|
|
 |
| (GMT+08:00)
2006-02-05 18:01:33
|
 |
|
ລັດຖະບານກາງເອົາໃຈໃສ່ໃນລະດັບສູງນຳເຫດການຊາວຮົງກົງປະສົບອຸບັດເຫດລົດຂວ້ຳຢູ່ເອຢິບ
cri
ຕາມຂ່າວສານຊີນຮວາ,ວັນທີ5ກຸມພາ,ທ່ານເຈິງອິນຊວນ ຜູ້ວ່າການເຂດບໍລິຫານພິເສດຮົງກົງກ່າວວ່າ,ລັດຖະບານກາງເອົາໃຈໃສ່ໃນລະດັບສູງນຳເຫດການຄະນະທ່ອງທ່ຽວຂອງຮົງກົງປະສົບອຸບັດເຫດລົດຂວ້ຳຢ່າງບໍ່ເປັນຈັ່ງບຸນຢູ່ຮົວກາດາຂອງເອຢິບໃນວັນທີ31ມັງ ກອນ,ສະຖານທູດຈີນປະຈຳເອຢິບໄດ້ໃຫ້ຄວາມຊ່ອຍເຫຼືອໃນທັນທີ,ທັງນີ້ໄດ້ສະແດງໃຫ້ເຫັນຢ່າງເຕັມສ່ວນແລະເປັນການປະຕິບັດທິດທາງປະເທດດຽວສອງລະບອບ.
ໃນເວລາໃຫ້ສຳພາດ,ທ່ານເຈິງອິນຊວນເວົ້າວ່າ,ທ່ານຮູ້ສຶກເສົ້າສະຫຼົດໃຈແລະຕື່ນຕົກໃຈຕໍ່ອຸບັດເຫດທີ່ພາໃຫ້ມີຄົນເສຍຊີວິດແລະບາດເຈັບ,ແລະຮູ້ສຶກມີລັງໃຈຫຼາຍຍ້ອນລັດ ຖະບານກາງເອົາໃຈໃສ່ແລະຂະແໜງການທີ່ກ່ຽວຂ້ອງໃຫ້ຄວາມຊ່ອຍເຫຼືອຢ່າງທັນການ.
ວັນທີ31ມັງກອນ,ພາຍຫຼັງທ່ານຫູຈິນທາວ ປະທານປະເທດຈີນທ່ານເວີ່ນເຈ່ຍປາວ ນາຍົກລັດຖະມົນຕີຈີນແລະທ່ານອື່ນໆໄດ້ຮູ້ເຫດການດັ່ງກ່າວແລ້ວ,ໄດ້ຮຽກຮ້ອງໃນທັນທີໃຫ້ຂະແໜງການທີ່ກ່ຽວຂ້ອງປະສານສົມ ທົບຢ່າງໃກ້ຊິດກັບຝ່າຍທີ່ກ່ຽວຂ້ອງຂອງເອຢິບ,ອອກແຮງສຸດຂີດຊ່ອຍເຂດພິເສດຮົງກົງເຮັດວຽກກອບກູ້ໃຫ້ດີ,ຊຳລະວຽກງານຫຼັງເຫດຢ່າງເໝາະສົມ,ແລະຂໍໃຫ້ອົງການປົກຄອງເຂດພິເສດຝາກຄວາມຢື້ຢາມຖາມຂ່າວດ້ວຍຄວາມຈິງໃຈ ຂອງລັດຖະບານກາງໄປສູ່ຄອບຄົວຂອງຜູ້ປະສົບເຄາະຮ້າຍແລະຜູ້ຖືກບາດເຈັບ.
|
|
|
