ຕາມ​ຂ່າວສານ​ຊິນ​ຮວາ,ວັນ​ທີ​5ກຸ​ມພາ,ນັກ​ທ່ອງ​ທ່ຽວ​ພວມ​ຂີ່​ເຮືອທ່ຽວ​ຢູ່​ເທິງ​ໜອງ​ລູ​ກູ​ທີ່​ສວຍ​ງາມ.​ໜອງ​ລູ​ກູ​ຕັ້ງ​ຢູ່​ເມືອງ​ນິງລ້າງ​ແຂວງ​ຢຸນນານ​ແລະ​ເມືອງ​ຢຽນ​ຢວນ​ແຂວງ​ເຊ​ສວນ,​ແມ່ນ​ໜອງ​ນ້ຳ​ຈືດ​ເທິງ​ພູ​ພຽງ.ນ້ຳ​ໃນ​ໜອງ​ລູ​ກູ​ໃສ​ສະ​ອາດ,​ຂຽວ​ປານ​ຢົກ,​ໄດ້​ນາມ​ມະ​ຍົດ​ເປັນ​ໄຂ່​ມຸກ​ເທິງ​ພູ​ພຽງ.​ໜ້າ​ນ້ຳ​ໜອງ​ລູ​ກູ​ສູງ​ກວ່າ​ໜ້າ​ນ້ຳ​ທະ​ເລ​2690​ແມັດ,​​​ມີ​ເນື້ອ​ທີ່​50ກິ​ໂລ​ແມັດ​ຕາ,​ສະ​ເລ່ຍ​ແລ້ວ​ເລິກ​45​ແມັດ,​ບ່ອນ​ເລິກ​ສຸດ​ມີ​ເຖິງ​93​ແມັດ.ໜອງ​ລູກູ​ໄດ້​ລ້ຽງ​ຊາວ​ເຜົ່າ​ໂມ​​ໂຊ​ທີ່​ດຸ​ໝັ່ນ​ແລະ​ໃຈ​ບຸນ,​ພວກ​ເຂົາ​ເຈົ້າ​ໄດ້​ຕ້ອນ​ຮັບ​ນັກ​ທ່ອງ​ທ່ຽວ​ຈີນ​ແລະ​ຕ່າງ​ປະ​ເທດ​ນັບ​ບໍ່​ຖ້ວນ​ດ້ວຍ​ມາ​ລະ​ຍາດ​ແລະ​ຄວາມ​ອົບ​ອຸ່ນ​ທີ່​ເປັນ​ເອ​ກະ​ລັກ​ພິ​ເສດ​ຂອງ​ຊົນ​ເຜົ່າ​ຕົນ.

ເຮືອ​ໄມ້​ສຳ​ລັບ​ຂົນ​ສົ່ງ​ແຂກ​ທ່ອງ​ທ່ຽວ​ທີ່​ຈອດ​ຢູ່​ແຄມ​ໜອງ​ລູກູ(ຖ່າຍ​ໃນ​ວັນ​ທີ5​ກຸມພາ)

ວັນ​ທີ5​ກຸມພາ,​ແມ່​ເຖົ້າ​ເຜົ່າ​ໂມ​ໂຊ​ສອງ​ຄົນ​ຢູ່​ແຄມ​ໜອງ​ລູກູ.