|
ທ່ານບຸສເພີ່ມລາຍຈ່າຍທາງການທະຫານຢ່າງຫຼວງຫຼາຍ
cri
Author: shuo
ຕາມຂ່າວສານຊິນຮວາ:ວັນທີ6ກຸມພາ,ທ່ານບຸສ ປະທານາທິບໍດີອາເມລິກາໄດ້ຍື່ນບົດລາຍງານງົບປະມານການເງິນສົກປີ2007ຂອງລັດຖະບານສະຫະລັດໃຫ້ລັດຖະສະພາ,ອີງຕາມຂໍ້ສະເໜີຂອງທ່ານບຸສ,ລາຍຈ່າຍດ້ານການປ້ອງກັນປະເທດແລະຄວາມປອດໄພ ຂອງດິນແດນແຫ່ງຊາດຈະເພີ່ມຂຶ້ນຢ່າງຫຼວງຫຼາຍ.
ຕາມໄດ້ຊາບ,ບົດລາຍງານງົບປະມານສະບັບນີ້ມີມູນຄ່າ2770ຕື້ໂດລາ,ໃນນັ້ນ,ລາຍຈ່າຍ ທາງການທະຫານ439ຕື້300ລ້ານໂດລາ,ໜ້າພຽງເພີ່ມຂຶ້ນຫຼາຍກວ່າໂຄງການອື່ນໆ.ຕົວເລກດັ່ງກ່າວຍັງບໍ່ລວມທັງລາຍຈ່າຍຂອງທະຫານອາເມລິກາໃນການເຄື່ອນໄຫວທາງ ການທະຫານຢູ່ອີຣັກແລະອາຟການິສະຖານ.
ນອກນີ້,ບົດລາຍງານງົບປະມານຂຽນວ່າ,ປີນີ້,ຂຸມການເງິນຂອງລັດຖະບານອາເມລິກາຈະບັນລຸ423ຕື້ໂດລາ,ອັນໄດ້ສ້າງສະຖິຕິໃໝ່ໃນປະຫວັດສາດ.ເພື່ອປະຢັດລາຍຈ່າຍ,ຫຼຸດຂຸມການເງິນຂອງລັດຖະບານໃຫ້ໜ້ອຍລົງ,ທ່ານບຸສຫວັງໃຫ້ຕັດຮອນຫຼືຍົກເລີກ141ໂຄງ ການລັດຖະບານ,ໃນນັ້ນລວມທັງການສະໜອງການບໍລິການປະກັນໄພດ້ານການປິ່ນປົວພະຍາດໃຫ້ຜູ້ເຖົ້າຜູ້ແກ່ແລະຄົນພິການເປັນຕົ້ນ.
|
|
