ຕາມຂ່າວCRI: ວັນທີ 13 ກຸມພາ, ກອງປະຊຸມຜູ່ຊ່ຽວຊານຂອງກອງປະຊຸມລະດັບລັດຖະມົນຕີກະຊວງສຶກສາທິການທົ່ວປວງຊົນ 9 ປະເທດທີ່ມີປະຊາກອນຫຼາຍກວ່າໝູ່ຂອງອົງການຢູເນັສກູສະຫະປະຊາຊາດຄັ້ງທີ 6 ໄດ້ໄຂຂຶ້ນຢູ່ທີ່ມອນເຕີຣີ ທາງພາກເໜືອແມັກຊິກ. ກອງປະຊຸມເທື່ອນີ້ຈັດຂຶ້ນເພື່ອກະກຽມກອງປະຊຸມລະດັບລັດຖະມົນຕີກະຊວງສຶກສາທິການທີ່ຈະຈັດຂຶ້ນແຕ່ວັນທີ 14 ຮອດວັນທີ 15 ກຸມພາ.
ເຈົ້າໜ້າທີ່ແລະຜູ່ຊ່ຽວຊານໃນຂົງເຂດການສຶກສາທີ່ມາຈາກ 9 ປະເທດພວມພັດທະນາ ໃຫຍ່ດ້ານປະຊາກອນ ຄື ບັງກຼາເດັດ ເບຼຊິນ ຈີນ ເອຢິບ ອິນເດຍ ອິນໂດເນເຊຍ ແມັກຊິກ ນີເຊເລຍແລະປາກິສຖານໄດ້ເຂົ້າຮ່ວມກອງປະຊຸມ. ຜູ່ແທນທີ່ຮ່ວມປະຊຸມໄດ້ຫວນຄືນສະພາບການຈັດຕັ້ງປະຕິບັດເປົ້າໝາຍຕ່າງໆຕັ້ງແຕ່ກອງປະຊຸມລະດັບລັດຖະມົນຕີກະຊວງສຶກສາທິການຄັ້ງກ່ອນທີ່ໄຂຂຶ້ນຢູ່ທີ່ເລີແກເປັນຕົ້ນມາ, ແລະໄດ້ແນະນຳມາດຕະການຂອງລັດຖະບານບັນດາປະເທດເພື່ອຮັບປະກັນຄຸນນະພາບການສຶກສາ. ຜູ່ແທນທັງຫຼາຍຍັງປຶກສາຫາລືກັນກ່ຽວກັບບັນຫາທີ່ປະເທດພວມພັດທະນາປະເຊີນໃນການພັດທະນາການສຶກສາ ແລະເຮັດແນວໃດເພີ່ມທະວີການຮ່ວມມືໃຕ້ໆໃນຂົງເຂດການສຶກສາຕື່ມອີກ.
|