|
ປີນີ້,ເມືອງຜ້ານກາງແລະເມືອງໃຫຍ່ຂອງຈີນຈະສ້າງຕັ້ງສູນກອບກູ້ແລະປົກປ້ອງເດັກນ້ອຍພະເນຈອນ
cri
ຕາມຂ່າວສານຊິນຮວາ,ປີນີ້,ຕົວເມືອງຜ້ານກາງຂຶ້ນໄປ200ກວ່າເມືອງຂອງຈີນຈະສ້າງ ຕັ້ງສູນກອບກູ້ແລະປົກປ້ອງເດັກນ້ອຍພະເນຈອນ.
ປັດຈຸບັນ,ກະຊວງການປົກຄອງແລະປະຊາສົງເຄາະພ້ອມກັບອົງການປົກຄອງທ້ອງຖິ່ນຕ່າງໆໄດ້ລົງທຶນ100ລ້ານກວ່າຢວນ,ສ້າງຕັ້ງສູນກອບກູ້ແລະປົກປ້ອງ130ກວ່າແຫ່ງ,ສະໜອງການປົກປ້ອງໂດຍດ່ວນໃຫ້ແກ່ເດັກນ້ອຍພະເນຈອນ.ຕາມສະຖິຕິ,ໃນ3ປີມານີ້,ສູນປົກປ້ອງດັ່ງກ່າວໄດ້ກອບກູ້ຊ່ອຍເຫຼືອເດັກນ້ອຍພະເນຈອນ2ແສນ4ໝື່ນເທື່ອຄົນແລ້ວ.
ໃນຫຼາຍປີມານີ້,ບັນດາພາກສ່ວນຂອງລັດຖະບານຈີນໄດ້ເພີ່ມທະວີການກໍ່ສ້າງແລະຄຸ້ມຄອງອົງການກອບກູ້ແລະປົກປ້ອງເປັນກ້າວໆ,ຈັດເອົາການກໍ່ສ້າງສິ່ງກໍ່ສ້າງກອບກູ້ແລະປົກປ້ອງຜູ່ພະເນຈອນທີ່ບໍ່ທັນເຕັມກະສຽນອາຍຸເຂົ້າໃນແຜນການພັດທະນາເສດຖະກິດແຫ່ງຊາດແລະສັງຄົມ,ຮັບປະກັນການລົງທຶນໃນດ້ານນີ້,ໃຊ້ຫຼາຍຮູບການ,ຊ່ອຍເຫຼືອຄົນເຫຼົ່ານີ້ໃຫ້ໄດ້ຮັບການກອບກູ້ຊ່ອຍເຫຼືອຈາກອົງການປົກປ້ອງ.ຕໍ່ຜູ່ພະເນຈອນທີ່ບໍ່ທັນເຕັມກະສຽນອາຍຸທີ່ສອດຄ່ອງກັບເງື່ອນໄຂກອບກູ້ແຕ່ກ່ຽວພັນກັບວຽກງານກົດໝາຍ,ພະແນກຍຸຕິທຳແລະອົງການບໍລິຫານໃຫ້ການຊ່ອຍເຫຼືອດ້ານກົດໝາຍ,ສານແລະອົງການໄອຍະການສະໜອງການຊ່ອຍເຫຼືອດ້ານຕຸລາການ.
|
|
