ຕາມຂ່າວcri:ວັນທີ14 ກຸມພາ,ຢູ່ຊູດັງ,ທ່ານຮາລີດ ມາຊາເລີ ຜູ້ນຳການເມືອງຂອງອົງການຮາມາສປະເລັສຕິນກ່າວວ່າ,ອົງການຮາມາສປະຕິເສດບໍ່ເຫັນດີຂໍ້ສະເໜີກ່ຽວກັບການປົດອາວຸດແລະປ່ຽນເປັນພັກການເມືອງທີ່ທ່ານອ່ານນານສະເໜີໃນຫວ່າງມໍ່ໆນີ້.ທ່ານຍັງປະຕິເສດການແຈ້ງຂ່າວຂອງບາງສື່ມວນຊົນກ່ຽວກັບອົງການນີ້ໄດ້ສະເໜີທ່ານຮາເນຍເປັນຜູ້ສະໝັກຮັບເລືອກຕັ້ງນາຍົກລັດຖະມົນຕີຜູ້ໃໝ່ຂອງປາເລັສຕິນ.
ມື້ດຽວກັນ,ທ່ານໂອເມີດ ວ່າການແທນນາຍົກລັດຖະມົນຕີອິສຣາແອນກ່າວວ່າ,ຖ້າໃຫ້ອົງການຮາມາສປະກອບລັດຖະບານປາເລັສຕິນໃນອະນາຄົດແລ້ວ,ອິສຣາແອນຈະຕີລາຄາການພົວພັນທັງໝົດກັບປາເລັສຕິນຄືນໃໝ່.
ມື້ດຽວກັນ,ທ່ານມູບາຣັກ ປະທານາທິບໍດີເອຢິບກ່າວວ່າ,ອົງການຮາມາສແມ່ນການເລືອກເອົາຂອງປະຊາຊົນປາເລັສຕິນສ່ວນຫຼາຍ,ລັດຖະບານປາເລັດສະຕິນທີ່ປະກອບດ້ວຍອົງການດັ່ງກ່າວກໍ່ສາມາດກ້າວໄປໜ້າຕາມເສັ້ນທາງສັນຕິພາບ,ປະຊາຄົມໂລກຄວນສະໜອງໂອກາດນີ້ໃຫ້ອົງການຮາມາສ.
|