|
ຕາມຂ່າວສານຊິນຮວາ: ພາຍຫຼັງນີເຊເລຍເກີດພາຍາດໄຂ້ຫວັດສັດປີກແລ້ວ, ຫຼາຍໆປະເທດທະວີບອາຟຼິກກາລ້ວນແຕ່ໃຊ້ມາດຕະການຮີບດ່ວນ, ປ້ອງກັນການເກີດໄຂ້ຫວັດສັດປີກ. ໃນຂະນະດຽວກັນ, ປະເທດເອີລົບກໍ່ຍັງອອກແຮງສຸດຂີດຄວບຄຸມບໍ່ໃຫ້ພະຍາດໄຂ້ຫວັດສັດປີກແຜ່ລະບາດກວ້າງອອກ.
ວັນທີ 9 ກຸມພາ, ໂຄສົກກະຊວງກະສິກຳນີເຊເລຍໄດ້ຢືນຢັນວ່າ, ຟາມລ້ຽງໄກ່ໃນສາມລັດຄື ລັດຄາດູນາເປັນຕົ້ນໄດ້ເກີດພະຍາດໄຂ້ຫວັດສັດປີກອີກ.
ນີເຊເລຍເກີດພະຍາດໄຂ້ຫວັດສັດປີກ, ປະເທດທະວີບອາຟຼິກກາ ເຊັ່ນ ອາຟິຼກກາໃຕ້ ກຳເມລຸນ ເບແນງແລະກາບົງເປັນຕົ້ນໄດ້ປະກາດຫ້າມນຳເຂົ້າສິນຄ້າປະເພດສັດປີກຈາກນີເຊເລຍຕາມໆກັນ, ແລະເພີ່ມທະວີຕິດຕາມຄວບຄຸມນົກຍ້າຍແກ່ວ, ເພີ່ມທະວີການກວດກາຢູ່ທ່າເຮືອແລະສະໜາມບິນພ້ອມດ້ວຍດ່ານຊາຍແດນ, ຕິດຕາມຄວບຄຸມສະພາບສຸຂະພາບຂອງນັກທ່ອງທ່ຽວຢ່າງເຄັ່ງຄັດ.
ຢູ່ເອີລົບ, ຕວກກີ ບຸນກາລີ ໂລມານີ ເກຼັກແລະອີຕາລີເປັນຕົ້ນ ລ້ວນແຕ່ໄດ້ເກີດພະຍາດໄຂ້ຫວັດສັດປີກແລ້ວ. ໂກຼອາຊີໄດ້ເກືອດຫ້າມນຳເຂົ້າສັດປີກແລະຜະລິດຕະພັນປຸກແຕ່ງຈາກສັດປີກຂອງປະເທດເກີດພະຍາດຫວັດສັດປີກ, ຂະນະດຽວກັນ ກໍ່ເອົາໃຈໃສ່ສະພາບພະຍາດຂອງປະເທດອ້ອມຂ້າງທີ່ເກີດພະຍາດໄຂ້ຫວັດສັດປີກຢ່າງແໜ້ນແຟ້ນ.
|
