|
ໜອງບາຍການຕັ້ງຢູ່ພາກໃຕ້ ຊາຍເປຍເຣຍຕາເວັນອອກຂອງຣັດເຊຍ,ໃນສະໄໝບູຮານ,ຈີນເອີ້ນໜອງນີ້ເປັນ"ທະເລເໜືອ".
ໜອງບາຍການແຄບຍາວຄົດລ້ຽວ,ຍາວ636ກິໂລແມັດ,ສະເລ່ຍແລ້ວ,ກວ້າງ48ກິໂລແມັດ,ບ່ອນກວ້າງທີ່ສຸດມີ79,4ກິໂລແມັດ,ຄືດວງເດືອນແຮມທີ່ເລື່ອມຢູ່ຮິມໃຕ້ຊາຍເປຍເຣຍຕາເວັນອອກ,ເນື້ອທີ່ຂອງໜອງມີ3ໝື່ນ1ພັນ5ຮ້ອຍກິໂລແມັດມົນທົນ,ເປັນທີ8ໃນໂລກ.ບໍລິມາດນ້ຳໜອງບາຍການມີ2ໝື່ນ3ພັນ6ຮ້ອຍກິໂລແມັດກ້ອນ,ກວມ1ສ່ວນ5ຂອງຍອດປະລິມານນ້ຳຈືດໃນໂລກ,ເປັນໜອງນ້ຳຈືດເລິກກວ່າໝູ່ທັງເກັບນ້ຳຫຼາຍກວ່າໝູ່ໃນໂລກ.ການທີ່ໜອງເກັບນ້ຳຫຫຼາຍນັ້ນແມ່ນຍ້ອນໜອງເລິກຫຼາຍ,ສະເລ່ຍແລ້ວ,ໜອງບາຍການເລິກ730ແມັດ,ບ່ອນເລິກກວ່າໝູ່ມີ1620ແມັດ.ເຂດອ້ອມແອ້ມຂອງໜອງບາຍການ,ມີແມ່ນ້ຳສາຍນ້ອຍສາຍໃຫຍ່366ສາຍໄຫຼປ່ອນເຂົ້າໜອງນີ້,ແລະແມ່ນ້ຳທີ່ໄຫຼອອກຈາກໜອງມີພຽງແມ່ນ້ຳອາຈາລາສາຍດຽວເທົ່ານັ້ນ,ປະລິມານນ້ຳໄຫຼຕໍ່ປີ,ສະເລ່ຍແລ້ວພຽງ 1870ແມັດກ້ອນຕໍ່ວີນາທີ.
ນັກວິທະຍາສາດເຄີຍສົມມຸດຫຼາຍກໍລະນີມ່ວນໆວ່າ:ຖ້າບໍ່ມີແມ່ນ້ຳສາຍອື່ນໄຫຼປ່ອນເຂົ້າໜອງບາຍການ,ຫາກມີແຕ່ນ້ຳທີ່ໄຫຼຈາກແມ່ນ້ຳອາຈາລາຕາມປະລິມນານນ້ຳໄຫຼສະເລ່ຍຕໍ່ປີໃນປະຈຸບັນ, ຕ້ອງການ40ປີນ້ຳໃນໜອງບາຍການຈິ່ງບົກແຫ້ງ,ຖ້າແມ່ນ້ຳສາຍສຳຄັນໃນທົ່ວໂລກລ້ວນແຕ່ໄຫຼປ່ອນເຂົ້າໜອງເບຍການ,ຍັງຕ້ອງການປະມານ1ປີນ້ຳຈິງເຕັ້ມໜອງບາຍການ,ນ້ຳໜອງບາຍການສາມາດໃຫ້5ຕື້ຄົນກິນ50ປີ.
ໜອງບາຍການມີຊັບພະຍາກອນຊີວະຊາດອັນອຸດົມສົມບູນ,ແມ່ນເຂດປະມົງທີ່ສຳຄັນຂອງຣັດເຊຍ.ໃນໜອງມີພືດປະມານ600ກວ່າຊະນິດແລະສັດ1200ກວ່າຊະນິດ,ໜອງອື່ນໆໃນໂລກຈະປຽບທຽບບໍ່ໄດ້.ສິ່ງທີ່ເຮັດໃຫ້ນັກວິທະຍາສາດສົນໃຈເປັນພິເສດນັ້ນແມ່ນຊີວະຊາດທີ່ເກົ່າແກ່.ເພາະວ່າຊີວະຊາດນ້ຳຈືດຈຳນວນຫຼາຍແມ່ຊອກບໍ່ເຫັນໃນແມ່ນ້ຳໜອງບຶງອື່ນໆຂອງຊາຍເປຍເຣຍ.ໜອງບາຍການເປັນໜອງນ້ຳຈືດ,ແຕ່ໃນໜອງພັດມີຊີວິຊາດທະເລຫຼາຍຊະນິດ ເຊັ່ນ, ເສືອດາວທະເລ,ຫອຍທະເລແລະກຸ້ງທະເລເປັນຕົ້ນ.ຢູ່ພື້ນໜອງບາຍການຍັງມີຟອງນ້ຳທີ່ສູງ1—15ແມັດ ເໝືອນຄືປ່າໄມ້,ໃນໜອງອື່ນແມ່ນຫາບໍ່ເຫັນດອກ,ກຸ້ງທະເລຮູບຮ່າງແນວແປກໆກໍ່ລີ້ຕົວໃນູ"ປ່າໄມ້"ດັ່ງກ່າວນີ້.ຕາມທຳມະດາ,ປາສະທໍຣ໌ຢອນແມ່ນດຳລົງຊີວິດຢູ່ແຄມທະເລ,ແຕ່ປາສະທໍຣ໌ຢອນພັດຢູ່ໜອງບາຍການຢູ່ໜອງບາຍການໄດ້ກາຍເປັນປານ້ຳຈືດໝົດແລ້ວ.
ໃນໜອງແບບທີ່ເປັນຕົວຂອງເອີລົບ,ຕາມທຳມະດາມີ ສັດພວກມີອອງຮູບກຸ້ງແລະບົ້ງຮູບແປພຽງສອງສາມຊະນິດເທົ່ານັ້ນ,ແຕ່ຢູ່ໜອງບາຍການພັດມີສັດພວກມີອອງຮູບກຸ້ງ200ກວ່າຊະນິດແລະບົ້ງຮູບແປ80ກວ່າຊະນິດ.ບໍ່ພຽງແຕ່ມີຈຳນວນຫຼວງຫຼາຍ,ບາງຈຳພວກຍັງແປກແປກຈັບສາຍຕາຄົນ.ຕົວຢ່າງ,ສັດພວກມີອອງຈຳນວນໜຶ່ງທີ່ປະກົດເຫັນໃນຫວ່າງມໍ່ໆນີ້ມີສີສະຫຼັບກັນ, ຄືສີສິ່ງແວດລ້ອມທຳມະຊາດທີ່ສຸດ,ພ້ອມກັນນັ້ນ,ຍັງມີຄົນເຄີຍຈັບບົ້ງຮູບແປທີ່ຍາວ38ຊັງຕີແມັດໃນໜອງບາຍການ,ບົ້ງຮູບແປຊະນິດນີ້ສາມາດກິນປາ,ເປັນບົ້ງຮູບແປໃຫຍ່ກວ່າໝູ່ແລະຫາຍາກໃນໂລກ.
ສັດປ່າໃນໜອງບາຍການທີ່ຈັບສາຍຕາຄົນທີ່ສຸດກໍ່ແມ່ນເສືອດາວທະເລນ້ຳຈືດແລ້ວ.ມັນມີຈຳນວນຫຼາຍ,ມັກເຄື່ອນໄຫວເປັນຝູງເປັນກຸ່ມ.ປະຈຸບັນ,ປີໃດຍັງສາມາດຈັບໄດ້ເກືອບ5000ໂຕ.ແຕ່,ເສືອດາວທະເລແມ່ນມາຕັ້ງບ້ານຢູ່ໜອງບາຍການແນວໃດ.ຕ່າງຄົນຕ່າງເວົ້າບໍ່ຄືກັນ,ຈົນເຖິງປະຈຸບັນ,ຍັງແມ່ນຄຳປິດສະໜາອັນໜຶ່ງ.ໃນປີໜຶ່ງ,ເຖິງວ່າໜອງບາຍການໄດ້ກ້າມ5ເດືອນນ້ຳກ້າມໜາປະມານ90ຊັງຕີແມັດ,ອຸນຫະພູມໃນລະດູໜາວ ສະເລ່ຍແລ້ວ ຢູ່ລົບ38ອົງສາ,ແຕ່ແສງແດດພັດສາມາດຜ່ານນ້ຳລົງສູ່ນ້ຳໜອງ,ປະກອບເປັນ"ຜົນບັງເກີດເຮືອນແກ້ວ",ເລີຍເຮັດໃຫ້ອຸນຫະພູມນ້ຳຂໃນລະດູໜາວອຸ່ນຄືລະດູຮ້ອນ,ມີຜົນດີໃຫ້ຊີວະຊາດລອຍນ້ຳແຜ່ເຊື້ອແຜ່ພັນໄດ້,ນີ້ສະໜອງອາຫານໃຫ້ຊີວະຊາດນ້ຳປະເພດຕ່າງໂດຍກົງແລະໂດຍທາງອ້ອມ,ຊຸກຍູ້ໃຫ້ຊີວະຊາດນ້ຳເຕີບໃຫຍ່ຂຶ້ນ.
ນີ້ກໍ່ແມ່ນໜອງບາຍການທີ່ມະຫັດສະຈັນ,ດຶງດູດນັກວິທະຍາສາດແລະນັກຊີວະສາດນັບບໍ່ຖ້ວນໄປຄົ້ນຄວ້າ.
|
