|
ເຈົ້າໜ້າທີ່ກະຊວງສາທາລະນະສຸກຈີນກ່າວວ່າ ສິ່ງແວດລ້ອມເປັນພິດແມ່ນສາເຫດໜຶ່ງທີ່ພາໃຫ້ຄົນເປັນພະຍາດໄຂ້ຫວັດສັດປີກ
cri
Author: min
ຕາມຂ່າວCRI: ວັນທີ 10 ກຸມພາ, ເຈົ້າໜ້າທີ່ກະຊວງສາທາລະນະສຸກຈີນກ່າວວ່າ, ການເຊື່ອມພິດສິ່ງແວດລ້ອມຍ້ອນສັດປີກຕາຍແມ່ນສາເຫດໜຶ່ງທີ່ພາໃຫ້ເຂດບໍ່ເຄີຍມີສັດເປັນພະຍາດໄຂ້ຫວັດສັດປີກນັ້ນປະກົດມີຄົນຕິດແປດເຊື້ອພະຍາດໄຂ້ຫວັດສັດປີກ.
ໃນງານຖະແຫຼງຂ່າວທີ່ຈັດຂຶ້ນເປັນປະຈຳ, ທ່ານມາວຊຸນອ່ານໂຄສົກຖະແຫຼງ ຂ່າວຂອງກະຊວງສາທາລະນະສຸກຈີນເວົ້າວ່າ, ໃນຜູ້ເປັນພະຍາດໄຂ້ຫວັດສັດປີກຢູ່ຈີນທີ່ໄດ້ລາຍງານແລ້ວນັ້ນ, ມີຫຼາຍຄົນແມ່ນຢູ່ເຂດທີ່ບໍ່ເຄີຍປະກົດມີສັດເປັນພະຍາດໄຂ້ຫວັດສັດປີກ. ຕາມຜູ້ຊ່ຽວຊານວິເຄາະວ່າ, ສາເຫດທີ່ພາໃຫ້ຄົນເຫຼົ່ານັ້ນເປັນພະຍາດນັ້ນແມ່ນຍ້ອນສັດປີກຕາຍຍ້ອນຕິດແປດເຊື້ອພະຍາດໄຂ້ຫວັດສັດປີກໄດ້ເຊື່ອມພິດສິ່ງແວດລ້ອມ.
ທ່ານຍັງຊີ້ອອກວ່າ, ຍ້ອນເງື່ອນໄຂປິ່ນປົວຢູ່ຂັ້ນຮາກຖານຂອງເຂດສ່ວນໜຶ່ງຂອງຈີນມີຄວາມຈຳກັດ, ບາງຄົນເປັນພະຍາດແລ້ວຖືກປະກົດເຫັນອ່າວຊ້າ, ປົວບໍ່ທັນ, ສະນັ້ນ, ອັດຕາການຕາຍຂອງຄົນເປັນພະຍາດໄຂ້ຫວັດສັດປີກຢູ່ຈີນໃນປະຈຸບັນແມ່ນອ່າວສູງກວ່າຕົວເລກສະເລ່ຍໃນທົ່ວໂລກ.
|
|
