|
CRIລາຍງານວ່າ:ປະຈຸບັນນີ້,ປະຊາຊົນຈີນພວມສະເຫຼີມສະຫຼອງບຸນກຸດຈີນ ບຸນປະເພນີທີ່ສຳຄັນກວ່າໝູ່ຂອງຈີນ.ຍ້ອນພັກ7ມື້,ໃນໄລ ຍະບຸນກຸດຈີນປີນີ້,ດັ່ງນັ້ນ,ຈີນຈະມີ2ຕື້ເທື່ອຄົນເຄື່ອນຍ້າຍ.ກົມຕິດຕາມຄຸ້ມຄອງການຜະລິດ ຢ່າງປອດໄພແຫ່ງຊາດຈີນ ຫ້ອງການມື້ບຸນທົ່ວປະເທດຈີນທວງໃຫ້ທ້ອງຖິ່ນຕ່າງໆແລະ ພາກສ່ວນທີ່ກ່ຽວຂ້ອງ,ເພີ່ມທະວີການຄຸ້ມຄອງຄວາມປອດໄພການທ່ອງທ່ຽວ,ກຳຈັດຄວາມອັນຕະລາຍທີ່ມີຕໍ່ຄວາມປອດໄພການທ່ອງທ່ຽວ,ຮັບປະກັນຄວາມປອດໄພການທ່ອງທ່ຽວຂອງພົນລະເມືອງໃນໄລຍະບຸນກຸດຈີນ.
ປີນີ້,ຈີນຖືການປ້ອງກັນແລະຄວບຄຸມພະຍາດໄຂ້ຫວັດສັດປີກເປັນວຽກງານສຳຄັນກວ່າໝູ່ໃນວຽກງານຮັບປະກັນຄວາມປອດໄພການທ່ອງທ່ຽວຂອງປະຊາຊົນໃນໄລຍະບຸນກຸດຈີນ. ຄົນຈີນມັກປຸງແຕ່ງແລະກິນອາຫານຫຼາຍຢ່າງຫຼາຍແນວເພື່ອສະຫຼອງບຸນກຸດຈີນ,ສະນັ້ນ,ໃນໄລຍະນີ້,ປະລິມານຈຳໜ່າຍຊີ້ນສັດປີກລ້ຽງຫຼາຍກວ່າຍາມທຳມະດາຢ່າງຫຼວງຫຼາຍ, ການຂົນສົ່ງຜະລິດຕະພັນຊີ້ນສັດປີກຈາກທາງໄກເປັນວຽກເນື່ອງນິດ,ບໍ່ຕ້ອງສົງໄສວ່ານີ້ໄດ້ເຮັດໃຫ້ວຽກງານປ້ອງກັນແລະຄວບຄຸມພະຍາດໄຂ້ຫວັດສັດປີກມີຄວາມຫຍຸ້ງຍາກຫຼາຍຍິ່ງຂຶ້ນ.
ໂດຍແນໃສ່ສະພາບການດັ່ງກ່າວ,ກົມຕິດຕາມຄຸ້ມຄອງການຜະລິດຢ່າງປອດໄພແຫ່ງຊາດຈີນໄດ້ທວງໃຫ້ທ້ອງຖິ່ນຕ່າງໆຕ້ອງກຽມພ້ອມເປັນຢາງດີເພື່ອຮັບມືກັບພະຍາດໄຂ້ຫວັດສັດປີກທີ່ອາດຈະເກີດຂຶ້ນຢ່າງກະທັນຫັນ,ເພີ່ມຄວາມແຮງເຂົ້າໃນການຕິດຕາມຄຸ້ມຄອງພະ ຍາດ.ທ່ານຮວງອີ້ ໂຄສົກຖະແຫຼງຂ່າວຂອງກົມຕິດຕາມຄຸ້ມຄອງການຜະລິດຢ່າງປອດໄພແຫ່ງຊາດຈີນແນະນຳວ່າ:"ຜ່ານການກວດກາ,ທ້ອງຖິ່ນຕ່າງໆໄດ້ໃຊ້ມາດຕະການ,ກຳຈັດ ໄພອັນຕະລາຍທີ່ຊ້ອນຕົວຢູ່ຢ່າງເອົາຈິງເອົາຈັງ;ໃນໄລຍະມື້ບຸນ,ຢູ່ສະຖານທີ່ສາທາລະນະ ໄດ້ວາງແຜນຮັບມືໂດຍດ່ວນ,ແລະຈັດວາງມາດຕະການປ້ອງກັນທຸກລາຍຈົນຮອດແຕ່ລະ ຄົນ."
ນອກນີ້,ພາກສວ່ນອະນາໄມແລະປ້ອງກັນພະຍາດຍັງເຜີຍແຜ່ແລະນຳໃຊ້ວັກແຊງແບບໃໝ່,ເພີ່ມທະວີການປ້ອງກັນພະຍາດ.ພ້ອມກັນນັ້ນ,ຖືການປ້ອງກັນແລະຄວບຄຸມຄົນເປັນພະຍາດໄຂ້ວັດສັດປີກເປັນຈຸດໜັກ,ກວດກາຜູ້ເປັນພະຍາດໂລກປອດອັກເສບທີ່ຮູ້ສາຍເຫດຢ່າງເຂັ້ມງວດແລະເປັນແບບສະບັບ,ຍົກສູງລະດັບການກອບກູ້ແລະປິ່ນປົວ.
ໃນໄລຍະບຸນກຸດຈີນ,ຢູ່ແຫ່ງຕ່າງໆຂອງຈີນໄດ້ຈັດການເຄື່ອນໄຫວສະຫຼອງແລະທ່ອງທ່ຽວຫຼາຍຮູບຫຼາຍແບບ,ຕົວຢ່າງຄືງານວັດ,ຊົມໂຄມໄຟເປັນຕົ້ນ.ການເຄື່ອນໄຫວເຫຼົ່ານີ້ລ້ວນແຕ່ໄດ້ດຶງດູດມວນຊົນເຂົ້າຮ່ວມຫຼາຍທີ່ສຸດ.ຫ້ອງການມື້ບຸນທົ່ວປະເທດຈີນທວງໃຫ້ທ້ອງຖິ່ນຕ່າງໆຕ້ອງປະກາດຂໍ້ມູນຂ່າວສານດ້ານການທ່ອງທ່ຽວໃຫ້ດີ,ຊັກນຳແຂກທ່ອງທ່ຽວຢ່າງສົມເຫດສົມຜົນ,ປ້ອງກັນບໍ່ໃຫ້ເກີດອຸບັດເຫດ ດ້ານການທ່ອງທ່ຽວຊະນິດຕ່າງໆເຊັ່ນມີຄົນຕາຍແລະບາດເຈັບເປັນຕົ້ນ.
ຢູ່ເຂດທິວທັດກຳແພງເມືອງຈີນຕອນປ່າຕາຫຼິງເຊິ່ງເປັນແຫຼ່ງທ່ອງທ່ຽວຊື່ດັງຂອງປັກກິ່ງ,ນັກຂ່າວໄດ້ຊາບວ່າ,ເພື່ອຫຼີກເວັ້ນບໍ່ໃຫ້ເກີດສະພາບແອອັດຍ້ອນນັກທ່ອງທ່ຽວຫຼາຍໂພດ.ໃນຍາມບຸນກຸດຈີນ,ເຂດກຳແພງເມືອງຈີນຕອນ"ປ່າຕາຫຼິ້ງ"ໄດ້ຈຳກັດນັກທ່ອງທ່ຽວບໍ່ໃຫ້ຫຼາຍກວ່າ6ໝື່ນຄົນຕໍ່ມື້,ແລະໄດ້ເພີ່ມທາງອອກ.ພ້ອມທັງເພີ່ມພະນັກງານຈຳນວນຫຼວງຫຼາຍຕິດຕາມຄວບຄຸມໃນທຸກເວລາ,ຊັກນຳນັກທ່ອງທ່ຽວຢ່າງທັນການ.ທ່ານວາງເວີຍຕົ່ງ ຜູ່ຮັບຜິດຊອບຂອງເຂດທິວທັດດັ່ງກ່າວບອກນັກຂ່າວວ່າ,
"ເມື່ອບ່ອນໃດເກີດສະພາບແອອັດແລ້ວ,ພວກຂ້າພະເຈົ້າຈະໃຊ້ມາດຕະການຊັກນຳນັກທ່ອງທ່ຽວໜີຈາກບ່ອນນັ້ນ,ພ້ອມກັນນັ້ນ,ໃນເວລານັກທ່ອງທ່ຽວຫຼາຍເກີນໄປ,ພວກຂ້າພະເຈົ້າຍັງຈະຈຳກັດການຂາຍປີ້ເຂົ້າປະຕູ."
ນອກນີ້,ຫ້ອງການມື້ບຸນທົ່ວປະເທດຈີນຍັງທວງໃຫ້ທ້ອງຖິ່ນຕ່າງໆໃນເວລາຈັດການເຄື່ອນໄຫວສະຫຼອງບຸນແລະງານຊຸມນຸມຊົນນັ້ນ,ຕ້ອງວາງແຜນການເຄື່ອນໄຫວແລະແຜນການກອບກູ້ດ່ວນເພື່ອຮັບມືກັບເຫດການສຸກເສີນ.ກ່ອນບຸນກຸດຈີນ,ເຂດທ່ອງທ່ຽວສຳຄັນແຫ່ງຕ່າງໆຂອງຈີນລ້ວນແຕ່ໄດ້ເຈາະຈົງກວດກາເຮືອທ່ອງທ່ຽວ,ສາຍກາບ,ຕູ້ສາຍກາບແລະສິ່ງກໍ່ສ້າງຫຼິ້ນຂະໜາດໃຫຍ່,ລົບລ້າງຄວາມອັນຕະລາຍທີ່ແຝງຊ້ອນຢູ່.ເຂດທິວທັດທຸກແຫ່ງລ້ວນແຕ່ໄດ້ວາງແຜນການທີ່ຮັບມືກັບເຫດການສຸກເສີນເຊັ່ນນັກທ່ອງທ່ຽວແອອັດເປັນຕົ້ນ,ກຽມພ້ອມໃຊ້ມາດຕະການເພື່ອແກ້ໄຂເຫດການທີ່ມີຜົນຮ້າຍຕໍ່ຄວາມປອດໄພສາທາລະນະທຸກປະເພດທີ່ອາດຈະເກີດຂຶ້ນ.
ປັດຈຸບັນ,ໄລຍະພັກ ບຸນກຸດຈີນມໍ່ຈະສິ້ນສຸດລົງແລ້ວ,ທົ່ວປະເທດຈີນບໍ່ໄດ້ເກີດພະຍາດຕິດແປດແລະອຸບັດຕິເຫດທີ່ມີຄົນຕາຍແລະບາດເຈັບຢ່າງໜັກໜ່ວງໃນເວລາທ່ອງທ່ຽວ.
|
