|
ຕາມຂ່າວສານຈີນ,ປີນີ້,ທະນາຄານປະຊາຊົນຈີນເຊິ່ງເປັນທະນາຄານກາງຂອງຈີນຈະຕັ້ງອົງການທົດລອງແລກປ່ຽນເງິນຕາຕ່າງປະເທດຈຳນວນໜ້ອຍຢູ່ເຂດພູຕົ່ງຊຽງໄຮ້,ເພື່ອສືບຕໍ່ຊຸກຍູ້ການປະຕິຮູບປະກອບຊຸດສັງລວມຂອງເຂດພູຕົ່ງ.
ວັນທີ5ກຸມພາ,ເຈົ້າໜ້າທີ່ທີ່ກ່ຽວຂ້ອງຂອງທະນາຄານກາງໄດ້ຢືນຢັນຂ່າວດັ່ງກ່າວຕໍ່ນັກຂ່າວ.ທ່ານກ່າວວ່າ,ການປ່ອຍໃຫ້ແລກປ່ຽນເງິນຕາຕ່າງປະເທດຈຳນວນໜ້ອຍຢ່າງເໝາະສົມຈະເພີ່ມທະວີບົດບາດພື້ນຖານຂອງຕະຫຼາດໃນກົນໄກຈໍ່ຕົວຂອງອັດຕາແລກປ່ຽນ,ສ້າງເງື່ອນໄຂໃຫ້ແກ່ການບູລະນະກົນໄກຈໍ່ຕົວຂອງອັດຕາແລກປ່ຽນເງິນຢວນຈີນໃຫ້ສົມບູນຂຶ້ນ.
ພູຕົ່ງຕັ້ງຢູ່ພາກຕາເວັນອອກຂອງນະຄອນຊຽງໄຮ້,ເລີ່ມພັດທະນາແລະໄຂປະຕູສູ່ພາຍນອກແຕ່ປີ1990ເປັນຕົ້ນມາ,ປັດຈຸບັນ,ໄດ້ກາຍເປັນແຫຼ່ງອຸດສາຫະກຳໄຮເຕັກ ທີ່ຈະເລີນໃໝ່ແລະອຸດສາຫະກຳຍຸກປັດຈຸບັນຂອງຊຽງໄຮ້ແມ່ນຈຸດເຕີບໂຕໃໝ່ຂອງເສດຖະກິດຊຽງໄຮ້.
|
