|
ນາຍົກລັດຖະມົນຕີກຳປູເຈຍເຫັນວ່າຈີນເຂັ້ມແຂງຂຶ້ນຈະສະໜອງໂອກາດຫຼາຍກວ່າເກົ່າໃຫ້ແກ່ການຮ່ວມມືສາກົນ
cri
ຕາມຂ່າວສານຊີນຮວາ,ວັນທີ2ກຸມພາຢູ່ທີ່ພະນົມເປັນ,ທ່ານຮຸນແຊນ ນາຍົກລັດຖະມົນຕີກຳປູເຈຍກ່າວວ່າ,ຈີນນັບມື້ນັບເຂັ້ມແຂງຂຶ້ນ,ຈະສະໜອງໂອກາດຍິ່ງຫຼາຍໃຫ້ແກ່ການຮ່ວມມືພາກພື້ນກໍ່ຄືສາກົນ.
ມື້ດຽວກັນຢູ່ສຳນັກງານນາຍົກ,ໃນເວລາຕ້ອນຮັບການເຂົ້າພົບຂອງທ່ານນາງ ຈ່າງຈິ່ນເຟິ້ງ ເອກອັກຄະລັດຖະທູດຈີນປະຈຳກຳປູເຈຍຜູ້ໃໝ່,ທ່ານຮຸນແຊນເວົ້າວ່າ,ລັດຖະບານຈີນປະຕິບັດຫຼັກຫ້າປະການຢູ່ຮ່ວມກັນໂດຍສັນຕິຢ່າງສະເໝີຕົ້ນສະເໝີປາຍ,ການເຕີບໂຕແລະຄວາມເຂັ້ມແຂງຂອງຈີນບໍ່ພຽງແຕ່ຈະສ້າງຄວາມສຸກໃຫ້ແກ່ປະຊາຊົນຈີນເທົ່ານັ້ນ,ຍັງໄດ້ສະໜອງໂອກາດຍິ່ງຫຼາຍໃຫ້ແກ່ການຮ່ວມມືພາກພື້ນກໍ່ຄືສາກົນ,ປະກອບສ່ວນຍິ່ງຫຼາຍເຂົ້າໃນພາລະກິດສັນຕິພາບແລະການພັດທະນາຂອງໂລກ.
ທ່ານຮຸນແຊນກ່າວລື້ມວ່າ,ຜູ້ນຳກຳປູເຈຍຊຸດໃໝ່ຈະສືບທອດແລະສົ່ງເສີມມິດຕະພາບອັນມີມູນເຊື້ອລະຫວ່າງກຳປູເຈຍຈີນ,ອອກແຮງເຮັດໃຫ້ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດໃນທຸກໆຂົງເຂດລົງສູ່ລວງເລິກ,ເດັດດ່ຽວປະຕິບັດນະໂຍບາຍຈີນດຽວ,ສະໜັບສະໜູນພາລະກິດອັນຍິ່ງໃຫຍ່ທີ່ທ້ອນໂຮມເຂົ້າເປັນເອກະພາບກັນໂດຍສັນຕິຂອງຈີນ.
|
|
