|
ຈີນໄດ້ກຳນົດບັນຊີລາຍຊື່ແບບຢ່າງມໍລະດົກວັດທະນະທຳທີ່ບໍ່ແມ່ນວັດຖຸລະດັບຊາດງວດທຳອິດ
cri
ຕາມຂ່າວຈາກໜັງສືພິມປັກກິ່ງຢູເລີ້ຊິ້ນປ້າວຂອງຈີນ,ວຽກງານຮ້ອງຂໍເປັນແບບຢ່າງມໍລະດົກວັດທະນະທຳທີ່ບໍ່ແມ່ນວັດຖຸລະດັບຊາດງວດທຳອິດຂອງຈີນໄດ້ດຳເນີນຢ່າງສະດວກ,ປັດຈຸບັນ,ໄດ້ກຳນົດ501ໂຄງການທີ່ສະເໜີ.
ຜູ່ຮັບຜິດຊອບທີ່ກ່ຽວຂ້ອງຂອງກະຊວງວັດທະນະທຳຈີນແນະນຳວ່າ,ໂຄງການທີ່ຕົກລົງຈະສະເໜີແມ່ນຄັດເລືອກຈາກ1300ກວ່າໂຄງການທີ່31ແຂວງ,ເຂດປົກຄອງຕົນເອງ,ກຳແພງນະຄອນແລະພາກສ່ວນທີ່ກ່ຽວຂ້ອງຂອງຈີນນະເໜີແບ່ງເປັນ10ປະເພດໃຫຍ່ຄືວັນນະຄະດີພື້ນເມືອງ,ດົນຕີ,ການຟ້ອນ,ງີ້ວ,ກາຍຍະສິນແລະເຕັກນິກແຂ່ງຂັນ,ສືມືຫັດຖະກຳ, ແພດແລະຢາພື້ນເມືອງ,ຮີດຄອງປະເພນີເປັນຕົ້ນ.ມີມະຫາກາບປະຫວັດສາດເລື່ອງເກີເຊີເຜົ່າຕິເບດ,ປຶ້ມບູຮານຂອງເຜົ່າສຸຍໃນປຶ້ມບູຮານທີ່ຂຽນດ້ວຍຕົວໜັງສືທີ່ແຕ້ມຕາມຮູບທີ່ຍັງຊົງຕົວຢູ່ໃນໂລກປັດຈຸບັນເປັນຕົ້ນ.ບຸນປະເພນີຈີນເຊັ່ນບຸນກຸດຈີນ,ບຸນຊິງມິງ,ບຸນຕ່ວນອູ,ບຸນຊີຊີ,ບຸນໄຫວ້ພະຈັນແລະບຸນສົງຢາງເປັນຕົ້ນກໍໄດ້ຖືກຈັດເຂົ້າໃນບັນຊີລາຍຊື່ທີ່ສະເໜີ.
ຕາມໄດ້ຊາບ,501ໂຄງການດັ່ງກ່າວໄດ້ຖືກເປີດເຜີຍແລ້ວ,ແລະຈະລາຍງານໃຫ້ຄະນະລັດຖະບານຈີນພິຈາລະນາອະນຸມັດແລ້ວປະກາດ.
|
|
