|
|
 |
| (GMT+08:00)
2006-02-03 20:54:46
|
 |
|
ເອກອັກຄະລັດຖະທູດຈີນປະຈຳເອຢິບໄປຢ້ຽມຢາມພີ່ນ້ອງຮ່ວມຊາດຮົງກົງທີ່ບາດເຈັບ
cri
Author: shuo
ຕາມຂ່າວCRI:ວັນທີ3ກຸມພາ,ທ່ານອູຊື່ເຄີ່ ເອກອັກຄະລັດຖະທູດຈີນປະຈຳເອຢິບໄປໂຮງໝໍສາກົນທີ່ເລີແກ,ຢ້ຽມຢາມຜູ້ຍິງຮົງກົງຜູ້ໜຶ່ງທີ່ພວມຮັບການປິ່ນປົວພາຍຫຼັງປະສົບອຸບັດເຫດລົດ.
ທ່ານອູຊີ່ເຄີ່ເວົ້າວ່າ,ພາຍຫຼັງເກີດອຸບັດເຫດລົດເທື່ອນີ້ແລ້ວ,ທ່ານປະທານປະເທດຫູຈິນທ່າວ ທ່ານນາຍົກລັດຖະມົນຕີເວີ່ນເຈ່ຍປາວແລະທ່ານຮອງປະທານປະເທດເສິ່ງຊີ້ງຮົງລ້ວນແຕ່ໄດ້ຊີ້ແຈ້ງສະຖານທູດຈີນປະຈຳເອຢິບວ່າຕ້ອງອອກແຮງສຸດຂີດຊ່ອຍເຫຼືອຝ່າຍທີ່ກ່ຽວຂ້ອງກອບກູ້ແລະປິ່ນປົວຜູ້ບາດເຈັບ,ແລະຊຳລະວຽກກ່ຽວຂ້ອງກັບພີ່ນ້ອງຮ່ວມຊາດຮົງກົງທີ່ປະສົບເຄາະຮ້າຍໃນອຸບັດເຫດລົດ.ສະຖານທູດຈີນກໍໄດ້ຕິດຕໍ່ພົວພັນກັບຝ່າຍເອຢິບຢ່າງຕັ້ງໜ້າແລະໄດ້ໃຊ້ມາດຕະການອັນບັງເກີດຜົນຢ່າງເປັນລະບົບກອບກູ້ຊ່ອຍເຫຼືອຜູ້ບາດເຈັບ.ທ່ານອູຊີ່ເຄີ່ຫວັງໃຫ້ຜູ້ບາດເຈັບຮັບການປິ່ນປົວຢ່າງສະຫງົບໃຈ,ແລະອວຍພອນຜູ້ບາດເຈັບເຊົາເຈັບເຊົາປ່ວຍໂດຍໄວເທົ່າທີ່ຈະໄວໄດ້,ຜູ້ບາດເຈັບສະແດງຄວາມຂອບອົກຂອບໃຈນຳທ່ານເອກອັກຄະລັດຖະທູດອູຊີ່ເຄີ່ທີ່ໄປຢ້ຽມຢາມຢູ່ໂຮງໝໍ.
ໃນມື້ດຽວກັນ,ທ່ານກົ່ງຢູເຟີ່ງ ໂຄສົກຖະແຫຼງຂ່າວສະຖານທູດຈີນເຜີຍວ່າ,ໃນພີ່ນ້ອງຮ່ວມຊາດຮົງກົງ5ຄົນທີ່ຖືກສົ່ງໄປປິ່ນປົວຢູ່ເລີແກເປັນລຳດັບພາຍຫຼັງເກີດອຸບັດເຫດລົດນັ້ນແລ້ວ,ປະຈຸບັນນີ້ໄດ້ມີ3ຄົນຖືກຍ້າຍໄປປິ່ນປົວຢູ່ສວິສ,ມີຄົນໜຶ່ງຖືກສົ່ງໄປປິ່ນປົວຕື່ມອີກຢູ່ປາຣີຂອງຝະຣັ່ງ,ຍັງເຫຼືອແຕ່ຜູ້ບາດເຈັບເພດຍິງຜູ້ໜຶ່ງຍັງປິ່ນປົວຢູ່ເລີແກ.
|
|
|
