|
ຕາມຂ່າວສານຊີນຮວາລາຍງານຈາກຮ່າໂນ້ຍ,ໃນໄລຍະບຸນກຸດເຕັດຕາມຈັນທະຄະຕິ,ທົ່ວປະເທດຫວຽດນາມບໍ່ໄດ້ລາຍງານມີພະຍາດໄຂ້ຫວັດສັດປີກເກີດຂຶ້ນໃໝ່.ເຈົ້າໜ້າທີ່ລັດຖະບານຫວຽດນາມເວົ້າວ່າ,ທັງນີ້ໄດ້ສະແດງໃຫ້ເຫັນວ່າວຽກງານສັກຢາວັກແຊງໃຫ້ສັດປີກລ້ຽງຢ່າງແຂງແຮງໃນຂອບເຂດທົ່ວປະເທດໄດ້ບັງເກີດຜົນແລ້ວ,ໄດ້ປ້ອງກັນແລະຄວບຄຸມໄຂ້ຫວັດສັດປີກແບບH5N1ໃນເບື້ອງຕົ້ນແລ້ວ.
ຕາມສື່ມວນຊົນຫວຽດນາມລາຍງານວ່າ,ຫວຽດນາມບໍ່ໄດ້ລາຍງານມີຄົນຕາຍຍ້ອນໄຂ້ຫວັດສັດປີກອີກເປັນເວລາສາມເດືອນແລ້ວ.ຜູ້ຕາງໜ້າອົງການອະນາໄມໂລກເວົ້າວ່າ,ທ່ວງທ່າສະພາບພະຍາດໄດ້ດີຂຶ້ນຢ່າງເດັ່ນຊັດ,ນີ້ແມ່ນໝາກຜົນທີ່ລັດຖະບານຫວຽດນາມພະຍາຍາມດຳເນີນງານຢ່າງເປັນເອກະສັນກັນ.
|
