|
ຕາມຂ່າວສານຈີນ: ກັບຢາກວດກາຊະນິດໜຶ່ງທີ່ບໍລິສັດແຫ່ງໜຶ່ງຂອງຊຽງໄຮ້ຈີນຄົ້ນຄວ້າຜະລິດເອົາເອງ ສາມາດກວດພົບເຊື້ອໂຣກເອດພາຍໃນເຄິ່ງຊົ່ວໂມງ, ກັບຢາກວດກາຊະນິດນີ້ຈະສົ່ງອອກຂາຍຢູ່ອາຊີ ອາຟິຼກກາ ທະວີບອາເມລິກາລາຕິນແລະເຂດສ່ວນໜຶ່ງຂອງເອີລົບຢ່າງຫຼວງຫຼາຍ.
ຕາມໜັງສືພິມ "ເວີຍຮຸ້ຍປ້າວ" ທີ່ພິມຈຳໜ່າຍຢູ່ນະຄອນຊຽງໄຮ້ລາຍງານວ່າ, ກັບຢາກວດກາທີ່ຜະລິດຢູ່ຊຽງໄຮ້ມີຄວາມພິກໄຫວແລະອັດຕາແມ່ນຢຳສູງສົມຄວນ, ການໃຊ້ກໍ່ງ່າຍ, ມີແຕ່ເຈາະເອົາເລືອດຢອດໜຶ່ງແລະໃສ່ນ້ຳຢາໜ້ອຍໜຶ່ງ, ກໍ່ຈະໄດ້ຜົນພາຍໃນເຄິ່ງຊົ່ວໂມງ.
ຕົວເລກສະຖິຕິຂອງສະຫະປະຊາຊາດສະແດງໃຫ້ເຫັນວ່າ, ປັດຈຸບັນ ໃນທົ່ວໂລກມີຜູ່ຕິດເຊື້ອໂຣກເອດປະມານ 40 ລ້ານຄົນ. ຍ້ອນຂາດພາຫະນະບົ່ງມະຕິທີ່ສະດວກແລະບັງເກີດຜົນ, ມີຜູ່ຕິດເຊື້ອ 90% ຍັງບໍ່ຮູ້ວ່າຕົນເອງຕິດເຊື້ອໂຣກເອດ, ກາຍເປັນແຫຼ່ງຕິດແປດທີ່ມີຄວາມອັນຕະລາຍທີ່ສຸດ. ກັບຢາຊະນິດນີ້ຈະເຮັດໃຫ້ການບົ່ງມະຕິໂຣກເອດທັງສະດວກທັງວ່ອງໄວ.
|
