ຕາມ​ຂ່າວ​CRI: ວັນ​ທີ 14 ກຸມພາ​, ​ເຢຍລະ​ມັນ​ແລະ​​ໂອ​ຕຼິສຕ່າງ​ໄດ້ປະ​ກາດ​ວ່າ, ​ໃນ​ປະ​ເທດ​ຕົນ​ໄດ້​ປະກົດ​ເຫັນ​ພະຍາດ​ໄຂ້ຫວັດ​ສັດ​ປີກປະ​ເພດ​ຮ້າຍ​ແຮງ H5N1.

ຕອນ​ຄ່ຳ​ວັນ​ທີ 14 ກຸມພາ ຢູ່​ທີ່​ແບກ​ແລງ, ​ໂຄສົກ​ເພດ​ຍິງ​ຜູ່​ໜຶ່ງ​ຂອງກະຊວງ​ກະສິ​ກຳ​ເຢຍ​ລະ​ມັນ​ປະກາດ​ວ່າ, ​ເຢຍລະ​ມັນ​ໄດ້​ປະກົດ​ເຫັນ​ພະຍາດ​ໄຂ້ຫວັດ​ສັດ​ປີກ​ປະ​ເພດ​ຮ້າຍ​ແຮງ H5N1 ​ເປັນຄັ້ງທຳ​ອິດ. ​ໂຄສົກ​ຜູ່​ນີ້ກ່າວ​ວ່າ, ຢູ່​ເກາະຣູ​ເກນ​ໃນທະ​ເລບານ​ຕິກ ທາງ​ພາກ​ເໜືອ​​ເຢຍ​ລະ​ມັນ ​ໄດ້​ພົບ​ເຫັນ​ນົກ​ຫ່ານ​ຟ້າ​ປ່າ​ຕາຍ 4 ​ໂຕ. ພະ​ນັກ​ງານ​ຄົ້ນ​ຄວ້າ​ໄດ້​ກວດກາ​ຢ່າງ​ວ່ອງ​ໄວ, ​ແລະ​ປະກົດເຫັນ​ວ່າ ​ໃນ​ສົບ​ນົກ​ຫ່ານ​ຟ້າ​ປ່າຕາຍ​ສອງ​ໂຕ​ມີ​ພະ​ຍາດ​ໄຂ້​ຫວັດ​ສັດ​ປີກ​ປະ​ເພດ​ຮ້າຍ​ແຮງ H5N1.

ວັນ​ທີ 14 ກຸມພາ, ​ເຈົ້າໜ້າ​ທີ່​ພາກສ່ວນ​ສາທາລະນະ​ສຸກ​ໂອ​ຕຼິສກໍ່​ປະກາດ​ວ່າ, ພວກ​ເຂົາ​ເຈົ້າ​ໄດ້​ໄດ້​ພົບ​ເຫັນ​ພະຍາດ​ໄຂ້ຫວັດ​ສັດ​ປີກ​ປະ​ເພດຮ້າຍ​ແຮງ H5N1 ​ໃນ​ນົກ​ຫ່ານ​ຟ້າ​ປ່າສອງ​ໂຕ​ທີ່​ຕາຍ​ໃນ​ແດນ​ໂອ​ຕຼິສ.