຫວ່າງພວກຂ້າພະເຈົ້າກັບຈີນ,ຂ້າພະເຈົ້າຫວັງສະແດງຄວາມອວຍພອນອັນສຸດອົກສຸດໃຈຕໍ່ປະຊາຊົນຈີນ."
ໄທເມືອງລອນດອນນັບເປັນໝື່ນຄົນໄດ້ອ້ອມຮອບສະໜາມຫຼວງທຼາຟາກາຢ່າງຄັບຄາໜາແໜ້ນ,ໜ້າມຸກຂອງຕຶກແຄມຖະໜົນກໍ່ເຕັມໄປດ້ວຍໄທເມືອງທີ່ຄອຍຖ້າຊົມເບິ່ງ.
ການເຄື່ອນໄຫວ"ຈີນຢູ່ລອນດອນປີ2006"ໄດ້ເລີ່ມຕົ້ນກ່ອນປີໃໝ່ຕາມຈັນທະ ຄະຕິຂອງຈີນ.ວັນທີ26ມັງກອນ,ທ່ານລີເວັນສໂຕນເຈົ້າຄອງນະຄອນລອນດອນກັບນາງຫຼີຢູຊຸ່ນ ຜູ້ຊະນະເລີດຂອງລາຍການ"ຊຸບເປີເກີວ"ຂອງຈີນໄດ້ຮ່ວມກັນຈູດໂຄມໄຟຈີນທີ່ອອກແບບພິເສດຢູ່ສະໜາມຫຼວງອົກສເຟີດແຫ່ງສູນການຄ້າລອນດອນ,ໄດ້ເປີດການເຄື່ອນໄຫວຄັ້ງນີ້ຢ່າງເປັນທາງການ.ທ່ານໂຈນ ໂຣຍສ໌ ເຈົ້າໜ້າທີ່ອົງການປົກຄອງນະຄອນລອນດອນໃຫ້ສຳພາດຕໍ່ນັກຂ່າວວ່າ,
ການແລກປ່ຽນດ້ານເສດຖະກິດແລະການຮ່ວມມືດ້ານການຄ້າລະຫວ່າງຈີນກັບລອນດອນແນ່ນອນແລ້ວແມ່ນສຳຄັນທີ່ສຸດ,ແຕ່ສາມັນຊົນອັງກິດຍິ່ງຫຼາຍກວ່າເກົ່າຍິ່ງຫວັງຢາກໄດ້ເຫັນຊີວິດການເປັນຢູ່ຂອງຈີນ,ແລະສິສັນພິເສດດ້ານວັດທະນະທຳຂອງຈີນ.ພວກຂ້າພະເຈົ້າໄດ້ຈັດການເຄື່ອນໄຫວສະຫຼອງບຸນກຸດຈີນຢູ່ລອນດອນມາຫຼາຍປີແລ້ວ,ແຕ່ປີນີ້ພວກຂ້າພະເຈົ້າໄດ້ສຳຫຼວດແລະຊັກຖາມຄວາມຄິດຄວາມເຫັນຢ່າງກວ້າງຂວາງໃນໄລຍະກະກຽມ,ເພື່ອເຮັດໃຫ້ການເຄື່ອນໄຫວ"ຈີນຢູ່ລອນດອນປີ2006"ທີ່ມີຂະໜາດໃຫຍ່ທີ່ບໍ່ເຄີຍມີມາກ່ອນໃນປີນີ້ຍິ່ງມີລັກສະນະແນໃສ່,ຍິ່ງສາມາດຕອບສະໜອງກັບຄວາມສົນໃຈຂອງສາມັນຊົນທີ່ມີຕໍ່ປະຫວັດສາດແລະວັດທະນະທຳຈີນ.
ການເຄື່ອນໄຫວ"ຈີນຢູ່ລອນດອນປີ2006"ຈະແກ່ຍາວໄປຮອດເດືອນມີນາ.ໃນໄລຍະການເຄື່ອນໄຫວ,ແຕ່ໃຈກາງນະຄອນລອນດອນຮອດຫໍພິພິທະພັນແຫ່ງຕ່າງໆ, ຄົນທັງຫຼາຍລ້ວນແຕ່ສາມາດເຂົ້າຮ່ວມການເຄື່ອນໄຫວວັດທະນະທຳຈີນຫຼາຍຢ່າງຫຼາຍແນວ,ແລະໄດ້ຊົມເບິ່ງສິນລະປະຂອງຈີນທີ່ອຸດົມສົມບູນ.
|
|
|
