|
|
 |
| (GMT+08:00)
2006-02-01 20:47:32
|
 |
|
ງານບຸນໃນຍາມບຸນກຸດຈີນທີ່ມີຫຼາຍຢ່າງຫຼາຍແນວແລະຫຼາຍສີຫຼາຍສັນ(ສຽງ)
cri
Author: da
|
ວັນທີ29 ມັງກອນປີນີ້ແມ່ນບຸນກຸດຈີນເຊິ່ງເປັນວັນບຸນປະເພນີອັນຄຶກຄື້ນທີ່ສຸດແລະມີຂະໜາດໃຫຍ່ທີ່ສຸດຂອງຈີນ.ທ່ຽວງານວັດໃນຍາມບຸນກຸດຈີນກໍ່ແມ່ນການເຄື່ອນໄຫວລື້ນເລີງດັ້ງເດີມລາຍໜຶ່ງທີ່ຄົນຈີນນິຍົມຊົມຊອບ.
ງານວັດແມ່ນການເຄື່ອນໄຫວວັດທະນະທຳລື້ນເລີງດັ້ງເດີມຊະນິດໜຶ່ງຂອງພື້ນເມືອງຈີນ,ມັນອາໄສວັດຫຼືສວນສາທາລະນະ,ແມ່ນຕະຫຼາດນັດທີ່ເຕົ້າໂຮມການລື້ນເລີງ,ການທ່ອງທ່ຽວແລະຊື້ຂອງເປັນອັນໜຶ່ງອັນດຽວກັນ,ພ້ອມກັນນັ້ນກໍ່ແມ່ນເວທີໃຫຍ່ທີ່ສະແດງຮີດຄອງປະເພນີວັດທະນະທຳທີ່ມີມູນເຊື້ອຍາວນານຂອງຈີນ.ໃນເປັນຮ້ອຍເປັນພັນປີມານີ້,ງານວັດໃນຍາມບຸນກຸດຈີນໄດ້ຈະເລີນຄຶກຄື້ນຢູ່ຈີນຕະຫຼອດມາ.ນະຄອນປັກກິ່ງໃນຖານເປັນເມືອງບູຮານວັດທະນະທຳ,ການເຄື່ອນໄຫວງານວັດໄດ້ມີປະຫວັດຍາວນານ,ແລະມີສີສັນພິເສດຮີດຄອງປະເພນີອັນເຂັ້ມຂຸ້ນ.
ງານວັດຢູ່ຫໍຕີ້ຖານແມ່ນໜຶ່ງຂອງ"8ງານວັດທີ່ໃຫຍ່ກວ່າໝູ່"ຂອງນະຄອນປັກກິ່ງໃນສະໄໝບູຮານ,ແມ່ນການເຄື່ອນໄຫວລື້ນເລີງດັ້ງເດີມທີ່ຄົນທັງຫຼາຍຊົມຊອບ.ຫໍຕີ້ຖານເລີ່ມສ້າງໃນປີ1530,ມີເນື້ອທີ່ທັງໝົດ40ກວ່າເຮັດຕາ,ແມ່ນບ່ອນ"ໄຫວ້ເຈົ້າທີ່"ຂອງກະສັດສັກດິນາຂອງຈີນໃນເວລານັ້ນ.ເລີ່ມແຕ່ປີ1985ເປັນຕົ້ນມາ,ໃນຍາມບຸນກຸດຈີນແຕ່ລະປີ,ແຫ່ງນີ້ກໍ່ລ້ວນແຕ່ໄດ້ຈັດ"ງານວັດໃນຍາມບຸນກຸດຈີນ",ມັນໄດ້ກາຍເປັນບ່ອນສຳລັບນັກທ່ອງທ່ຽວຈີນແລະຕ່າງປະເທດອັນໄພສານມາພັກຜ່ອນແລະລື້ນເລີງ.ງານວັດຕີ້ຖານໃນປີນີ້ຈະຈັດຂຶ້ນແຕ່ວັນທີ28 ມັງກອນຮອດວັນທີ4 ກຸມພາ.
ເມື່ອເວົ້າເຖິງການຈັດວາງສະຖານທີ່ຂອງງານວັດປີນີ້,ທ່ານວາງຈົ່ງຮວາ ຫົວໜ້າພະແນກສວນອຸທິຍານເຂດຕາເວັນອອກຂອງປັກກິ່ງແນະນຳວ່າ:
"ຄຸນນະພາບໃນການຈັດວາງສິ່ງແວດລ້ອມໃນປີນີ້ໄດ້ຍົກສູງຂຶ້ນອີກຢ່າງເດັ່ນຊັດ.ກາຕຸນສູບລົມ 12 ນັກສັດນອກປະຕູຕາເວັນຕົກຂອງຕີ້ຖານໄດ້ປ່ຽນເປັນໂຄມລະຍ້າໃນວັງ,ເຮັດໃຫ້ສີສັນປະເພນີຂອງງານວັດຍິ່ງເຂັ້ມຂຸ້ນ.ຮູບສາມມີຕິຂອງຕົວນຳໂຊກຂອງງານວັດທີ່ເຮັດດ້ວຍວັດສະດຸໃໝ່ເຮັດໃຫ້ນັກທ່ອງທ່ຽວຮູ້ສຶກແປກຫູແປກຕາ.ນອກນີ້,ເບື້ອງຫຼັງຂອງສິ່ງກໍ່ສ້າງບູຮານທີ່ທາດ້ວຍສີແດງ,ປ້າຍປະຕູໂຂງສີເຫຼືອງຄຳ,ກຳແພງຮີດຄອງປະເພນີພື້ນເມືອງທີ່ ໜ້າກາກຂອງງິ້ວປັກກິ່ງ,ຂອດຈີນອັນໃຫຍ່ໂຕ,ໝາກບານດອກໄມ້ອັນສວຍສົດງົດງາມ,ແຜ່ນແພແລະຄັນຮົ່ມດອກໄມ້ເຕັມທ້ອງຟ້າເປັນຕົ້ນ,ໄດ້ສ້າງ"ຮູບພາບທີ່ສວນໄດ້ເຕັມໄປດ້ວຍບັນຍາກາດລະດູໃບໄມ້ປົ່ງ"ທີ່ມີຊີວິດຊີວາແລະເບີກບານມ່ວນຊື່ນໃຫ້ແກ່ນັກທ່ອງທ່ຽວ.
ການສະແດງພິທີໄຫວ້ເຈົ້າທີ່ແມ່ນລາຍການດັ້ງເດີມຂອງງານວັດຕີ້ຖານ.ພາບໄຫວ້ທີ່ສະຫງ່າຜ່າເຜີຍ,ເຮັດໃຫ້ນັກທ່ອງທ່ຽວຈີນແລະຕ່າງປະເທດຮູ້ສຶກເຖິງຄວາມກ້ວາງຂວາງລ້ຳເລີດຂອງວັດທະນະທຳຊົນຊາດຈີນ.ຖະໜົນສິນຄ້າທີ່ມີສີສັນພິເສດແມ່ນບ່ອນທີ່ຈັບໃຈຄົນກວ່າໝູ່ຂອງງານວັດຫໍຕີ້ຖານຄັ້ງນີ້,ສິນຄ້າສິລະປະຫັດຖະກຳ,ດອກໄມ້ແຫ້ງ,ຮູບແຕ້ມປີໃໝ່,ເຄື່ອງກິນສີສັນພິເສດເປັນຕົ້ນມີຫຼາຍຢ່າງຫຼາຍແນວ.ເຄື່ອງຫຼິ້ນແບບເກົ່າບູຮານເຊັ່ນ:,ກົງຫັນລົມ,ໝາກຂ່າງເປັນຕົ້ນກໍ່ຖືກນິຍົມຫຼາຍ,ເຮັດໃຫ້ຄົນທັງຫຼາຍທີ່ຂຸ້ນນຳວຽກມາເປັນປີແລ້ວນັ້ນກັບຄືນສູ່ໄວເດັກທີ່ບໍລິສຸດ.
ທ່ານຢາງສຽວດົ່ງຂອງຄະນະຕັ້ງງານວັດຫໍຕີ້ຖານກ່າວວ່າ,ການໃຫ້ນັກທ່ອງທ່ຽວເຂົ້າຮ່ວມນຳກັນແມ່ນສີສັນພິເສດຂອງງານວັດຫໍຕີ້ຖານຄັ້ງນີ້.
"ງານວັດປີນີ້ບົນພື້ນຖານທີ່ໄດ້ຮັກສາບາງລາຍການຍີ່ຫໍ້ຊື່ດັງໄວ້ນັ້ນ,ສືບຕໍ່ຈັດລາຍການວັດທະນະທຳໃໝ່,ພ້ອມທັງຍັງເນັ້ນໜັກການແລກປ່ຽນກັນກັບນັກທ່ອງທ່ຽວ,ນັກທ່ອງທ່ຽວບໍ່ພຽງແຕ່ໄດ້ຊົມແລະເຂົ້າຮ່ວມລາຍການຫຼິ້ນມ່ວນຊື່ນນັບເປັນ 100 ລາຍການເທົ່ານັ້ນ,ຍັງໄດ້ເຮັດເຄື່ອງສິນລະປະຫັດຖະກຳພ້ອມກັບສິລະປິນພື້ນເມືອງ,ສະແດງພ້ອມກັນກັບນັກສະແດງອາຊີບອີກດ້ວຍ."
ງານວັດຂອງສວນສາທາລະນະຫຼົງຖານຫູຢູ່ພາກຕາເວັນອອກສຽງໃຕ້ຂອງປັກກິ່ງຖືກິລາແລະຮີດຄອງປະເພນີເປັນຫົວຂໍ້ຫຼັກ,ໄດ້ກະກຽມການເຄື່ອນໄຫວວັດທະນະທຳ,ກິລາ,ຫຼິ້ນມ່ວນຊື່ນເປັນຕົ້ນ160ກວ່າລາຍການລວມ8ປະເພດໃຫຍ່,ເຮັດໃຫ້ນັກທ່ອງທ່ຽວສຳຜັດກັບຄວາມມ່ວນຊື່ນໂດຍຕົນເອງ.ຕາມຊາບວ່າ,ໃນໄລຍະດັ່ງກ່າວ,ນັກກິລາລະດັບຊາດຂອງລາຍການຕ່າງໆຄືຢູໂດ,ຊົກມວຍ,ເທຄວນໂດເປັນຕົ້ນຈະປະກົດຕົວໃນງານວັດ,ຜ່ານບຸນກຸດຈີນພ້ອມກັບນັກທ່ອງທ່ຽວດ້ວຍຮູບການການແຂ່ງຂັນສະແດງ,ການແຂ່ງຂັນຊົກມວຍເປັນຕົ້ນ;ນັກຫຼິ້ນໝາກລຸກຂອງສະຖາບັນໝາກລຸກຈີນຍັງຈະຫຼິ້ນໝາກລຸກກັບນັກທ່ອງທ່ຽວ,ແລະບັນຍາຍກັບບ່ອນ,ສະແດງຄວາມເລິກລັບລ້ຳເລີດຂອງໝາກລຸກ,ເຮັດໃຫ້ນັກທ່ອງທ່ຽວທີ່ມັກຫຼິ້ນໝາກລຸກໄດ້ເມືອຄືນຢ່າງສົມອົກສົມໃຈ.
ຫໍໄປຢຸນກ້ວນແມ່ນສະຖານທີ່ເຄື່ອນໄຫວຂອງສາດສະໜາເຕົາປັກກິ່ງ,ງານວັດຢູ່ແຫ່ງນີ້ແຕ່ລະປີລ້ວນແຕ່ໄດ້ດູດດຶງ"ຄົນປັກກິ່ງແທ້ໆ"ຢ່າງຫຼວງຫຼາຍ.ປີນີ້,ແຫ່ງນີ້ບໍ່ພຽງແຕ່ໄດ້ຮັກສາການເຄື່ອນໄຫວທີ່ມີມູນເຊື້ອຄືຄຳລີງຫີນ,ຂີ່ລໍ,ຂີ່ຕະຫຼ່ຽງໂງກເງກເປັນຕົ້ນໄວ້ເທົ່ານັ້ນ,ຍັງໄດ້ຊົມຂອງເກົ່າແລະພາບຂຽນງາມແລະຮູບແຕ້ມ,ເຂົ້າຮ່ວມການເຄື່ອນໄຫວຄຳທວາຍທີ່ມີລາງວັນອີກດ້ວຍ.ໃນເວລາດຽວກັນ,ຫໍໄປຢຸນກ້ວນຍັງອີງຕາມຮີດຄອງປະເພນີ,ຈັດພິທີພາວະນາຄວາມມຸງຄຸນໃນມື້ທີ່ໜຶ່ງຂອງປີໃໝ່ຕາມຈັນທະຄະຕິຈີນ,ຂໍໃຫ້ຈີນມີຟ້າຝົນລົມດີ,ປະຊາຊາດວັດທະນາຖາວອນ,ປະເທດຈະເລີນຮຸ່ງເຮືອງ.
|
|
|
