ຕາມຂ່າວສານຊິນຮວາ: ການເຄື່ອນໄຫວປົກປັກຮັກສາສິດຊັບສິນທາງປັນຍາຂອງຈີນໃນປີກາຍໄດ້ຮັບຜົນເດັ່ນ. ພາກສ່ວນບໍລິຫານຄຸ້ມຄອງອຸດສາຫະກຳການຄ້າແລະອົງການພາສີເປັນຕົ້ນໄດ້ສຳຫຼວດຄະດີລ່ວງລ້ຳສິດຊັບສິນທາງປັນຍາລວມ 2 ໝື່ນ 2000 ກວ່າລາຍ, ໃນນັ້ນ ຄະດີທີ່ກ່ຽວພັນເຖິງສິດກາໝາຍສິນຄ້າຕ່າງປະເທດມີ 3500 ກວ່າລາຍ, ຜູ່ກ່ຽວ 100 ກວ່າຄົນຖືກອົງການຕຸລາການດຳເນີນຄະດີ.
ຕາມໄດ້ຊາບ, ໃນການເຄື່ອນໄຫວດັ່ງກ່າວຂອງປີກາຍ, ພາກສ່ວນລິຂະສິດ ພາກສ່ວນຄຸ້ມຄອງວັດທະນະທຳແລະພາກສ່ວນສິດທິບັດຂອງຈີນຍັງໄດ້ສຳຫຼວດແລະຍຶດໄດ້ເຄື່ອງສຽງແລະຜະລິດຕະພັນລັກລອກແບບປະເພດຕ່າງໆທີ່ຜິດກົດໝາຍ 200 ລ້ານກວ່າເຄື່ອງ, ສຳຫຼວດແລະຊຳລະຄະດີຫຍີ່ຫໍ້ປອມ 3000 ກວ່າລາຍ, ສຳຫຼວດແລະຊຳລະສາຍຜະລິດແຜ່ນ CD ທີ່ຜິດກົດໝາຍ 33 ສາຍ, ພ້ອມກັນນັ້ນ ໄດ້ຍົກເລີກຫົວໜ່ວຍທຸລະກິດທີ່ຜິດກົດໝາຍ 2 ໝື່ນ 3000 ກວ່າແຫ່ງ.
|