|
ການແບ່ງປັນຜົນປະໂຫຍດເສດຖະກິດການຄ້າລະຫວ່າງຈີນກັບອາເມລິກາມີຄວາມດຸນດຽງກັນໃນດ້ານກວມລວມ
cri
ຕາມຂ່າວCRI,ວັນທີ14ກຸມພາຢູ່ທີ່ປັກກິ່ງ,ທ່ານອີ້ສຽວຈຸນ ຮອງລັດຖະມົນຕີກະຊວງການຄ້າຈີນກ່າວວ່າ,ເຖິງວ່າການຄ້າກັບຈີນຂອງອາເມລິກາມີການຂາດດຸນຂ້ອນຂ້າງຫຼາຍກໍຕາມ,ແຕ່ທີ່ຈິງແລ້ວ,ສອງຝ່າຍໄດ້ຮັບຜົນປະໂຫຍດເທົ່າທຽມກັນຈາກການໄປມາຫາສູ່ກັນດ້ານເສດຖະກິດການຄ້າໃນດ້ານກວມລວມ.
ທ່ານອີ້ສຽວຈຸນແມ່ນໃຫ້ທັດສະນະດັ່ງກ່າວໃນເວທີປາໄສເສດຖະກິດການຄ້າຈີນອາເມລິກາທີ່ໄຂຂຶ້ນໃນວັນທີ14ກຸມພາ.ທ່ານແນະນຳວ່າ,ດ້ານໜຶ່ງ,ຈີນໄດ້ສົ່ງເຄື່ອງໃຊ້ປະຈຳວັນທີ່ລາຄາຖືກທັງມີຄຸນນະພາບດີເປັນຈຳນວນຫຼວງຫຼາຍໄປຂາຍຢູ່ອາເມລິກາ,ເຮັດໃຫ້ຜູ້ບໍລິໂພກຂອງອາເມລິກາໄດ້ຮັບຜົນປະໂຫຍດຕົວຈິງ,ແລະໄດ້ຊຸກຍູ້ໃຫ້ລາຄາສິນຄ້າຂອງອາເມລິກາໝັ້ນທ່ຽງ.ອີກດ້ານໜຶ່ງ,ຈີນໄດ້ໃຊ້ເງິນຕາຕ່າງປະເທດໃນຄັງສຳຮອງຊື້ພັນທະບັດຂອງລັດອາເມລິກາຫຼາຍຮ້ອຍຕື້ໂດລາ,ໄດ້ຜ່ອນຄາຍກຳລັງໜີບຂອງຂຸມການເງິນຂອງອາເມລິກາຢ່າງຫຼວງຫຼາຍ.
ທ່ານອີ້ສຽວຈຸນຊີ້ອອກວ່າ,ອຸດສາຫະກຳຜະລິດສາກົນຍ້າຍມາສູ່ຈີນຢ່າງຫຼວງຫຼາຍແມ່ນມູນເຫດສຳຄັນທີ່ການຄ້າກັບຈີນຂອງອາເມລິກາຂາດດຸນ.
|
|
