|
|
 |
| (GMT+08:00)
2006-02-10 11:27:47
|
 |
|
ທ່ານອານນານຮຽກຮ້ອງໃຫ້ອົງການຮາມາສປະລະກຳລັງຮຸນແຮງແລະຮັບຮອງອິສຣາແອນ
cri
ຕາມຂ່າວCRI,ວັນທີ9ກຸມພາ,ທ່ານອານນານ ເລຂາທິການໃຫຍ່ສະຫະປະຊາຊາດກ່າວວ່າ,ທ່ານຫວັງໃຫ້ອົງການຮາມາສທີ່ໄດ້ຮັບໄຊຊະນະໃນການເລືອກຕັ້ງສະພານິຕິບັນຍັດປາເລັສຕິນໃນຫວ່າງກ່ອນນີ້ບໍ່ດົນຈົ່ງຮັບຟັງຂໍ້ສະເໜີຂອງປະຊາຄົມໂລກ,ປະລະການເຄື່ອນໄຫວໃຊ້ກຳລັງຮຸນແຮງແລະຮັບຮອງການຊົງຕົວຢູ່ຂອງອິສຣາແອນ,ແລະປ່ຽນຈາກຂະບວນການປະກອບອາວຸດ ເປັນພັກການເມືອງ.
ໃນເວລາຕອບຄຳຖາມຂອງນັກຂ່າວຢູ່ສຳນັກງານໃຫຍ່ອົງການສະຫະປະຊາຊາດທີ່ນີວຢອກໃນວັນທີ9ກຸມພາ,ທ່ານອານນານກ່າວວ່າ,ເຖິງວ່າອົງການຮາມາສໄດ້ຮັບໄຊຊະນະໃນການເລືອກຕັ້ງສະພານິຕິບັນຍັດຂອງປາເລັສຕິນແລ້ວກໍຕາມ,ແຕ່ຈົນຮອດປັດຈຸບັນຍັງບໍ່ທັນໄດ້ປະກອບລັດຖະບານຊຸດໃໝ່.ທ່ານຫວັງໃຫ້ອົງການຮາມາສຕັ້ງໜ້າຮັບຟັງແລະຕັ້ງໜ້າໃຊ້ຄຳຕອບຕໍ່ປະຊາຄົມໂລກ ພາຍໃນໄລຍະຂ້າມຜ່ານຂອງອຳນາດການປົກຄອງເປັນເວລາ3ເດືອນ.ໃນທີ່ສຸດ,ອີງຕາມຂໍ້ສະເໜີຂອງ4ຝ່າຍທີ່ກ່ຽວຂ້ອງກັບບັນຫາຕາເວັນອອກກາງ,ຮັບເອົາສັນຍາທີ່ອົງການອຳນາດແຫ່ງຊາດປາເລັສຕິນກັບຝ່າຍທີ່ກ່ຽວຂ້ອງຕົກລົງກັນ,ຮັບເອົາຫຼັກການແກ້ໄຂບັນຫາປະທະກັນລະຫວ່າງປາເລັສຕິນອິສຣາແອນດ້ວຍວິທີສ້າງຕັ້ງສອງປະເທດ.ທ່ານອານນານຍັງກ່າວວ່າ,ສະຫະປະຊາຊາດຈະທຳຄວາມພະຍາຍາມຈົນສຸດຄວາມສາມາດ,ຮັບປະກັນໃຫ້ລັດຖະບານຂ້າມຜ່ານຂອງປາເລັສຕິນມີຊັບພະຍາກອນພຽງພໍໃນການປະຕິບັດໜ້າທີ່ຮັບຜິດຊອບ.
|
|
|
