ຕາມ​ຂ່າວສານ​ຊິນ​ຮວາ: ວັນ​ທີ 10 ກຸມພາ​ຢູ່​ທີ່​ຊຽງ​ໄຮ້, ​ເຈົ້າ​ໜ້າ​ທີ່​ຊັ້ນ​ສູງ​ຂອງ​ກຸ່ມ​ບໍລິສັດ​ຊູ​ອີສ໌ຟຼັ່ງ ​ເຊິ່ງ​ເປັນ​ໜຶ່ງ​ໃນ500​ສຸດ​ຍອດ​ບໍລິສັດ​ຂອງ​ໂລກ​ກ່າວ​ວ່າ, ບໍລິສັດ​ດັ່ງ​ກ່າວ​ຕົກ​ລົງຕັ້ງ​ສຳນັກງານ​ໃຫຍ່​ເຂດ​ອາຊີ​ປາຊີ​ຟິກຢູ່​ຊຽງ​ໄຮ້, ການ​ລົງທຶນ​ຢູ່​ຈີນ​ໃນ​ສອງ​ປີ​ຂ້າງ​ໜ້າ​ກໍ​ມີ​ຫວັງ​ຈະ​ເພີ່ມ​ຂຶ້ນ​ໜຶ່ງ​ເທົ່າ.

ກ່ອນ​ໜ້າ​ນີ້, ກຸ່ມ​ບໍລິສັດ​ເວ​ເລຍ ຍັກ​ໃຫຍ່​ດ້ານ​ສິ່ງ​ແວດ​ລ້ອມ​ອີກບໍລິສັດ​ໜຶ່ງ​ຂອງ​ຟຼັ່ງກໍ່​ໄດ້​​ເຜີຍ​ແຜນການຂອງ​ເຂົາ​ທີ່​ລົງທຶນ​ອັນ​ມະຫາ​ສານ​ຢູ່​ຈີນ.

ຜູ່​ຮັບຜິດຊອບ​ທີ່​ກ່ຽວ​ຂ້ອງຂອງ​ກຸ່ມ​ບໍລິສັດ​ຊູ​ອີສກ່າວ​ວ່າ, ຂະ​ແໜງ​ການ​ສິ່ງ​ແວດ​ລ້ອມ​ລວມຂອງ​ຈີນທັງ​ວຽກ​ງານ​ນ້ຳ​ແລະ​ຊຳລະ​ຂີ້​ເຫຍື້​ຍ​ມີ​ປະລິມານ​ການ​ລົງທຶນ​ອັນ​ມະຫາສານ, ບໍລິສັດ​ຊູ​ອີສ​ໄດ້​ເຂົ້າ​ໃນ​ຈີນ​ລື່ນ​ກາຍ30​ປີ​ແລ້ວ, ປັດຈຸບັນ​​ໄດ້ເຂົ້າ​ສູ່​ໄລຍະ​ເລັ່ງລັດ​ພັດທະນາ, ຈະຈັດ​ເອົາປັກ​ກິ່ງ ຈຸ​ງກິ​ງ​ແລະ​ເຂດ​ແມ່ນ້ຳຈູ​ຈຽງ​ທີ່​ພາກ​ໃຕ້​ຂອງ​ຈີນ​ເປັນ​ເຂດ​ລົງທຶນ​ຈຸດ​ໜັກ.

ຕາມ​ໄດ້​ຊາບ, ບໍລິສັດ​ຊູ​ອິສໄດ້​ເຊັນ​ຂໍ້​ຜູກ​ພັນ​ເກືອບ150​ສະ​ບັນ​ຢູ່​ຈີນ​ກ່ຽວ​ກັບ​ການ​ອອກ​ແບບແລະ​ກໍ່ສ້າງ​ໂຮງງານບຳບັດ​ນ້ຳ, ຢູ່16​ເມືອງ​ຂອງ​ຈີນ​ມີ​ວິ​ສາ​ຫະກິດ​ຮ່ວມ​ທຶນ, ສະໜອງ​ການບໍລິການ​ນ້ຳ​ດື່ມ​ໃຫ້​ແກ່​ປະຊາກອນ​ປະມານ12​ລ້ານ​ຄົນ.