|
ກ່ອນອື່ນໝົດ,ພາທ່ານໄປຊົມວັນຊ້າງຂອງໄທ.ເມືອງສຸຣິນຈາກບັງກອກ ໄປທິດຕາເວັນອອກ ປະມານ450ກິໂລແມັດ,ຢູ່ເມືອງສຸຣິນ ປີໃດກໍ່ຈະຈັດບຸນຊ້າງເທື່ອໜຶ່ງ.ເມືອງສຸຣິນ ເຄີຍແມ່ນໃຈກາງຂອງສະຫຍາມຂວາ,ຖືກເອີ້ນເປັນ"ເມືອງຊ້າງ".ວັນຊ້າງຈັດໃນວັນສຸດສັບປະດາທີ3ຂອງເດືອນພະຈິກທຸກໆປີ,ຄົນທັງຫຼາຍເລືອກເອົາຊ້າງທີ່ມີຮ່າງກາຍ"ສວຍງານ"ແລະມີສຸຂະພາບ"ແຂງແຮງ"ທີ່ສຸດ.ແລ້ວໃສ່ໂຣປີ້ແລະຜ້າຄຸມໃຫ້ພວກເຂົາເຈົ້າ,ແຂວນກະດິງນ້ອຍໆ,ແຕ່ງໜ້າແຕ່ງຕາ ແລ້ວໄປເຂົ້າຮ່ວມພິທີສະຫຼອງວັນຊ້າງ.ການເຄື່ອນໄຫວສະຫຼອງ ເລີ່ມແຕ່ການສຳຫຼວດແຖວຊ້າງລົບ,ທະຫານອົງຄະລັກອັນສະຫງ່າຜ່າເຜີຍຖືໝວກເຫັຼກໃສ່ເສື້ອເກາະ,ຈັບຫຼາວຖືດາບ ຂີ່ຢູ່ເທິງສັນຫຼັງຂອງຊ້າງລົບ, ເພື່ອສະແດງ ສະພາບໜ້າເກງຂາມຂອງປະຊາຊົນໄທຍາດແຍ່ງເອກະລາດໃນສະຕະວັດທີ12.
ການເຄື່ອນໄຫວໃນວັນດັ່ງກ່າວແມ່ນການສະແດງການເຝິກຊ້າງ,ຊ້າງຕ້ອງສະແດງອີລີຍາບົດທີ່ຍາກອອກແຮງງານໜັກ,ແລະປະກວດຄວາມໄຫວພິມຂອງຮ່າງກາຍ.ເມື່ອຮອດຕອນຄ່ຳ,ຄົນທັງຫຼາຍກໍຈູດກອງໄຟ,ເອົາອາຫານທີ່ອຸດົມສົມບູນມາລ້ຽງຍ້ອງຍໍພວກຊ້າງ.
ຖັກມາເຊີນທ່ານໄປອິນເດຍນຳພວກເຮົາ.ຢູ່ບ້ານຊີລາທີ່ຫ່າງຈາກບອມເບ160ກິໂລແມັດ,ໃນວັນທີ8ສິງຫາທຸກໆປີກໍ່ຈະຈັດວັນງູ.ກ່ອນໜ້າວັນງູ, ບັນດາແມ່ຍາແມ່ຍິງອາບນ້ຳປ່ຽນຖ່າຍຊຸດ,ປັດກວາດເດີ່ນບ້ານ,ອະທິຖານຢ່າງສັດທາ,ສ່ວນຜູ້ຊາຍກໍ່ໄປທົ່ງນາຈັບງູ.ຕອນເຊົ້າວັນງູ,ຄົນທັງຫຼາຍຊູທຸງສີ,ເປົ່າແກຫອຍ,ຕີຄ້ອງຕີກອງ,ເດີນຂະບວນໄປວັດວາອາຮາມຢູ່ບົນເດີ່ນ.ໃນດິນຫວ່າງເບື້ອງໜ້າວັດ,ຄົນທັງຫຼາຍປ່ອຍງູທີ່ຈັບຢູ່ທົ່ງນາອອກຈາກກະປຸກ.
ບາງຄົນຂາບໄຫວ້ຕໍ່ງູ,ບາງຄົນຮ້ອງໄຫ້ຕໍ່ງູ,ບາງຄົນເວົ້າຢ່າງມິດໆກັບງູ,ບາງຄົນເອົາດອກໄມ້ປັດຫົວງູຢ່າງເບົາໆ,ຍັງມີບາງຄົນເອົາແປ້ງຫອມສາດໃສ່ຕົວຄີງ ງູ.ສິ່ງແປກປະຫຼາດແມ່ນ,ເມື່ອຮອດເວລານີ້,ນິດໄສໂຫດຮ້າຍຂອງງູປ່າ ກໍ່ຫາຍໄປໝົດແລ້ວ,ພັດໃຫ້ຄົນລູບຄຳດ້ວຍອາລົມອ່ອນມວນ.ເມື່ອວັນງູສິ້ນສຸດແລ້ວ,ງູເຫຼົ່ານີ້ກໍ່ຖືກປ່ອຍເຂົ້າທົ່ງເຂົ້າປ່າໝົດ,ນິດໃສໂຫດຮ້າຍຂອງງູກໍ່ຟື້ນຟູຄືແຕ່ກ່ອນເລີຍ.
ຕໍ່ໄປ,ໃຫ້ພວກເຮົາໄປຊົມວັນລີງຂອງອິນໂດເນເຊຍ.ໄທບ້ານໄທເມືອງຢູ່ພາກເໜືອຂອງເກາະເຄລີແມນແທນ ອິນໂດເນເຊຍມັກລີງຫຼາຍ,ດັ່ງນັ້ນກໍ່ໄດ້ຕັ້ງວັນທີ7ກໍລະກົດຂອງແຕ່ລະປີເປັນ"ວັນລີງ".ໃນຕອນເຊົ້າວັນດັ່ງກ່າວ, ພວກເຂົາເຈົ້າກໍ່ໄດ້ເອົາລູກກວາດ,ໝາກໄມ້,ເຂົ້າໜົມແລະເຄື່ອງເສບພື້ນເມືອງທີ່ໄດ້ກຽມພ້ອມແລ້ວນັ້ນ,ມາຮອດບ່ອນທີ່ມີໂຕລີງຫຼາຍ.ພວກລີງທັງກະໂດດໂລດເຕັ້ນຍາດກິນອາຫານທີ່ຄົນທັງຫຼາຍເອົາໃຫ້,ທັງຟັງດົນຕີທີ່ເສບໃຫ້ພວກເຂົາເຈົ້າເປັນພິເສດ, ສະເຫວີຍສຸກຄວາມເບີກບານມ່ວນຊື່ນໃນວັນບຸນ.
ອົສຕຼາລີແມ່ນປະເທດທີ່ມີແກະຫຼາຍ.ວັນທີ8ພະຈິກທຸກໆປີແມ່ນວັນແກະຂອງລັດວິກໂທເຣຍອົສຕຼາລີ. ເວລານັ້ນ,ຜູ້ລ້ຽງແກະກໍຈູດໝາກກະໂພກ ເພື່ອໄລ່ຜີໃຫ້ຝູງແກະ,ທັງກ່າວ"ຄຳອວຍພອນໃນວັນບຸນ",ແລ້ວພາຝູງແກະໄປບ່ອນທີ່ມີນ້ຳຫຼາຍມີຫຍ້າງາມ,ໃຫ້ພວກເຂົາເຈົ້າກິນຢ່າງສະນຸກສະໜານ.
ສຸດທ້າຍນີ້,ພວກເຮົາຂໍແນະນຳວັນລວາ,ເມື່ອທ່ານໄດ້ຟັງແລ້ວ ອາດຈະສົນໃຈນຳເລື່ອງແປກໆນີ້.ຢູ່ຊູດັງ,ວັນລວາຂອງແຂວງທະເລແດງແມ່ນມື້ສຸດທ້າຍຂອງເດືອນເມສາທຸກໆປີ.ເມື່ອຮອດວັນບຸນດັ່ງກ່າວ,ໃນຕົວເມືອງແລະຊົນນະບົດກໍ່ລ້ວນແຕ່ຕິດພາບໂຄສະນາກ່ຽວກັບລວາແລະຄຳຂວັນປົກປັກຮັກສາລວາ,ເຈົ້າຂອງທຸກຫຼັງເຮືອນຍັງໄດ້ປະດັບປະດາລວາຂອງໃຜລາວ,ແລ້ວຈູງລວາໄປເມືອງນ້ອຍ ເຂົ້າຮ່ວມ"ການແຫ່ຂະບວນຢ່າງຂະໜາດໃຫຍ່".
ທ່ານຜູ້ຟັງທີ່ໂຄລົບ,ເມື່ອໄດ້ຮູ້ຈັກວັນສັດທີ່ແປກໆເຫຼົ່ານີ້,ທ່ານກໍຈະຮູ້ສຶກໂລກທີ່ພວກເຮົາດຳລົງຊີວິດຢູ່ນີ້ ຈັ່ງແມ່ນອຸດົມສົມບູນແທ້ໆ.ແມ່ນແລ້ວ,ໜ່ວຍໂລກທີ່ກວ້າງຂວາງນີ້,ມີທຸກສິ່ງທຸກຢ່າງ,ມະນຸດຄົນເຮົາກັບສັດ ຕ່າງໆຢູ່ຮ່ວມກັນຢ່າງກົມກຽວກັນ,ຈັ່ງແມ່ນສະໜິດສະໜົມກົມກືນກັນ.ດັ່ງນັ້ນ,ທຸກຄົນກໍ່ຄວນຖະໜອມພວກສັດ,ອະນຸລັກສິ່ງແວດລ້ອມທີ່ພວກເຮົາດຳລົງຄົງຕົວຢູ່,ມີແຕ່ເຮັດແນວນີ້,ມະນຸດຈິ່ງມີຊີວິດການເປັນຢູ່ອັນດີກວ່າເກົ່າ.
|
