|
ຝ່າຍຈີນຫວັງໃຫ້ມະຕິຂອງ IAEA ສາມາດຊ່ອຍແກ້ໄຂບັນຫານິວເຄຼຍຂອງອີຣານຢ່າງເໝາະສົມໂດຍໄວພາຍໃນຂອບຂອງອົງການດັ່ງກ່າວ
cri
Author: cai
ຕາມຂ່າວCRI:ວັນທີ 7 ກຸມພາ,ຢູ່ປັກກິ່ງ,ທ່ານຂົງຊວນ ໂຄສົກກະຊວງການຕ່າງປະເທດຈີນເວົ້າວ່າ,ຝ່າຍຈີນຫວັງໃຫ້ມະຕິຂອງຄະນະກຳມະການພິເສດອົງການພະລັງງານປະລະມານູສາກົນ（ຄື IAEA）ກ່ຽວກັບບັນຫານິວເຄຼຍຂອງອີຣານນັ້ນສາມາດຊ່ອຍແກ້ໄຂບັນຫານິວເຄຼຍຂອງອີຣານຢ່າງເໝາະສົມໂດຍໄວເທົ່າທີ່ຈະໄວໄດ້ພາຍໃນຂອບຂອງອົງການດັ່ງກ່າວ.
ອາທິດແລ້ວນີ້,ຄະນະກຳມະການພິເສດຂອງ IAEA ໄດ້ຈັດກອງປະຊຸມດ່ວນ,ໃນທີ່ສຸດ,ຕົກລົງລາຍງານບັນຫານິວເຄຼຍຂອງອີຣານຕໍ່ສະພາຄວາມໝັ້ນຄົງອົງການສະຫະປະຊາຊາດ.ໃນກອງປະຊຸມ,ຈີນໄດ້ປ່ອນບັດເຫັນດີຕໍ່ມະຕິດັ່ງກ່າວ.ໃນງານຊຸມນຸມນັກຂ່າວປະຈຳ,ທ່ານຂົງຊວນເວົ້າວ່າ,ກ່ຽວກັບບັນຫານິວເຄຼຍຂອງອີຣານ,ຝ່າຍຈີນມີເຈດຈຳນົງຢ່າງແຈ່ມແຈ້ງແລະສະເໝີຕົ້ນສະໝີປາຍໃຫ້ຮັກສາຄວາມເຄັ່ງຂືມແລະອິດທິພົນຂອງກົນໄກບໍ່ແຜ່ຂະຫຍາຍນິວເຄຼຍສາກົນ,ຫວັງໃຫ້ຜ່ານຈາກການເຈລະຈາທາງການທູດມາແກ້ໄຂບັນຫາດັ່ງກ່າວຢ່າງເໝາະສົມ.ຝ່າຍຈີນເຫັນວ່າ,ປະເທດທີ່ເຊັນ"ສົນທິສັນຍາວ່າດ້ວຍການບໍ່ແຜ່ຂະຫຍາຍອາວຸດນິວເຄຼຍ"ມີສິດນຳໃຊ້ພະລັງງານນິວເຄຼຍໂດຍສັນຕິ,ພ້ອມກັນນັ້ນ,ຍັງຄວນເຄົາລົບພັນທະຂອງສົນທິສັນຍາດັ່ງກ່າວ.
|
|
