|
|
(GMT+08:00)
2006-02-02 16:46:31
|
|
ທ່ານມູບາລັກກັບຜູ້ນຳປາເລັສຕິນຫາລືຂະບວນວິວັດສັນຕິພາບຕາເວັນອອກກາງ
cri
ຕາມຂ່າວCRI,ວັນທີ1ກຸມພາຢູ່ເລີແກ,ທ່ານມູບາລັກ ປະທານາທິບໍດີເອຢິບໄດ້ແຍກອອກເຈລະຈາກັບທ່ານອັບບາສ ປະທານອົງການອຳນາດແຫ່ງຊາດປາເລັສຕິນແລະທ່ານນາງຊີປີລິວນີ ລັດຖະມົນຕີການຕ່າງປະເທດອິດສຣາແອນທີ່ໄປຢ້ຽມຢາມເອຢິບ,ໄດ້ແລກປ່ຽນຄວາມຄິດຄວາມເຫັນກ່ຽວກັບສະຖານະການພາກພື້ນໃນຫວ່າງມໍ່ໆນີ້,ຫາລືຂະບວນວິວັດສັນຕິພາບຕາເວັນອອກກາງ.
ໃນງານຖະແຫຼງຂ່າວຫຼັງການເຈລະຈາ,ທ່ານອາວັດ ໂຄສົກລັດຖະ ບານເອຢິບເວົ້າວ່າ,ປະຊາຄົມໂລກໄດ້ກ້າວເຖິງຂັ້ນມີຄວາມຮັບຮູ້ຄືກັນກ່ຽວກັບຊຸກຍູ້ຂະບວນວິວັດສັນຕິພາບຕາເວັນອອກກາງແລະແກ້ໄຂບັນຫາປາເລັສ ຕິນຢ່າງຍຸດຕິທຳແລະບັນຫາອື່ນໆ,ບໍ່ວ່າຈະແມ່ນພັກໃດໄດ້ຮັບໄຊຊະນະໃນການເລືອກຕັ້ງຄະນະກຳມະການນິຕິບັນຍັດປາເລັສຕິນຫຼືການເລືອກຕັ້ງຂອງອິດສຣາແອນທີ່ໃກ້ຈະຈັດຂຶ້ນ,ບັນດາຝ່າຍທີ່ກ່ຽວຂ້ອງລ້ວນແຕ່ຄວນຮັບເອົາຄວາມຮັບຮູ້ກັນເຫຼົ່ານີ້.ທ່ານກ່າວເນັ້ນວ່າ,ເອຢິບຫວັງໃຫ້ຂະບວນວິວັດສັນຕິ ພາບຕາເວັນອອກກາງຈະສາມາດຂະຫຍາຍຕໍ່ໄປ.
|
|
|