|
|
 |
| (GMT+08:00)
2006-02-05 18:22:46
|
 |
|
ຈີນຈະມອບສິດພິຈາລະນາອະນຸມັດວິສາຫະກິດການຄ້າທຶນຕ່າງປະເທດໃຫ້ຂັ້ນລຸ່ມ
cri
ຕາມໜັງສືພິມຊິນຈິ່ງປ້າວຂອງຈີນ, ຫວ່າງມໍ່ໆນີ້,ກະຊວງການຄ້າຈີນໄດ້ອອກປະກາດແຈ້ງການ,ມອບໝາຍໃຫ້ພະແນກຄຸ້ມຄອງການຄ້າຂັ້ນແຂວງແລະເຂດພັດທະນາເສດຖະກິດເຕັກນິກລະດັບຊາດຮັບຜິດຊອບວຽກງານພິຈາລະນາອະນຸມັດວິສາຫະກິດການຄ້າທຶນຕ່າງປະເທດສ່ວນຫຼາຍທີ່ສຸດແຕ່ວັນທີ1ມີນາເປັນຕົ້ນໄປ,ລວມທັງວິສາຫະກິດຂາຍຍົກທີ່ບໍ່ກ່ຽວພັນເຖິງສິນຄ້າພິເສດແລະບາງວິສາຫະກິດຂາຍຍ່ອຍທີ່ມີຂະໜາດຕ່າງກັນ.
ແຕ່ຈີນເຂົ້າເປັນສະມາຊິກອົງການການຄ້າໂລກມານີ້,ຈີນໄດ້ປະຕິບັດຕາມຄຳໝັ້ນສັນຍາຢ່າງເອົາຈິງເອົາຈັງ,ບູລະນະກົດຂໍ້ກຳນົດກ່ຽວກັບການລົງທຶນຂອງນັກທຸລະກິດຕ່າງປະເທດໃນຂົງເຂດການຄ້າການບໍລິການໃຫ້ສົມບູນຂຶ້ນ,ເຮັດໃຫ້ຂົງເຂດດັ່ງກ່າວໄຂປະຕູຕໍ່ນັກທຸລະກິດຕ່າງປະເທດຢ່າງໜັກແໜ້ນແລະເປັນລະບຽບ.ເທື່ອນີ້,ຈີນມອບສິດພິຈາລະນາອະນຸມັດການສ້າງຕັ້ງວິສາຫະກິດທຶນຕ່າງປະເທດໃນຂົງເຂດຈຳນວນໜຶ່ງໃຫ້ພະແນກການຄ້າຂອງແຂວງແລະນະຄອນທີ່ມີເງື່ອນໄຂ,ໝາຍຈະເຮັດໃຫ້ລະບຽບການພິຈາລະນາກວດກາກະທັດຮັດຕື່ມອີກ,ອຳນວຍຄວາມສະດວກຫຼາຍກວ່າເກົ່າໃຫ້ແກ່ນັກທຸລະກິດຕ່າງປະເທດມາລົງທຶນເຂົ້າໃນຂົງເຂດການຄ້າການບໍລິການ.
|
|
|
