|
|
(GMT+08:00)
2006-02-10 17:46:45
|
|
ຊາວຈີນຕ່າງດ້າວອາເມລິກາ ແອສປາຍກ່າວຕີໂຕ້ຖ້ອຍຄວາມຂອງທ່ານເຊິນສຸຍປຽນ
cri
Author: shuo
ຕາມຂ່າວCRI:ຫວ່າງມໍ່ໆນີ້,ສະມາຄົມສົ່ງເສີມການໂຮມຈີນເຂົ້າເປັນເອກະພາບກັນໂດຍສັນຕິ ຂອງເຂດວໍຊິງຕັນອາເມລິກາແລະແອສປາຍຕ່າງໄດ້ອອກຖະແຫຼງການ,ກ່າວປະນາມຢ່າງຮຸນແຮງຕໍ່ຖ້ອຍຄວາມທີ່ໃຫ້ໄຕ້ຫວັນເປັນເອກະລາດທີ່ທ່ານເຊິນສຸຍປຽນ ຜູ້ນຳເຈົ້າໜ້າທີ່ໄຕ້ຫວັນກ່າວໃນຫວ່າງມໍ່ໆນີ້.
ວັນທີ9ກຸມພາ,ສະມາຄົມສົ່ງເສີມການໂຮມຈີນເຂົ້າເປັນເອກະພາບກັນໂດຍສັນຕິຂອງເຂດວິຊິງຕັນອາເມລິກາໄດ້ອອກຖະແຫຼງການໂດຍກ່າວວ່າ,ປີກາຍນີ້,ແຜ່ນດິນໃຫຍ່ຈີນໄດ້ປະກາດໃຊ້ກົດ ໝາຍວ່າດ້ວຍການຕ້ານການແບ່ງແຍກປະເທດແລະໄດ້ປະຕິບັດມາດຕະການຕ່າງໆທີ່ມີຜົນດີຕໍ່ການພັດທະນາຂອງພີ່ນ້ອງຮ່ວມຊາດໄຕ້ຫວັນແລະເຮັດໃຫ້ການພົວພັນສອງຝັ່ງມີຄວາມໝັ້ນທ່ຽງ,ທັງນີ້ໄດ້ເສີມຂະຫຍາຍບົດບາດສະກັດກັ້ນຢ່າງບັງເກີດຜົນຕໍ່ການເຄື່ອນໄຫວແບ່ງແຍກໄຕ້ຫວັນໃຫ້ເປັນເອກະລາດ,ແລະໄດ້ຮັບການສະໜັບສະໜູນໂດຍທົ່ວໄປຈາກປະຊາມະຕິໄຕ້ຫວັນ.ການກະທຳທີ່ໃຫ້ໄຕ້ຫວັນເປັນເອກະລາດຂອງທ່ານເຊິນສຸຍປຽນຍ່ອມຈະຖືກກ່າວປະນາມຈາກລູກຫຼານປະຊາຊາດຈີນໃນທົ່ວໂລກແລະປະຊາຄົມໂລກ.ຖະແຫຼງການຮຽກຮ້ອງຊາວຈີນຕ່າງດ້າວທີ່ຢູ່ພົ້ນທະເລສາມັກຄີເປັນຈິດໜຶ່ງໃຈດຽວກັນ,ເດັດດ່ຽວຄັດຄ້ານການເຄື່ອນໄຫວແບ່ງແຍກໃຫ້ໄຕ້ຫວັນເປັນເອກະລາດທີ່ທ່ານເຊິນສຸຍປຽນແລະອິດທິກຳລັງໄຕ້ຫວັນເປັນເອກະລາດຊຸກຍູ້ນັ້ນ,ພ້ອມກັນປົກປັກຮັກສາສັນຕິພາບແລະສະຖຽນລະພາບຂອງຊ່ອງແຄບໄຕ້ຫວັນ,ປົກປັກຮັກສາສັນຕິພາບໂລກພາກພື້ນອາຊີປາຊິຟິກກໍຄືຂອງໂລກ.
ໃນຖະແຫຼງການທີ່ສະມາຄົມສົ່ງເສີມການໂຮມຈີນເຂົ້າເປັນເອກະພາບກັນໂດຍສັນຕິຂອງແອສປາຍປະກາດໃນຫວ່າງມໍ່ໆນີ້ໄດ້ກ່າວປະນາມຄຳປາໄສຂອງທ່ານເຊິນສຸຍປຽນທີ່ໄດ້ສ້າງອຸປະສັກໃຫ້ແກ່ການຂະຫຍາຍການພົວພັນສອງຝັ່ງຕື່ມອີກ,ກ່າວເຕືອນເຈົ້າໜ້າທີ່ເຊິນສຸຍປຽນຢ່າເດີນຕາມເສັ້ນທາງທີ່ໃຫ້ໄຕ້ຫວັນເປັນເອກະລາດຕໍ່ໄປ,ແລະຫວັງໃຫ້ເຈົ້າໜ້າທີ່ໄຕ້ຫວັນກຳໂອກາດອັນດີງາມໃນປະຈຸບັນ,ຢ່ວງບາດກ້າວທີ່ບັງເກີດຜົນເພື່ອຊຸກຍູ້ການໂຮມປະຊາຊາດຈີນເຂົ້າເປັນເອກະພາບກັນໂດຍສັນຕິໂດຍໄວເທົ່າທີ່ຈະໄວໄດ້.
|
|
|