ຕາມ​ຂ່າວສານ​ຊິນ​ຮວາ: ວັນ​ທີ 12 ກຸມພາ ລັດຖະບານ​ຈີນ​ໄດ້​ປະກາດ "ກົດ​ຂໍ້​ກຳນົດ​ປ້ອງ​ກັນ​ແລະ​ປິ່ນປົວ​ໂຣກ​ເອດ", ​ໃນ​ກົດ​ຂໍ້​ກຳນົດ​ໄດ້​ກຳນົດ​ໜ້າ​ທີ່​ຮັບຜິດຊອບ​ຂອງ​ອົງ​ການ​ປົກ​ຄອງ​ທຸກຂັ້ນ​ໃນ​ການ​ປ້ອງ​ກັນ​ແລະ​ປິ່ນປົວ​ໂຣກ​ເອດ, ​ແລະ​ໄດ້​ກຳນົດ​ສິດ​ແລະ​ພັນທະ​ຂອງ​ຜູ່​ຕິດ​ເຊື້ອ​ໂຣກ​ເອດ​ແລະ​ຜູ່​ເປັນ​ໂຣກ​ເອດ​ຢ່າງ​ຈະ​ແຈ້ງ. ກົດ​ຂໍ້​ກຳນົດ​ດັ່ງກ່າວ​ຈະ​ເລີ່​ມມີ​ຜົນ​ບັງ​ຄັບ​ໃຊ້​ແຕ່​ວັນ​ທີ 1 ມີນາ​ປີ​ນີ້​ເປັນຕົ້ນ​ໄປ.

ກົດ​ຂໍ້​ກຳນົດ​​ໄດ້ກຳນົດໄວ້​ວ່າ, ອົງການ​ປົກຄອງ​ຂັ້ນ​ເມືອງ​ຂຶ້ນ​ໄປຄວນສະໜອງ​ຢາ​ປິ່ນ​ປົວ​ຕ້ານ​​ເຊື້ອໂຣກ​ເອດ​ໃຫ້​ຜູ່​ເປັນ​ໂຣກ​ເອດ​ໃນ​ຊົນນະບົດ​ແລະ​ຜູ່​ເປັນ​ໂຣກ​ເອດ​​ໃນ​ເມືອງ​ທີ່​ມີ​ຄວາມ​ຫຍຸ້ງຍາກ​ດ້ານ​ເສດຖະກິດ​ໂດຍ​ຟີ, ສະໜອງ​ການປິ່ນປົວ​ແລະ​ໃຫ້​ຄຳ​ປຶກສາ​​ແກ່​ແມ່​ມານ​ທີ່​ຕິດ​ເຊື້ອ​ໂຣກ​ເອດ​ໂດຍ​ຟີເພື່ອ​​ປ້ອງ​ກັນບໍ່​ໃຫ້ໂຣກ​ເອດ​ແຜ່​ລະບາດ​ຈາກ​ແມ່​ໃຫ້​ເດັກ.

ກົດ​ຂໍ້​ກຳນົດ​ຍັງ​ກຳນົດ​ໄວ້​ວ່າ, ຜູ່​ຕິດ​ເຊື້ອ​ໂຣກ​ເອດ​ແລະ​ຜູ່​ເປັນ​ໂຣກ​ເອດ​ຄວນ​ໃຊ້​ມາດ​ຕະ​ການ​ປ້ອງ​ກັນ​ອັນ​ຈຳ​ເປັນ, ປ້ອງ​ກັນ​ບໍ່​ໃຫ້​ຕິດ​ແປດ​ຜູ່​ອື່ນ, ບໍ່​ໃຫ້​ຕັ້ງ​ແກ້ງ​ແຜ່​ລະ​ບາດ​ໂຣກ​ເອດ​ດ້ວຍ​ຮູບ​ການ​ໃດໆ.