|
ຜູ້ອຳນວຍການໃຫຍ່ອົງການການຄ້າໂລກເວົ້າວ່າ ສະມາຊິກອົງການການຄ້າໂລກຕັດສິນໃຈສືບຕໍ່ຊຸກຍູ້ການເຈລະຈາຮອບໂດຮາ
cri
Author: cai
ຕາມຂ່າວCRI:ວັນທີ 7 ກຸມພາ,ຢູ່ເຊີແນວ,ທ່ານລາມີ ຜູ້ອຳນວຍການໃຫຍ່ອົງການການຄ້າໂລກເວົ້າວ່າ,ໃນສະເພາະໜ້ານີ້,ສະມາຊິກທັງໝົດຂອງອົງການການຄ້າໂລກລ້ວນແຕ່ຕັດສິນໃຈເດີນຕາມເສັ້ນທາງທີ່ກອງປະຊຸມຂັ້ນລັດຖະມົນຕີທີ່ຈັດຂຶ້ນຢູ່ຮົງກົງໄດ້ກຳນົດໄວ້,ຊຸກຍູ້ການເຈລະຈາການຄ້າຮອບໂດຮາ,ອະນາຄົດທີ່ການເຈລະຈາຮອບໂດຮາໄດ້ຮັບຜົນສຳເລັດນັ້ນນັບມື້ນັບສະຫວ່າງສະໄຫວ.
ໃນກອງປະຊຸມຄະນະກຳມະການການເຈລະຈາການຄ້າຂອງອົງການການຄ້າໂລກທີ່ຈັດຂຶ້ນໃນມື້ດຽວກັນ,ທ່ານລາມີເວົ້າວ່າ,ຜ່ານຈາກການສົນທະນາກັບສະມາຊິກອົງການການຄ້າໂລກອັນໄພສານ,ທ່ານຍັງໄດ້ຮັບຂ່າວສອງຂໍ້,ໜຶ່ງ,ແມ່ນສະມາຊິກອົງການການຄ້າໂລກຫວັງຊຸກຍູ້ວາລະປະຊຸມຂອງການເຈລະຈາຮອບໂດຮາຢ່າງຮອບດ້ານ,ຍາດແຍ່ງໃຫ້ໄດ້ຮັບຄວາມຄືບໜ້າໃນທຸກຫົວຂໍ້;ສອງ,ແມ່ນຜູ້ແທນການເຈລະຈາຂອງບັນດາຝ່າຍລ້ວນແຕ່ໄດ້ຮູ້ຄັກວ່າ,ພວກເຂົາເຈົ້າຕ້ອງຜ່ອນຍານຫຼັກໝັ້ນໃນສະເພາະໜ້ານີ້,ໃຊ້ການເຄື່ອນໄຫວທີ່ເປັນເອກະສັນກັນ,ເພື່ອຊຸກຍູ້ໃຫ້ການເຈລະຈາໄດ້ຮັບຜົນສຳເລັດໃນຂັ້ນສຸດທ້າຍ.
|
|
