|
ຜູ້ນຳບາງປະເທດແລະອົງການຈັດຕັ້ງສາກົນຮຽກຮ້ອງໃຫ້ສະກັດກັ້ນເຫດການໝີ່ນ ປະໝາດສາດສະໜາອິດສະລາມ
cri
ຕາມຂ່າວCRI,ໃນຫຼາຍມື້ມານີ້,ຜູ້ນຳແລະເຈົ້າໜ້າທີ່ຂອງຈີນ ,ຕວກກີ, ເອຢິບແລະປະເທດອື່ນໆໄດ້ພາກັນກ່າວຄຳປາໄສ,ເຕືອນໃຫ້ປະເທດທີ່ກ່ຽວຂ້ອງຂອງເອີລົບໃຊ້ມາດຕະການເພື່ອສະກັດກັ້ນບໍ່ໃຫ້ສື່ມວນຊົນໝີ່ນປະມາດສາດສະໜາອິດສ ລາມ.ເຈົ້າໜ້າທີ່ຊັ້ນສູງຂອງສະຫະພາບເອີລົບກ່າວວ່າ,ສະຫະພາບເອີລົບຍິນດີຮ່ວມມືກັບອົງການກອງປະຊຸມອິດສລາມ,ເພື່ອລະງັບຄວາມຄຽດແຄ້ນຂອງປະເທດອິດສລາມ.
ວັນທີ6ກຸມພາ,ໃນເວລາເຈລະຈາກັບທ່ານສໂຕເຣ ລັດຖະມົນຕີການຕ່າງປະເທດນອກແວ,ທ່ານຫຼີຈ້າວຊີ່ງ ລັດຖະມົນຕີການຕ່າງປະເທດຈີນທີ່ພວມຢ້ຽມຢາມນອກແວກ່າວວ່າ,ລະຫວ່າງສາສະໜາແລະອາລະຍະທຳທີ່ຕ່າງກັນຄວນເຄົາລົບຊຶ່ງກັນແລະກັນ,ຢູ່ຮ່ວມກັນຢ່າງປອງດອງກັນ,ຄວາມປອດໄພຂອງຄະນະທູດກໍ່ຄວນໄດ້ຮັບການຮັບປະກັນຕາມກົດໝາຍລະຫວ່າງຊາດ.ທ່ານຫວັງໃຫ້ບັນດາຝ່າຍທີ່ກ່ຽວຂ້ອງຈົ່ງຮັກສາຄວາມອົດກັ້ນໄວ້,ຊຳລະເຫດການດັ່ງກ່າວຢ່າງເໝາະສົມ,ແລະຫຼີກເວັ້ນບໍ່ໃຫ້ເກີດການປະທະກັນໃໝ່.
ວັນທີ5ກຸມພາ,ທ່ານເອີໂດການ ນາຍົກລັດຖະມົນຕີຕວກກີເວົ້າວ່າ,ສື່ມວນຊົນເອີລົບພິມຮູບສຽດສີທີ່ໝີ່ນປະໝາດພະສາສະດາໂມຮາມັດ ຜູ່ຮູ້ກ່ອນຂອງສາສະໜາອິດສລາມ,ໄດ້ຢຽດຫຍາມໂລກອິດສລາມຢ່າງໜັກໜ່ວງ.ແຕ່ພ້ອມກັນນັ້ນ,ທ່ານຊີ້ອອກວ່າ,ຕ້ອງແກ້ໄຂເຫດການດັ່ງກ່າວໂດຍຜ່ານຈາກພາຫະນະການຕ່າງປະເທດ.
ວັນທີ5ກຸມພາ,ທ່ານເກັດ ລັດຖະມົນຕີການຕ່າງປະເທດເອຢິບກ່າວວ່າ,ລັດຖະບານດານມາກຕ້ອງໃຊ້ມາດຕະການແຂງແຮງຕໍ່ສື່ມວນຊົນທີ່ໝີ່ນ ປະໝາດສາສະໜາອິດສລາມ.
ວັນທີ5ກຸມພາ,ທ່ານອານນານເລຂາທິການໃຫຍ່ສະຫະປະຊາຊາດໄດ້ຜ່ານໂຄສົກອອກຖະແຫຼງການ,ຮຽກຮ້ອງໃຫ້ຊາວມຸສລິມຮັບເອົາຄວາມຂະມາໂທດຂອງໜັງສືພິມດານມາກ,ແລະຮັກສາຄວາມອົດກັ້ນໄວ້.
|
|
