|
ເວົ້າສຳລັບຈີນແລ້ວ,ແຕ່ເວລາຍາວນານເປັນຕົ້ນມາ,ບັນດາປະເທດຢູ່ອະນຸພາກພື້ນແມ່ນ້ຳຂອງລ້ວນແຕ່ຫວັງຢາກດຳເນີນການຮ່ວມມືທາງເສດຖະກິດຫຼາຍຍິ່ງຂຶ້ນໃຫ້ຫຼາຍເທົ່າທີ່ຈະຫຼາຍໄດ້ເພື່ອທ້ອນໂຮມຊັບສົມບັດ,ແຕ່ພ້ອມກັນນັ້ນ ພັດລ້ວນແຕ່ຢາກຮັກສາຮູບການເຮັກວຽກພິເສດຂອງປະເທດຕົນໃນດ້ານອື່ນ.ແຕ່ໃນຊູ່ມື້ນີ້ທີ່ຕ້ອງການເພີ່ມທະວີການຮ່ວມມືພາກພື້ນໃນເວລາປະເຊີນກັບການແກ່ງແຍ່ງຢູ່ພາຍນອກແລະຄວາມຮຽກຮ້ອງຕ້ອງການພາຍໃນຂອງຕົນ,ຄວາມມຸ້ງມາດປາຖະໜາຂອງບັນດາປະເທດໃນອະນຸພາກພື້ນແມ່ນ້ຳຂອງທີ່ເພີ່ມທະວີການເຊື່ອມໂຍງເຂົ້າກັນແລະການຮ່ວມມືກັນກໍຍິ່ງຮີບດ່ວນແລະແຮງກ້າກວ່າຍາມໃດໝົດ.
ຫຼາຍປະເທດທີ່ຢູ່ສອງຝັ່ງແມ່ນ້ຳຂອງແລະຢູ່ພາກພື້ນອາຊີອາຄະເນແມ່ນເຂດເຕັມໄປແຕ່ໂອກາດຮ່ວມມືກັນທີ່ຕ່າງຝ່າຍຕ່າງມີຜົນປະໂຫຍດ.ເພາະສະນັ້ນ,ໃນເວລາເຂົ້າຮ່ວມພິທີໄຂກອງປະຊຸມເສດຖະກິດຮ່ວມມືອະນຸພາກພື້ນແມ່ນ້ຳຂອງໃນປີ 2005 ທ່ານເວີນເຈຍປາວ ນາຍົກລັດຖະມົນຕີຈີນໄດ້ຮຽກຮ້ອງຢ່າງແຮງກ້າວ່າ:"ບັນດາປະເທດໃນອະນຸພາກພື້ນແມ່ນ້ຳຂອງຕ້ອງໄວ້ເນື້ອເຊື່ອໃຈຊຶ່ງກັນແລະກັນ,ປະຕິບັດຕໍ່ຢ່າງຈິງໃຈ,ສະແຫວງຫາສິ່ງທີ່ຄືກັນ ສະຫງວນສິ່ງທີ່ຕ່າງກັນ,ອຳນວຍຄວາມສະດວກພິເສດໃຫ້ແກ່ກັນແລະຕ່າງຝ່າຍຕ່າງມີຜົນປະໂຫຍດ,ເຮັດໃຫ້ຄວາມເຫັນຕ່າງກັນຂອງບັນດາສະມາຊິກມີການສ່ອງແສງ,ຄວາມຮຽກຮ້ອງຕ້ອງການທີ່ຕ່າງກັນໄດ້ຮັບການເບິ່ງແຍງສົນໃຈ,ຜົນປະໂຫຍດຮ່ວມກໍໄດ້ຮັບການປົກປັກຮັກສາ."
ທີ່ຈິງແລ້ວ,ນີ້ບໍ່ສະເພາະແມ່ນຄວາມມຸ້ງມາດປາຖະໜາຂອງຈີນເທົ່ານັ້ນ.ທ່ານໂອຈົກຕົງ ອະດີດນາຍົກລັດຖະມົນຕີສິງກະໂປກໍເຄີຍເວົ້າກົງໄປກົງມາວ່າ:"ພວກເຮົາບໍ່ມີການເລືອກເອົາ.ພວກເຮົາມີແຕ່ສ້າງໂຄງປະກອບໃໝ່ໃຫ້ແກ່ອາຊີຕາເວັນອອກ.ຖ້າອາຊີຕາເວັນອອກບໍ່ຮ່ວມສຳພັນເຂົ້າແລ້ວ,ພວກເຮົາຍ່ອມຈະເສຍໄຊໃຫ້ອາເມລິກາແລະເອີລົບ."
ທ່ານດອກເຕີສະພາການຄ້າແຫ່ງຊາດໄທກໍສະເໜີອອກມາວ່າ,ບັນດາປະເທດໃນອະນຸພາກພື້ນແມ່ນ້ຳຂອງຄວນໂຄລົບທັດສະນະຄະຕິຍ່ານເໜືອໃນການພັດທະນາ,ຄື:ຕ້ອງເອົາໃຈໃສ່ເປົ້າໝາຍຂອງເຂດການຄ້າເສລີຈີນອາຊຽນ ອົງການອາເປັກແລະອົງການການຄ້າໂລກ,ເຮັດໃຫ້ກົນໄກ GMS ກາຍເປັນເຄື່ອງໂມເຕີຊະນິດໜຶ່ງ.ກ່ຽວກັບບັນຫານີ້,ຜູ້ວິເຄາະເວົ້າວ່າ,ຖ້າຫາກສາມາດເຮັດໃຫ້ເຂດການຄ້າເສລີຈີນອາຊຽນມີຄາດໝາຍອັນໜຶ່ງອັນດຽວກັນແລ້ວ, GDP ຂອງອາຊຽນກໍຈະເພີ່ມ 0,9%,ທໍ່ກັບ 5 ຕື້ 400 ລ້ານໂດລາສະຫະລັດ; GDP ຂອງຈີນກໍຈະເພີ່ມຂຶ້ນຮອດ 2 ຕື້ 200 ລ້ານໂດລາສະຫະລັດຍ້ອນ.
ຜູ້ຊ່ຽວຊານຊີ້ອອກວ່າ,ບົດຮຽນທາງປະຫວັດສາດຂອງເອີລົບໃນການຜູກເປັນກຸ່ມເສດຖະກິດນັ້ນ ໄດ້ສະເໜີເຫດຜົນອັນໜຶ່ງໃຫ້ປະເທດອາຊີຫຼາຍເທື່ອແລ້ວວ່າ: ເສດຖະກິດພາກພື້ນເຊື່ອມໂຍງເຂົ້າກັນແມ່ນທ່ວງທ່າທີ່ຕ້ານທານໄວ້ບໍ່ໄດ້,ເຖິງວ່າການເຊື່ອມໂຍງເຂົ້າກັນດັ່ງກ່າວຈະກຳຈັດຄວາມເຫັນຂັດກັນທາງຜົນປະໂຫຍດລະຫວ່າງບັນດາປະເທດຢ່າງແທ້ຈິງບໍ່ໄດ້.
ຜູ້ຮັບຜິດຊອບກົມແມ່ນ້ຳຂອງຂອງທະນາຄານພັດທະນາອາຊີເວົ້າວ່າ:"ຂະບວນການເຊື່ອມໂຍງເຂົ້າກັນຂອງເອີລົບໄດ້ດຳເນີນມາເປັນຫຼາຍປີແລ້ວ,ຄັນພາກພື້ນແມ່ນ້ຳຂອງຢາກບັນລຸລະດັບຄ້າຍຄືກັນ,ຍັງຕ້ອງການໃຊ້ເວລາຍາວນານ,ຈະແກ້ໄຂໃນບາດດຽວບໍ່ໄດ້."
ແຕ່ຜູ້ຊ່ຽວຊານຍັງຍຶດໝັ້ນເຫັນວ່າ:ເຖິງວ່າລັກສະນະເຂດແຄວ້ນ ຄວາມສາມາດແກ່ງແຍ່ງແລະລັກສະນະຄຸ້ມສັງຄົມຢູ່ເຂດແມ່ນ້ຳຂອງຈະທຽບກັບເອີລົບບໍ່ໄດ້,ພາຍໃນເວລາຍາວສົມຄວນ ເຂດອະນຸພາກພື້ນແມ່ນ້ຳຂອງ ຈົນກະທັ້ງອາຊຽນຈະພັດທະນາເປັນພາກພື້ນເໝືອນກັບສະຫະພາບເອີລົບນັ້ນບໍ່ໄດ້ກໍຕາມ,ແຕ່ຄາດໝາຍພັດທະນາດີທີ່ສຸດຂອງແມ່ນ້ຳຂອງໃນອະນາຄົດຄວນແມ່ນແມ່ນ້ຳແດນນຸບ.
|
