|
ຕາມຂ່າວCRI: ວັນທີ 12 ກຸມພາ, ທ່ານເມຊາອານ ຜູ່ນຳການເມືອງຂະບວນການປາເລັສຕິນອິສລາມຕໍ່ຕ້ານຫຼື ອົງການຮາມາສທີ່ໄປຢ້ຽມຢາມຊູດັງປະກາດຢູ່ທີ່ກາກຕຸມວ່າ, ປາເລັສຕິນຈະສ້າງຕັ້ງ "ລັດຖະບານປະສົມແຫ່ງຊາດ". ລັດຖະບານນີ້ຈະປະກອບດ້ວຍຜູ່ມີຄວາມສາມາດທີ່ມາຈາກຊັ້ນຊົນຕ່າງໆໃນສັງຄົມ. ລັດຖະບານຊຸດໃໝ່ຈະເຮັດໃຫ້ປະຊາຊົນປາເລັສຕິນດຳລົງຊີວິດຢ່າງມີກຽດສັກສີ.
ທ່ານເມຊາອານຍັງກ່າວວ່າ, ຮາມາສຈະເດັດດ່ຽວປົກປັກຮັກສາສິດຊອບກົດໝາຍທີ່ຕ້ານຢັນການຍຶດຄອງຂອງອິສຣາແອນ, ຈົນກວ່າສ້າງຕັ້ງປະເທດປາເລັສຕິນທີ່ເປັນເອກະລາດແລະມີອະທິປະໄຕສົມບູນ ບົນດິນແດນປາເລັສຕິນ. ທ່ານກ່າວລື້ມວ່າ, ກ່ອນອິສຣາແອນຮັບຮອງເອົາສິດຊອບກົດໝາຍຂອງປະຊາຊົນປາເລັສຕິນແລ້ວ, ຮາມາສຈະບໍ່ຮັບຮອງເອົາປະເທດອິສຣາແອນ.
ໃນມື້ດຽວກັນ, ໃນກອງປະຊຸມຄະນະລັດຖະບານສະໄໝສາມັນ, ທ່ານໂອນເມີດ ຜູ່ຮັກສາການແທນນາຍົກລັດຖະມົນຕີອິສຣາແອນກ່າວລື້ມວ່າ, ຕາບໃດຄະນະກຳມະການນິຕິບັນຍັດປາເລັສຕິນທີ່ເລືອກຕັ້ງໃໝ່ສາບານຕົວຂຶ້ນຮັບຕຳແໜ່ງ, ອົງການສິດອຳນາດແຫ່ງຊາດປາເລັສຕິນຈະປ່ຽນເປັນອຳນາດອົງການຮາມາສແລ້ວ, ອິສຣາແອນກໍຈະປະຕິເສດບໍ່ຮ່ວມມືກັບເຂົາ.
|
