|
ພະນັກງານຄົ້ນຄວ້າວິທະຍາສາດຈີນສຳເລັດ"ແຜນທີ່ກວມລວມກ່ຽວກັບຮູບດິນບົກແລະທະເລຂອງອາຊີແລະເຂດໃກ້ຄຽງໃນມາດຕາສ່ວນ1:8,000,000"
cri
Author: shuo
ຕາມຂ່າວສານຊິນຮວາ:ພະນັກງານຄົ້ນຄວ້າວິທະຍາສາດຈີນໄດ້ສຳເລັດວຽກງານແຕ້ມຮູບເຮັດແທ່ນພິມດ້ວຍຄອມພິວເຕີຂອງ "ແຜນທີ່ກວມລວມກ່ຽວກັບຮູບດິນບົກແລະທະເລຂອງອາຊີແລະເຂດໃກ້ຄຽງໃນມາດຕາສ່ວນ1: 8,000,000",ພາຍຫຼັງແຜນທີ່ດັ່ງກ່າວພິມຈຳໜ່າຍແລ້ວຈະສະໜອງຫຼັກອ້າງອີງວິທະຍາສາດໃຫ້ແກ່ບັນດາປະເທດອາຊີໃນການວາງແຜນໃນດ້ານທີ່ດິນ ກະສິກຳ ປ່າໄມ້ ຊົນລະປະທານແລະຄົມມະນາຄົມເປັນຕົ້ນແລະການພັດທະນາຊັບພະຍາກອນທຳມະຊາດພ້ອມດ້ວຍການຄົ້ນຄວ້າແລະປ້ອງກັນໄພພິບັດທຳມະຊາດ ເຊັ່ນແຜ່ນດິນໄຫວແລະໄພນ້ຳຖ້ວມເປັນຕົ້ນ.
ຕາມຊາບວ່າ,ແຜນທີ່ດັ່ງກ່າວນອກຈາກໄດ້ຖືພາກພື້ນອາຊີເປັນຈຸດພົ້ນເດັ່ນແລ້ວ,ຍັງລວມທັງແຜ່ນດິນໃຫຍ່ສ່ວນໜຶ່ງຂອງທະວີບໃກ້ຄຽງ ຄື ເອີລົບຕາເວັນອອກ ອາຟະລິກາຕາເວັນອອກສຽງເໜືອ ອົສຕຼາລີແລະອາເມລິກາເໜືອເປັນຕົ້ນ,ພ້ອມດ້ວຍມະຫາສະໝຸດໃກ້ຄຽງຕ່າງໆ ເຊັ່ນມະຫາສະໝຸດປາຊິຟິກຕາເວັນຕົກ ມະຫາສະໝຸດອິນເດຍເໜືອແລະທົ່ວມະຫາສະໝຸດອາກຕິກເປັນຕົ້ນ.
|
|
